როგორ გავზარდოთ დანაზოგი: დეტალური სახელმძღვანელო

TL;DR

• დანაზოგი აღნიშნავს შემოსავლის ინ ნაწილს, რომელიც მოკლევადიანი ხარჯებისთვის არ გამოიყენება და მომავლისთვის ინახება. 

• დანაზოგის გაკეთება არის უმნიშვნელოვანესი ჩვევა ფინანსური თვალსაზრისით უსაფრთხო მომავლის შექმნაში, რაც გეხმარებათ გაუთვალისწინებელი შემთხვევების გადალახვაში და ფინანსური დისციპლინის შემუშავებაში.

• არსებობს დანაზოგის ქონის მარტივი, მაგრამ ეფექტიანი სტრატეგიები, მათ შორის ბიუჯეტირება, ავტომატური დანაზოგის მოდელის შექმნა და შემოსავლის გაზრდა და ხარჯის შემცირება. 

• შეგიძლიათ დივერსიფიცირებული პორტფოლიოს ქონისთვის დანაზოგის ნაწილი კრიპტოვალუტაში შეინახოთ, რადგან ზოგიერთ წამყვან მონეტას უკვე აქვს საოცარი მოგების მოტანის ისტორია. თუმცა არც თანმხლები რისკები უნდა დაგავიწყდეთ და სიფრთხილე გამოიჩინოთ. 

რა არის დანაზოგი? 

პირადი ფინანსების ჭრილში დანაზოგი აღნიშნავს შემოსავლის იმ ნაწილს, რომელიც მოკლევადიანი ხარჯებისთვის არ გამოიყენება და მომავლისთვის ინახება. 

ამ თანხის შენახვა შესაძლებელია ნაღდ ფულად, დანაზოგის ანგარიშზე ან ფინანსურ ინსტრუმენტებში, მაგალითად აქციებში, ობლიგაციებში, საპენსიო ანგარიშებსა და კრიპტოვალუტებში ინვესტირებით. დანაზოგის მიზანია ქონების შენარჩუნება და გაზრდა სამომავლო მიზნებისთვის, გაუთვალისწინებელი შემთხვევისთვის ან პენსიაზე გასასვლელად.

რატომ არის დანაზოგი მნიშვნელოვანი? 

დანაზოგი ძალიან მნიშვნელოვანია პერსონალური ფინანსების, ზოგადი ფინანსური კეთილდღეობისა და უსაფრთხოების თვალსაზრისით. არის უმნიშვნელოვანესი ჩვევა, ფინანსური თვალსაზრისით უსაფრთხო მომავლის შექმნაში, რაც გეხმარებათ გაუთვალისწინებელი შემთხვევების გადალახვაში და ფინანსური დისციპლინის შემუშავებაში.

მისი მნიშვნელობის გაგება შეიძლება შემდეგი გზებით:

1. უსაფრთხოების ბალიში

დანაზოგი ასრულებს ერთგვარი უსაფრთხოების ბადის როლს გაუთვალისწინებელი ხარჯების, გადაუდებელი სამედიცინო შემთხვევების ან შემოსავლის მოულოდნელად დაკარგვის დროს. მისი დახმარებით შეგიძლიათ ხარჯები მაღალპროცენტიანი ვალის, მაგალითად საკრედიტო ბარათის ან სესხის აღების გარეშე დაფაროთ.

2. ფინანსური დამოუკიდებლობა

თანხის რეგულარული დაზოგვა დროთა განმავლობაში ფინანსურ დამოუკიდებლობამდე მიგიყვანთ. ის განიჭებთ მნიშვნელოვანი ცხოვრებისეული გადაწყვეტილებების მიღების თავისუფლებას, მაგალითად შეგიძლიათ შეიცვალოთ კარიერა, განაგრძოთ სწავლა ან დროზე ადრე გახვიდეთ პენსიაზე ფინანსური სტრესის გარეშე. ასევე შეგიძლიათ პირადი ფინანსური მიზნების მიღწევა, როგორიცაა სახლის ყიდვა, ბიზნესის დაწყება, შვილის განათლებისთვის გადახდა ან საოცნებო მოგზაურობის დაგეგმვა.

3. პენსიაზე გასვლის დაგეგმვა

პენსიაზე გასვლის შემდეგ შესაძლოა რეგულარული შემოსავალი შეწყდეს, ამიტომ ინდივიდებისთვის მნიშვნელოვანია დააგროვონ საკმარისი თანხა კომფორტული ცხოვრების წესის შესანარჩუნებლად. რაც უფრო ადრე დაიწყებთ დაზოგვას, მით უფრო მეტი დრო გექნებათ თანხის გასაზრდელად.

4. დისციპლინის წახალისება

რეგულარული დაზოგვის პრაქტიკა ფინანსურ დისციპლინასა და ფულის მართვის უნარებს აუმჯობესებს. ეს ხელს შეგიწყობთ ბიუჯეტირებასა და მთავარი ხარჯების პრიორიტეტების განსაზღვრაში, შედეგად კი უფრო ჯანსაღი ფინანსური ჩვევები ჩამოგიყალიბდებათ.

დანაზოგის გაზრდის ეფექტური სტრატეგიები 

დაზოგვის სტრატეგია არის გეგმებისა და ტექნოლოგიების ერთობლიობა, რომელიც ინდივიდებს შემოსავლის ნაწილის მომავლისთვის შენახვაში ეხმარება.

