اسٹیکنگ کیا ہے؟

تعارف

آپ یہ فرض کر سکتے ہیں کہ اسیٹکنگ مائننگ کا ایک ایسا متبادل ہے جس میں وسائل کی ضرورت اس قدر کثرت سے نہیں ہوتی۔ اس میں کسی بلاک چین نیٹ ورک کی سکیورٹی اور آپریشنز کی معاونت کرنے کے لیے فنڈز کرپٹو کرنسی والیٹ میں ہولڈ کرنے کا عمل شامل ہے۔ آسان لفظوں میں، اسٹیکنگ انعامات کو وصول کرنے کے لیے کرپٹو کرنسیز لاک کرنے کا عمل ہے۔

اکثر صورتوں میں، آپ اپنے کرپٹو والیٹ، جیسے کہ ٹرسٹ والیٹ سے براہِ راست اپنے کوائنز کو اسٹیک کر سکیں گے۔ دوسری طرف، بہت سارے ایکسچینجز اپنے صارفین کو اسٹیکنگ سروسز کی پیشکش کرتے ہیں۔ Binance اسٹیکنگ آپ کو ایک انتہائی آسان طریقے سے انعامات کمانے کی اجازت دیتا ہے – آپ کو محض ایکسچینج میں اپنے کوائنز کو ہولڈ کرنا ہے۔ اس پر بعد میں تفصیلی بات کی جائے گی۔

بہتر طور پر سمجھنے کے لیے کہ اسٹیکنگ کیا ہے، آپ کو پہلے یہ سمجھنا ہو گا کہ پروف آف اسٹیک (PoS) کس طرح کام کرتا ہے؟ PoS ایک رضامندی کا طریقہ کار ہے جو بلاک چینز کو غیر مرکزیت کا ایک مناسب پیمانہ برقرار رکھتے ہوئے توانائی کا بہتر استعمال کر کے عمل میں آنے کی اجازت دیتا ہے (یا کم از کم، ایسا ایک نظریہ رکھتا ہے)۔ آئیں اس بات پر تفصیلی بحث کرتے ہیں کہ PoS کیا ہے اور اسٹیکنگ کس طرح کام کرتا ہے۔

پروف آف اسٹیک (PoS) کیا ہے؟

اگر آپ جانتے ہوں کہ Bitcoin کیسے کام کرتا ہے، تو شاید آپ پروف آف ورک (PoW) سے بھی متعارف ہوں گے۔ یہ وہ طریقہ کار ہے جو کہ ٹرانزیکشنز بلاکس کی صورت میں یکجا کیے جانے کی اجازت دیتا ہے۔ پھر، یہ بلاکس بلاک چین بنانے کے لیے ایک دوسرے کے ساتھ جوڑے جاتے ہیں۔ ٓمزید واضح الفاظ میں بات کی جائے، تو مائنرز ایک پیچیدہ ریاضی کے معمہ حل کرنے کے لیے مقابلہ کرتے ہیں، اور جو بھی اس کو پہلے حل کرتا ہے اسے بلاک چین پر اگلا بلاک شامل کرنے کا حق حاصل ہو جاتا ہے۔

پروف آف ورک ایک غیر مرکزی کردہ طریقے سے رضامندی کا حصول آسان بنانے کے لیے ایک بہت مؤثر طریقہ ثابت ہوا ہے۔ مسئلہ یہ ہے، کہ اس کے اندر بہت سی خود ساختہ کمپیوٹیشن شامل ہوتی ہے۔ وہ معمہ جس کو مائنرزحل کرنے کے لیے مقابلہ کرتے ہیں، وہ نیٹ ورک محفوظ رکھنے کے علاوہ اور کچھ نہیں کرتا۔ یہ دلیل بھی دی جا سکتی ہے، کہ صرف اسی سے اس اضافی حساب کی توجیہہ ممکن ہے۔ یہاں پر آپ یہ سوچ رہے ہوں گے: کہ کیا زیادہ کمپیوٹیشنل لاگت کے بغیر غیر مرکزی کردہ رضامندی کو حاصل کرنے کے اور بھی طریقے ہیں؟

