Pagpapaliwanag Tungkol sa Mga Market Maker at Market Taker
Talaan ng Nilalaman
Panimula
Pag-usapan natin ang liquidity
Mga market maker at market taker
Bayarin ng maker-taker
Mga pangwakas na pananaw
Pagpapaliwanag Tungkol sa Mga Market Maker at Market Taker
HomeMga Artikulo
Pagpapaliwanag Tungkol sa Mga Market Maker at Market Taker

Pagpapaliwanag Tungkol sa Mga Market Maker at Market Taker

Baguhan
Na-publish Nov 28, 2018Na-update Oct 4, 2022
5m

TL;DR

Binubuo ng mga maker at taker ang mga merkado. Ang mga maker ay gumagawa ng mga order sa pagbili o pagbebenta na hindi agad isinasagawa (hal., “magbenta ng BTC kapag umabot ang presyo sa $15k”). Gumagawa ito ng liquidity, na nangangahulugang mas madali para sa iba na bumili o magbenta agad ng BTC kapag natugunan ang kondisyon. Ang mga taong bumibili o nagbebenta agad ay tinatawag na mga taker. Sa madaling salita, pinupunan ng mga taker ang mga order na ginagawa ng mga maker.


Panimula

Sa anumang uri ng palitan (Forex man, stocks, o cryptocurrency), itinutugma ang mga nagbebenta sa mga bumibili. Kung wala ang mga ganitong tagpuan, kakailanganin mong i-advertise ang iyong mga alok para mag-trade ng Bitcoin kapalit ng Ethereum sa social media at umasang may interesado.

Sa artikulong ito, tatalakayin natin ang konsepto ng mga maker at taker. Nabibilang ang bawat kalahok sa merkado sa kahit isa sa mga kategoryang ito – bilang trader, malamang na dumating ang pagkakataong kikilos ka bilang dalawa. Ang mga maker at taker ang bumubuhay sa maraming platform ng pag-trade, at natutukoy kung malakas o mahina ang mga palitan kung nandoon sila (o wala).


Pag-usapan natin ang liquidity

Bago natin matalakay nang maayos ang mga maker at taker, mahalagang pag-usapan ang liquidity. Kapag may narinig kang nagsabi na liquid ang isang asset o illiquid ang isang asset, ang sinasabi nila ay kung gaano kadali mo itong maibebenta. 

Ang isang ounce ng ginto ay isang napaka-liquid na asset dahil madali itong maite-trade kapalit ng cash sa loob ng maikling panahon. Sa kasamaang palad, ang isang istatwa ng CEO ng Binance na nakasakay sa kalabaw na sampung metro ang taas ay isang napaka-illiquid na asset. Bagama't magiging maganda ito sa hardin sa harap ng bahay ng kahit sino, ang katotohanan ay hindi lahat ay magiging interesado sa ganoong item.

Isang kaugnay na ideya (pero medyo naiiba) ang liquidity ng merkado. Sa isang liquid na merkado, madali kang makakabili at makakapagbenta ng mga asset sa patas na halaga. Mataas ang demand mula sa mga gustong kumuha sa asset at mataas ang supply mula sa mga gustong magbenta nito. 
Dahil sa ganito karaming aktibidad, kadalasang nagtatagpo sa gitna ang mga mamimili at nagbebenta: ang pinakamababang sell order (o ask price) ay humigit-kumulang kapareho ng pinakamataas na buy order (o bid price). Bilang resulta, maliit (o dikit) ang pagkakaiba ng pinakamataas na bid at pinakamababang ask. Siya nga pala, ang pagkakaibang ito ay tinatawag na bid-ask spread.

Sa kabaliktaran, hindi nagpapakita ng alinman sa mga katangiang ito ang isang illiquid na merkado. Kung gusto mong magbenta ng asset, magkakaproblema ka sa pagbebenta nito sa patas na presyo dahil wala masyadong demand. Bilang resulta, kadalasang mas mataas ang bid-ask spread ng mga illiquid na merkado.

Okay! Ngayong natalakay na natin ang liquidity, oras na para magpatuloy sa mga maker at taker.


Mga market maker at market taker

Gaya ng nabanggit, ang mga trader na pumupunta sa isang palitan ay kumikilos bilang mga maker o mga taker. 


Mga Maker 

Kadalasang kinakalkula ng mga palitan ang market value ng isang asset gamit ang order book. Dito nito kinokolekta ang lahat ng alok na bumili at magbenta sa mga user nito. Posibleng magsumite ka ng tagubiling ganito ang hitsura: halimbawa, Bumili ng 800 BTC sa halagang $4,000. Idaragdag ito sa order book, at pupunan ito kapag umabot ang presyo sa $4,000. 

