Paliwanag tungkol sa Dollar-Cost Averaging (DCA)
Talaan ng mga Nilalaman
Panimula
Ano ang dollar-cost averaging?
Bakit dapat gumamit ng dollar-cost averaging?
Halimbawa ng dollar-cost averaging
Calculator ng dollar-cost averaging
Ang sitwasyon laban sa dollar-cost averaging
Mga pangwakas na pananaw
Paliwanag tungkol sa Dollar-Cost Averaging (DCA)
HomeMga Artikulo
Paliwanag tungkol sa Dollar-Cost Averaging (DCA)

Paliwanag tungkol sa Dollar-Cost Averaging (DCA)

Baguhan
Published Jun 10, 2020Updated Sep 23, 2021
7m

Mga Nilalaman


Panimula

Ang aktibong pag-trade ay puwedeng maging nakaka-stress, nakakaubos ng oras, at hindi pa rin naghahatid ng magagandang resulta. Gayunpaman, mayroon pang ibang opsyon. Tulad ng maraming mamumuhunan, baka naghahanap ka ng diskarte sa pamumuhunan na hindi gaanong demanding at nakakaubos ng oras. O mas passive lang na istilo ng pamumuhunan. Marami kang mapagpipilian sa ecosystem ng Binance, kabilang ang pag-stakepagpapahiram ng iyong mga asset sa Binance Savings, pagsama sa pool ng pagmimina ng Binance, at higit pa. 
Pero paano kung gusto mong mamuhunan sa mga merkado pero hindi mo talaga alam kung paano magsisimula? Sa mas partikular, ano ang magandang paraan para makabuo ng mas pangmatagalang posisyon? Sa artikulong ito, tatalakayin natin ang isang diskarte sa pamumuhunan na kilala bilang DCA, o dollar-cost averaging, na nagbibigay ng madaling paraan para mabawasan ang ilan sa mga panganib sa pagpasok sa isang posisyon.


Ano ang dollar-cost averaging?

Ang dollar-cost averaging ay isang diskarte sa pamumuhunan na naglalayong mabawasan ang epekto ng volatility sa pagbili ng mga asset. Kasama rito ang pagbili ng pantay-pantay na halaga ng asset nang may regular na agwat.

Ang ideya ay sa pamamagitan ng pagpasok sa merkado sa ganitong paraan, posibleng hindi gaanong maapektuhan ng volatility ang pamumuhunan kaysa kung namuhunan nang minsanan (ibig sabihin, minsanang pagbabayad). Bakit? Kapag bumibili nang may regular na agwat, nagiging mas maayos ang average na presyo. Sa katagalan, binabawasan ng ganoong diskarte ang negatibong epekto sa iyong pamumuhunan na puwedeng maibigay ng maling pagpasok. Tingnan natin kung paano gumagana ang DCA at kung bakit gugustuhin mong ikonsiderang gamitin ito.


Bakit dapat gumamit ng dollar-cost averaging?

Ang pangunahing benepisyo ng dollar-cost averaging ay ang pagbabawas nito sa panganib ng pagtaya sa maling panahon. Ang paghahanap ng tamang tiyempo sa merkado ang isa sa mga bagay na pinakamahirap gawin pagdating sa pag-trade o pamumuhunan. Madalas, kahit na tama ang direksyon ng ideya sa pag-trade, baka mali ang tiyempo – kaya nagiging mali ang buong pag-trade. Tumutulong ang dollar-cost averaging na mabawasan ang panganib na ito

Kung hahatiin mo ang iyong pamumuhunan sa mas maliliit na bahagi, mas malamang na makakuha ka ng mas mahuhusay na resulta kaysa sa pamumuhunan ng parehong halaga ng pera nang minsanan. Napakadali lang bumili sa maling panahon, at puwede itong humantong sa hindi gaanong magagandang resulta. Bukod pa rito, maaalis mo ang ilang bias sa iyong pagpapasya. Kapag ginamit mo ang dollar-cost averaging, ang diskarte ang magpapasya para sa iyo. 

Siyempre pa, hindi ganap na inaalis ng dollar-cost averaging ang panganib. Ang ideya ay gawing maayos lang ang pagpasok sa merkado para mabawasan ang panganib ng pagpasok sa maling panahon. Hinding-hindi magagarantiyahan ng dollar-cost averaging na magiging matagumpay ang pamumuhunan – dapat ding isaalang-alang ang iba pang salik.