یہاں پر پروف آف اسٹیک کا عمل منظر نامے میں داخل ہوتا ہے۔ مرکزی خیال یہ ہے کہ شرکاء کوائنز (ان کے اسٹیک) کو لاک کر سکتے ہیں، اور مخصوص مدت کے وقفوں پر، پروٹوکول بے ترتیب طور پر ان میں سے کسی ایک کو اگلے بلاک کی تصدیق کا حق دے دیتا ہے۔ عموماً، چنے جانے کا امکان کوائنز کی تعداد سے متناسب ہوتا ہے – جتنے زیادہ کوائنز لاک اپ کردہ ہوں گے، مواقع اتنے ہی زیادہ ہوں گے۔

اس طرح، اس بات کا تعین کہ کون سے شرکاء بلاک کو تخلیق کریں گے اس بنیاد پر نہیں ہوتا کہ ان کے معمہ حل کرنے کی صلاحیت کیسی ہے، جیسا کہ عام طور پر پروف آف ورک میں ہوتا ہے۔ اس کی بجائے، اس کا اندازہ اس بات سے لگایا جاتا ہے کہ وہ کتنے اسٹیکنگ کوائنز کو ہولڈ کرتے ہیں۔

کچھ لوگ یہ دلیل دے سکتے ہیں کہ اسٹیکنگ کے ذریعے بلاکس تخلیق کرنا بلاک چینز کو اسکیلیبیلیٹی کے زائد پیمانے کے حصول کے قابل بنا سکتا ہے۔ یہ ان وجوہات میں سے ایک ہے جن کی بنا پر Ethereum کے نیٹ ورک نے مجموعی طور پر ETH 2.0 کے نام سے پہنچانے جانے والی تکنیکی اپ گریڈز کے ایک سیٹ میں PoW سے PoS پر منتقل ہونے کی منصوبہ بندی کی ہے۔

پروف آف اسٹیک کو کس نے تخلیق کیا؟

پروف آف اسٹیک کی شروعات کا سہرا 2012 میں ان کے پیش کردہ پیپر Peercoin کے لیے Sunny King اور Scott Nadal کے سر باندھا جا سکتا ہے۔ وہ اس کی وضاحت "پیئر ٹو پیئر کرپٹو کرنسی کے ڈیزائن جسے Satoshi Nakamoto کے Bitcoin سے اخذ کیا گیا ہے" کے طور پر کرتے ہیں۔

Peercoin نیٹ ورک ایک ہائبرڈ PoW/PoS طریقہ کار کے ساتھ لانچ کیا گیا تھا، جس میں PoW کو بنیادی طور پر ابتدائی سپلائی کو منٹ کرنے کے لیے استعمال کیا گیا تھا۔ تاہم، یہ نیٹ ورک کی طویل مدتی پائیداری کے لیے درکار نہیں تھا، اور اس کی اہمیت رفتہ رفتہ کم پڑتی گئی۔ در اصل، نیٹ ورک کی زیادہ تر سکیورٹی PoS پر انحصار کرتی تھی۔

ڈیلیگیٹڈ پروف آف اسٹیک (PoS) کیا ہے؟

اس طریقہ کار کا ایک متبادل ورژن 2014 میں Daniel Larimer نے بنایا جس کو ڈیلیگیٹڈ پروف آف اسٹیک (DPoS) کہا جاتا ہے۔ پہلے اس کا استعمال BitShares کے حصے کے طور پر کیا گیا، لیکن جلد ہی، دیگر نیٹ ورکس نے اس ماڈل کو اپنا لیا۔ ان کے اندر Steem اور EOS شامل ہیں، جن کی تخلیق بھی Larimer نے کی تھی۔

DPoS صارفین کو ان کا کوائن بیلنس بطور ووٹس کے مختص کرنے کی اجازت دیتا ہے، جہاں ووٹنگ کی طاقت ہولڈ کردہ کوائنز کی تعداد سے متناسب ہے۔ یہ ووٹس پھر ڈیلیگیٹس کی تعداد کو منتخب کرنے کے لیے استعمال کیے جاتے ہیں جو کہ اپنے ووٹرز کی طرف سے بلاک چین کا نظم کرتے ہیں، جس سے سکیورٹی اور رضامندی کو یقینی بنایا جاتا ہے۔ عموماً، اسٹیکنگ کے انعامات ان منتخب کردہ ڈیلیگیٹس میں تقسیم کیے جاتے ہیں، پھر وہ ان انعامات کا حصہ اپنے منتخب کرنے والوں میں ان کے انفرادی حصوں کے تناسب سے تقسیم کرتے ہیں۔