Sa mga Maker (Post Only) Order gaya ng inilarawan, kinakailangan mong ianunsyo nang maaga ang mga intensyon mo sa pamamagitan ng pagdaragdag ng mga ito sa order book. Isa kang maker dahil “ginawa” mo ang merkado, kahit papaano. Ang palitan ay parang grocery store na naniningil ng bayad sa mga indibidwal para makapaglagay ng mga produkto sa mga istante, at ikaw ang taong nagdaragdag ng sarili mong imbentaryo.

Pangkaraniwan sa malalaking trader at institusyon (gaya ng mga may espesyalisasyon sa napakadalas na pag-trade) na kumilos bilang mga market maker. Puwede ring maging mga maker ang maliliit na trader, sa pamamagitan lang ng paglalagay ng mga partikular na uri ng order na hindi ipinapatupad agad.

Tandaan na hindi ginagarantiyahan ng paggamit ng limit order na magiging maker order ang iyong order. Kung gusto mong matiyak na mapupunta sa order book ang order bago ito mapunan, piliin ang “Post only” kapag inilalagay mo ang iyong order (kasalukuyang available lang sa bersyon sa web at sa bersyon sa desk).


Mga Taker

Kung itutuloy natin ang analohiya, siguradong ilalagay mo ang iyong imbentaryo sa mga istante para may makabili nito. Iyon ang taker. Pero sa halip na kumuha ng de-latang sardinas sa tindahan, ang kukunin nila ay ang ibinibigay mong liquidity.

Pag-isipan mo: sa pamamagitan ng paglalagay ng alok sa order book, pinapataas mo ang liquidity ng palitan dahil mas pinapadali mong makabili o makapagbenta ang mga user. Sa kabilang banda, inaalis ng isang taker ang ilan sa liquidity na iyon.  gamit ang market order – isang tagubiling bumili o magbenta sa kasalukuyang market price. Kapag ginawa nila ito, mapupunan agad ang mga kasalukuyang order sa order book.

Kung nakapaglagay ka na ng market order sa Binance o sa iba pang palitan ng cryptocurrency para mag-trade, kumilos ka na bilang taker. Pero tandaan na puwede ka ring maging taker gamit ang mga limit order. Ang lagay: isa kang taker sa tuwing pinupunan mo ang order ng ibang tao. 



Bayarin ng maker-taker

Nakukuha ng maraming palitan ang malaki-laking bahagi ng kanilang kita sa pamamagitan ng paniningil ng bayarin sa pag-trade para sa pagtutugma ng mga user. Ibig sabihin, sa tuwing gagawa ka ng order at ipinatupad ito, magbabayad ka ng maliit na halaga ng bayarin. Pero iba-iba ang halagang iyon sa bawat palitan, at puwede rin itong mag-iba depende sa laki ng pag-trade at tungkulin mo.

Sa pangkalahatan, inaalok ng isang uri ng rebate ang mga maker, dahil nagdaragdag sila ng liquidity sa palitan. Maganda iyon para sa negosyo, – iniisip ng mga inaasahang trader na wow, tingnan mo ang platform ito at ang mataas na liquidity nito, dito ako dapat mag-trade. Tutal, magiging mas nakakahimok ang ganoong venue kaysa sa isang venue na may mas mababang liquidity, dahil mas madaling naipapatupad ang mga trade. Kadalasan, mas mataas ang bayarin ng mga taker kaysa sa mga maker, dahil hindi nila ibinibigay ang liquidity na ibinibigay ng mga maker.
Gayunpaman, nakadepende sa platform ang istruktura ng bayad ng maker-taker. Halimbawa, makikita mo ang pagkakaiba ng presyo ng maker-taker para sa Binance sa page na Iskedyul ng Bayad nito.


Mga pangwakas na pananaw

Bilang buod, ang mga maker ay ang mga trader na gumagawa ng mga order at naghihintay na mapunan ang mga ito, habang ang mga taker ang mga pumupuno sa mga order ng iba. Ang pangunahing dapat matutuhan dito ay ang mga market maker ang mga tagapagbigay ng liquidity

Para sa mga palitang gumagamit ng modelong maker-taker, mahalaga ang mga maker sa pagiging nakakaengganyo nito bilang venue ng pag-trade. Sa pangkalahatan, binibigyan ng mga palitan ang mga maker ng mabababang bayarin bilang reward habang nagbibigay sila ng liquidity. Sa kabaliktaran, ginagamit ng mga taker ang liquidity na ito para madaling makabili o makapagbenta ng mga asset. Pero kadalasang mas mataas ang bayarin nila para dito.