Gaya ng natalakay na natin, talagang napakahirap maghanap ng tamang tiyempo sa merkado. Kahit ang pinakamalalaking beterano sa pag-trade ay nahihirapan kung minsan na tumpak na basahin ang merkado. Dahil dito, kung ginamit mo ang dollar-cost average para makapasok sa isang posisyon, baka kailangan mo ring pag-isipan ang iyong plano sa paglabas. Ibig sabihin, isang diskarte sa pag-trade para lumabas sa posisyon.

Ngayon, kung may natukoy ka nang target na presyo (o hanay ng presyo), medyo madali na lang ito. Hahatiin mo ulit ang iyong puhunan sa pantay-pantay na bahagi at sisimulang ibenta ang mga iyon kapag malapit nang maabot ng merkado ang target. Sa ganitong paraan, mababawasan mo ang panganib ng hindi paglabas sa tamang panahon. Gayunpaman, ang lahat ng ito ay nakasalalay sa iyong indibidwal na system ng pag-trade.

Ginagamit ng ilang tao ang diskarteng “bumili at mag-hold” na ang layunin ay hindi talaga magbenta, dahil inaasahang patuloy na tataas ang halaga ng mga biniling asset sa paglipas ng panahon. Tingnan sa ibaba ang performance ng Dow Jones Industrial Average noong nakaraang siglo. 

 

Performance ng Dow Jones Industrial Average (DJIA) mula noong 1915.


Bagama't may mga panandaliang panahon ng pagbagsak ng ekonomiya, tuloy-tuloy ang pagtaas ng trend ng Dow. Ang layunin ng diskarteng bumili at mag-hold ay ang pagpasok sa merkado at pananatili sa posisyon nang matagal-tagal hanggang sa hindi na maging mahalaga ang tiyempo.

Gayunpaman, mahalagang tandaan na ang ganitong uri ng diskarte ay madalas na ginagamit sa stock market at posibleng hindi nalalapat sa mga merkado ng cryptocurrency. Tandaang nauugnay sa ekonomiya ng totoong mundo ang performance ng Dow. Ibang-iba ang magiging performance ng ibang uri ng asset.


Halimbawa ng dollar-cost averaging

Tingnan natin ang diskarteng ito sa pamamagitan ng isang halimbawa. Sabihin nating mayroon tayong fixed na halaga ng dolyar na $10,000, at iniisip nating makatwirang mamuhunan sa Bitcoin. Iniisip nating malamang na nasa hanay ng kasalukuyang zone ang presyo, at magandang lugar ito para kumuha at bumuo ng posisyon gamit ang diskarteng DCA.

Puwede nating hatiin ang $10,000 sa 100 tig-$100. Bawat araw, bibili tayo ng Bitcoin na nagkakahalaga ng $100, anuman ang presyo. Sa ganitong paraan, papalawakin natin ang ating pagpasok sa isang yugto ng humigit-kumulang tatlong buwan.

Ngayon, ipakita natin ang flexibility ng dollar-cost averaging gamit ang ibang game plan. Sabihin nating kakapasok lang ng Bitcoin sa isang bear market at hindi natin inaasahang magkakaroon ng mahabang bull trend sa loob ng hindi bababa sa dalawang taon pa. Pero, inaasahan pa rin nating magkakaroon ng bull trend sa bandang huli, at gusto nating maghanda nang maaga.

Gagamit ba tayo ng parehong diskarte? Malamang na hindi. Mas malaki ang saklaw na panahon ng portfolio ng pamumuhunan na ito. Kailangan nating maghanda para mailaan ang $10,000 na ito para sa diskarteng ito sa loob ng susunod na ilang taon. Kaya, ano ang gagawin natin?

Puwede ulit nating hatiin ang puhunan sa 100 tig-$100. Gayunpaman, sa pagkakataong ito, bibili tayo ng Bitcoin na nagkakahalaga ng $100 bawat linggo. May humigit-kumulang 52 linggo sa isang taon, kaya maisasagawa ang buong diskarte sa loob ng kulang-kulang dalawang taon.