DPoS ماڈل رضامندی کا حصول کم تصدیقی نوڈز کے ذریعے ممکن بناتا ہے۔ اس طرح سے، یہ نیٹ ورک کی کارکردگی بہتر بنانے کی کوشش کرتا ہے۔ اس کے برعکس، یہ کم پیمانے پر غیر مرکزیت کے حصول کا باعث بھی بن سکتا ہے کیونکہ نیٹ ورک ایک چھوٹے، منتخب کردہ تصدیقی نوڈز کے گروہ پر منحصر ہے۔ یہ تصدیقی نوڈز بلاک چین کے عوامل اور مجموعی گورننس سنبھالتے ہیں۔ یہ رضامندی کے حصول اور گورننس کے کیی پیرامیٹرز کو وضع کرنے کے عمل کی تکمیل میں حصہ لیتے ہیں۔

آسان لفظوں میں، DPoS صارفین کو نیٹ ورک کے دیگر شرکاء کے ذریعے اپنے اثر و رسوخ کے متعلق اشارے دینے کی اجازت دیتا ہے۔

اسٹیکنگ کس طرح کام کرتا ہے؟

جیسا کہ ہم پہلے بات کر چکے ہیں، پروف آف ورک بلاک چینز بلاک چین میں نئے بلاکس کو شامل کرنے کے لیے مائننگ پر انحصار کرتے ہیں۔ اس کے برعکس پروف آف اسٹیک کے چینز اسٹیکنگ کے عمل کے ذریعے نئے بلاکس کو تخلیق اور ان کی تصدیق کرتے ہیں۔ اسٹیکنگ کے عمل میں وہ تخلیق کاران شامل ہوتے ہیں جو اپنے کوائنز کو لاک اپ کر دیتے ہیں تا کہ وہ پروٹوکول کی طرف سے مخصوص مدت کے وقفوں کے بعد بلاک کو تخلیق کرنے کے لیے بے ترتیب طور پر منتخب ہو سکیں۔ عموماً، شرکاء جو کہ زیادہ مقدار میں اسٹیک کرتے ہیں ان کا اگلے بلاک کے توثیق کار کے طور پر چنے جانے کا امکان بھی زیادہ ہوتا ہے۔

یہ مخصوص مائننگ ہارڈرویئر، جیسے کہ ASICs، پر انحصار کیے بغیر بلاکس کی تخلیق کی اجازت دیتا ہے۔ اگرچہ ASIC مائننگ کے لیے ہارڈ ویئر میں کافی سرمایہ کاری درکار ہوتی ہے، اسٹیکنگ میں براہِ راست کرپٹو کرنسی میں سرمایہ کاری درکار ہوتی ہے۔ چنانچہ، بجائے اس کے کہ کمپیوٹیشنل کام کے ذریعے اگلے بلاک کے لیے مقابلہ کیا جائے، PoS توثیق کاران ان کوائنز کی تعداد کی بنیاد پر چُنے جاتے ہیں جو کہ انہوں نے اسٹیک کیا ہوا ہے۔ "اسٹیک" (ہولڈ کردہ کوائن) توثیق کاران کو نیٹ ورک سکیورٹی کو برقرار رکھنے پر راغب کرتی ہے۔ اگر وہ ایسا کرنے میں ناکام ہو جائیں، تو ان کا پورا اسٹیک خطرے میں پڑ جائے گا

اگرچہ ہر پروف آف اسٹیک بلاک چین کی ایک مخصوص اسٹیکنگ کرنسی ہے، کچھ نیٹ ورکس ایک دو ٹوکن سسٹم اختیار کرتے ہیں جس میں انعامات دوسرے ٹوکن میں ادا کیے جاتے ہیں۔

ایک بہت ہی خاص سطح پر، اسٹیکنگ کا مطلب صرف یہ ہے کہ فنڈز کو مناسب والیٹ میں رکھا جائے۔ یہ لازمی طور پر کسی کو بھی اس قابل بناتا ہے کہ وہ اسٹیکنگ کے انعامات کے بدلے میں مختلف نیٹ ورک فنکشنز کو انجام دے سکیں۔ اس میں اسٹیکنگ پول میں فنڈز کو شامل کرنا بھی شامل ہو سکتا ہے، جس پر ہم جلد ہی بات کریں گے۔

اسٹیکنگ کے انعامات کا حساب کیسے لگایا جاتا ہے؟

اس سوال کا کوئی ایک جواب نہیں ہے۔ ہر بلاک چین نیٹ ورک اسٹیکنگ کے انعامات کا حساب لگانے کے لیے ایک الگ طریقہ استعمال کر سکتا ہے۔

کچھ بلاک در بلاک بنیاد پر ایڈجسٹ ہو سکتے ہیں، جو کہ کئی مختلف عوامل پیش نظر رکھیں گے۔ ان میں یہ شامل ہو سکتے ہیں:

توثیق کار کتنے کوائنز کو اسٹیک کر رہا ہے
توثیق کار فعال طور پر کب سے اسٹیک کر رہا ہے
نیٹ ورک پر کُل کتنے کوائنز اسٹیک کردہ ہیں
افراط زر کی شرح
دیگر عوامل

بعض دوسرے نیٹ ورکس کے لیے، اسٹیکنگ انعامات کا تعین ایک مقررہ فیصد کے طور پر کیا جاتا ہے۔ یہ انعامات توثیق کاروں میں افراطِ زر کے معاوضے کے طور پر تقسیم کیے جاتے ہیں۔ افراط زر صارفین کو اپنے کوائنز ہولڈ کرنے کی بجائے خرچ کرنے کی ترغیب دیتا ہے، جس سے کرپٹو کرنسی کے طور پر ان کے استعمال میں اضافہ ہو سکتا ہے۔ لیکن اس ماڈل کے ساتھ، توثیق کاران واضح حساب لگا سکتے ہیں کہ ان کا انعام کس قدر متوقع ہے۔

بلاک انعام کو حاصل کرنے کے امکانات پر مبنی موقع کی بجائے پیش گوئی کرنے کے قابل انعاماتی معمول بعض لوگوں کے لیے زیادہ بہتر ثابت ہو سکتا ہے۔ اور چونکہ یہ عوامی معلومات ہے، اس سے زیادہ شرکاء اسٹیکنگ میں شامل ہونے کی ترغیب مل سکتی ہے۔

اسٹیکنگ پول کیا ہے؟

اسٹیکنگ پول کوائن ہولڈرز کا ایک گروپ ہے جو اپنے وسائل یکجا کر کے بلاکس کی توثیق کرنے اور انعامات کو حاصل کرنے کے لیے اپنے امکانات بڑھاتا ہے۔ وہ اپنی اسٹیکنگ کی طاقت یکجا کرتے ہیں اور پول میں اپنے تعاون کے تناسب سے انعامات کو تقسیم کرتے ہیں۔

اسٹیکنگ پول سیٹ کرنے اور اس کو برقرار رکھنے کے لیے اکثر وقت اور مہارت درکار ہوتی ہے۔ اسٹیکنگ پول ان نیٹ ورکس پر سب سے زیادہ مؤثر ثابت ہوتے ہیں جہاں داخل ہونے کی رکاوٹ (تکنیکی یا مالی) نسبتاً زیادہ ہوتی ہے۔ اس طرح بہت سے پول فراہم کنندگان اسٹیکنگ کے انعامات سے فیس کو چارج کرتے ہیں جو کہ شرکاء میں تقسیم کیے جاتے ہیں۔

اس کے علاوہ، پولز انفرادی اسٹیکرز کو اضافی لچک پذیری دے سکتے ہیں۔ عموماً، اسٹیک ایک مقررہ مدت کے لیے لاک کرنا پڑتا ہے اور عام طور پر پروٹوکول کی جانب سے سیٹ کردہ ایک رقم کو نکلوانے یا غیر منسلک کرنے کا وقت ہوتا ہے۔ مزید برآں، مشکوک رویوں کی حوصلہ شکنی کے لیے ایک مناسب سا کم سے کم بیلنس اسٹیک کرنے کے لیے درکار ہے۔