Sa ganitong paraan, makakabuo tayo ng pangmatagalang posisyon habang bumabagsak ang trend. Hindi tayo mahuhuli sa biyahe kapag nagsimula ang papataas na trend, at nabawasan din natin ang ilang panganib ng pagbili sa pababang trend.

Pero tandaan, puwedeng maging mapanganib ang diskarteng ito – dahil bumibili pa rin tayo sa pababang trend. Para sa ilang mamumuhunan, mas magandang maghintay hanggang sa makumpirma ang dulo ng pababang trend at pagkatapos ay magsimulang pumasok. Kung maghihintay sila, malamang na mas mataas ang average na halaga (o presyo ng share), pero nabawasan naman ang maraming panganib.


Calculator ng dollar-cost averaging

Makakahanap ka ng maayos na calculator ng dollar-cost averaging para sa Bitcoin sa dcabtc.com. Puwede mong tukuyin ang halaga, saklaw na panahon, mga agwat, at makakuha ng ideya sa magiging performance ng iba't ibang diskarte sa paglipas ng panahon. Makikita mo na pagdating sa Bitcoin, na tuloy-tuloy ang pagtaas ng trend sa loob ng matagal na panahon, posibleng tuloy-tuloy na gagana nang maayos ang diskarteng ito.

Makikita mo sa ibaba ang performance ng iyong pamumuhunan kung bumili ka ng Bitcoin na nagkakahalaga lang ng $10 bawat linggo sa nakalipas na limang taon. Hindi gaanong malaki ang $10, hindi ba? Hanggang Abril 2020, nakapuhunan ka na sana ng humigit-kumulang $2600 sa kabuuan, at nagkakahalaga na ng humigit-kumulang $20,000 ang stack ng mga Bitcoin mo.


Performance ng pagbili ng $10 ng BTC bawat linggo sa loob ng nakalipas na limang taon. Source: dcabtc.com



Gustong magsimula sa cryptocurrency? Bumili ng Bitcoin sa Binance!



Ang sitwasyon laban sa dollar-cost averaging

Bagama't puwedeng maging isang kapaki-pakinabang na diskarte ang dollar-cost averaging, may mga nagdududa rin dito. Hindi maikakailang pinakamahusay ang performance nito kapag nakakaranas ang mga merkado ng malalaking pag-swing. Tama naman ito, dahil dinisenyo ang diskarte para mabawasan ang mga epekto ng mataas na volatility sa isang posisyon.

Gayunpaman, ayon sa ilan, napapalampas ng mga mamumuhunan ang mga kita kapag maganda ang performance ng merkado dahil dito. Bakit? Kung tuloy-tuloy na nasa bull trend ang merkado, puwedeng ipagpalagay na magkakaroon ng mas mahuhusay na resulta ang mga namuhunan nang mas maaga. Sa ganitong paraan, puwedeng magkaroon ng negatibong epekto ang dollar-cost averaging sa mga kita kapag papataas ang trend. Sa ganitong sitwasyon, posibleng maungusan ng pamumuhunan nang minsanan ang dollar-cost averaging.

Karamihan sa mga mamumuhunan ay walang malaking pera na available para ipuhunan nang minsanan. Gayunpaman, baka magawa nilang mamuhunan ng maliliit na halaga sa mahabang panahon – sa ganitong sitwasyon, posibleng angkop na diskarte pa rin ang dollar-cost averaging.


Mga pangwakas na pananaw

Ang dollar-cost averaging ay isang ligtas na diskarte sa pagpasok sa isang posisyon habang binabawasan ang mga epekto ng volatility sa pamumuhunan. Kasama rito ang paghahati sa puhunan sa maliliit na bahagi at pagbili nang may mga regular na agwat.

Ang pangunahing benepisyo ng diskarteng ito ay ang sumusunod. Mahirap mahanap ang tamang tiyempo sa merkado, at ang mga taong hindi gustong aktibong subaybayan ang mga merkado ay puwede pa ring mamuhunan sa ganitong paraan. 

Gayunpaman, ayon sa ilang nagdududa, dahil sa dollar-cost averaging, puwedeng mapalampas ng ilang mamumuhunan ang mga kita sa panahon ng mga bull market. Pero, ang pagpapalampas ng ilang kita ay hindi ang katapusan ng mundo – puwede pa ring maging isang maginhawang diskarte sa pamumuhunan ang dollar-cost averaging para sa marami.