زیادہ تر اسٹیکنگ پولز میں کم سے کم بیلنس درکار ہوتا ہے اور رقم کو نکلوانے کا کوئی اضافی وقت شامل نہیں کیا جاتا۔ اس طرح، نئے صارفین کے لیے اکیلے اسٹیک کرنے سے اسٹیکنگ پول میں شامل ہونا زیادہ موزوں ہو سکتا ہے۔

کولڈ اسٹیکنگ کیا ہے؟

کولڈ اسٹیکنگ سے مراد ایسے والیٹ پر اسٹیک کرنے کا عمل ہے جو انٹرنیٹ سے مربوط نہیں ہے۔ یہ ہارڈ ویئر والیٹ استعمال کرتے ہوئے کیا جا سکتا ہے، لیکن یہ ایئر گیپڈ سافٹ ویئر والیٹ کے ذریعے بھی ممکن ہے۔

ایسے نیٹ ورکس جو کولڈ اسٹیکنگ کی اجازت دیتے ہیں، صارفین کو اپنے فنڈز آف لائن محفوظ طور پر ہولڈ کر کے اسٹیک کرنے کے قابل بناتے ہیں۔ یہ بات ذہن نشین کرنے کے قابل ہے کہ اگر اسسٹیک ہولڈر کولڈ اسٹوریج سے اپنے کوائنز کو نکال لے، تو وہ انعامات کو وصول کرنا بند کر دیں گے۔

کولڈ اسٹیکنگ خصوصاً بڑے اسٹیک ہولڈرز کے لیے مفید ہے جو نیٹ ورک کی معاونت کرتے ہوئے اپنے فنڈز کا زیادہ سے زیادہ تحفظ یقینی بنانا چاہتے ہیں۔

کرپٹو کرنسی پہ آغاز کرنا چاہتے ہیں؟ Binance پر Bitcoin کو خریدیں!

Binance پر اسٹیک کس طرح کیا جائے

ایک طرح سے، آپ یہ فرض کر سکتے ہیں کہ اپنے کوائنز Binance پر ہولڈ کرنا انہیں اسٹیکنگ پول میں شامل کرنے کے مترادف ہے۔ تاہم، اس کی فیس نہیں ہے، اور آپ دیگر تمام فوائد سے بھی لطف اٹھا سکتے ہیں جو Binance پر اپنے کوائنز ہولڈ کرنے سے حاصل ہوتے ہیں!

آپ بس اپنے PoS کوائنز کو Binance پر رکھیں، تو آپ کے تمام تکنیکی تقاضوں کا خیال رکھا جائے گا۔ اسٹیکنگ کے انعامات عموماً ہر ماہ کے شروع میں تقسیم کیے جاتے ہیں۔

آپ ہر پراجیکٹ کے اسٹیکنگ کے صفحے پر گزشتہ منافع کے ٹیب کے تحت مطلوبہ کوائن کے لیے پہلے تقسیم کیے گئے انعامات چیک کر سکتے ہیں۔

اختتامی خیالات

اسٹیک کا ثبوت اور اسٹیکنگ کے بلاک چینز کی رضامندی اور گورننس میں حصہ لینے کے خواہشمند ہر فرد کے لیے مزید مواقع فراہم کرتا ہے۔ مزید یہ کہ یہ صرف کوائنز کو ہولڈ کر کے غیر فعال آمدنی کو حاصل کرنے کا ایک بالکل آسان طریقہ ہے۔ چونکہ اسٹیک کرنا آسان ہوتا جا رہا ہے، لہٰذا بلاک چین کے ایکو سسٹم میں داخلے کی رکاوٹیں کم ہوتی جا رہی ہیں۔

لیکن، یہ امر بھی ذہن نشین رہے کہ اسٹیکنگ مکمل طور پر خطرے سے خالی نہیں ہے۔ اسمارٹ معاہدہ میں فنڈز لاک کرنا پر خطر کام ہے، چنانچہ یہ ضروری ہے کہ آپ ہمیشہ اپنی تحقیق کریں (DYOR) اور اعلیٰ معیار کے والیٹس، جیسے کہ ٹرسٹ والیٹ کا استعمال کریں۔

یہ دیکھنے کے لیے ہمارے اسٹیکنگ صفحے کو ضرور ملاحظہ کریں کہ کون سے کوائنز اسٹیکنگ کے لیے معاونت یافتہ ہیں اور آج ہی انعامات کو حاصل کرنا شروع کریں!