გაეცანით დაზოგვის პოპულარულ სტრატეგიებს:

1. ბიუჯეტირება

ბიუჯეტი თქვენი შემოსავლისა და ხარჯის ნათელ სურათს გიჩვენებთ. ის გეხმარებათ დაინახოთ საით მიდის თქვენი ფული და რომელი მიმართულებით შეგიძლიათ ხარჯის შემცირება. თანხა, რომელსაც ნაკლებად მნიშვნელოვან დეტალებზე აღარ დახარჯავთ, შეგიძლიათ დანაზოგს შემატოთ. 

პირველ რიგში, რამდენიმე თვის განმავლობაში თვალი ადევნეთ ყოველ დახარჯულ დოლარს. განსაზღვრეთ „საჭიროებები“, როგორიცაა ქირა, გადასახადები და სურსათი, ასევ „სურვილები“, მაგალითად გარეთ ჭამა და გართობა. ამისთვის შეგიძლიათ გამოიყენოთ ცხრილი ან სხვა აპლიკაციები, რომლებსაც თქვენს საბანკო ანგარიშთან, ავტომატურად გადასახდელ კატეგორიებთან დააკავშირებთ. 

ბიუჯეტირებისთვის გაითვალისწინეთ 50/30/20 წესი, რაც ნიშნავს შემდეგს: თქვენი შემოსავლის 50% საჭიროებებისთვის, 30% სურვილებისთვის, 20% კი დანაზოგისთვის. რასაკვირველია შეგიძლიათ ამ თანაფარდობის შეცვლა, სურვილებში ნაკლების დახარჯვა და დანაზოგში მეტის გადატანა, რითაც დაზოგილი თანხის რაოდენობას სწრაფად გაზრდით. 

2. კონკრეტული ფინანსური მიზნების დასახვა

თქვენი მიზნები უნდა ჯდებოდეს SMART ფორმულაში: Specific (კონკრეტული), Measurable (გაზომვადი), Achievable (მიღწევადი), Relevant (შესაბამისი), and Time-bound (დროში გაწერილი). მაგალითად, ნაცვლად იმისა, თქვათ „სახლისთვის მინდა დაზოგვა“, უნდა გქონდეთ გეგმა, მაგალითად „მინდა ხუთი წლის განმავლობაში სახლის წინასწარი შენატანისთვის $50,000 დოლარი დავზოგო.“

გადაანაწილეთ მიზნები მოკლევადიან (წელიწადზე ნაკლები), საშუალო (1-5 წელი) და გრძელვადიან (ხუთ წელიწადზე მეტი) კატეგორიებში. ამგვარი დაყოფით უფრო მიხვდებით რამდენი უნდა დაზოგოთ და რომელია დაზოგვისა და ინვესტირების სტრატეგია თითოეული მიზნისთვის.

3. გადაუდებელი შემთხვევების ფონდის შექმნა

სხვა მიზნებისთვის დაზოგვის დაწყებამდე პრიორიტეტი გადაუდებელი შემთხვევების ფონდის შექმნას მიანიჭეთ. რეკომენდებულია საცხოვრებელი ხარჯების 3-6 თვიანი მარაგის შენახვა, თუმცა ზუსტი თანხა თქვენს პირად სიტუაციაზეა დამოკიდებული. თუ არასტაბილური შემოსავალი გაქვთ, ან მასზე თქვენ გარდა სხვებიც არიან დამოკიდებული, სჯობს მეტი დაზოგოთ.

ეს ფონდი ლიკვიდური და მარტივად ხელმისაწვდომი ფორმით შეინახეთ, მაგალითად დანაზოგის ანგარიშზე, თუნდაც მოგება მცირე იყოს. ამ ფონდის მთავარი მიზანი არა თანხის რაოდენობის გაზრდაა, არამედ გადაუდებელი შემთხვევის დროს გამოყენებაა.

4. ავტომატურად დაზოგვა

დანაზოგის შექმნის ყველაზე მარტივი მეთოდი ავტომატიზაციაა. შეგიძლიათ დააყენოთ ავტომატური გადარიცხვა, რომელიც ხელფასის ჩარიცხვის დღეს თანხას თქვენს დანაზოგის ანგარიშზე გადაიტანს. არსებობს აპლიკაციები, რომლებიც თქვენს შენაძენს დოლარის სიზუსტით დათვლიან და განსხვავებას დანაზოგის ანგარიშზე გადაიტანენ, ასევე არაერთი საინვესტიციო პლატფორმა ავტომატური შეტანის საშუალებას გაძლევთ. 

5. შემოსავლის გაზრდა და ხარჯის შემცირება 

დანაზოგის პოტენციალის გაზრდა შეგიძლიათ ხარჯების შემცირებით, მაგალითად ზედმეტი ხარჯვის შეწყვეტით და ნაკლებად მნიშვნელოვანი განმეორებითი ხარჯების მინიმუმამდე დაყვანით. ან შეგიძლიათ შემოსავლის გაზრდაზე იფიქროთ. ამაში შესაძლოა დაგეხმაროთ დამატებითი სამუშაოს პოვნა ან პასიური შემოსავლის რამდენიმე წყაროს შექმნა. 

როგორ აისახება ინფლაცია თქვენს დანაზოგზე?

ინფლაცია დროთა განმავლობაში ამცირებს ფულს მსყიდველობით უნარს, რაც ნიშნავს რომ თქვენს შენახულ დოლარებით მომავალში შესაძლოა ნაკლები რამის ყიდვა მოახერხოთ. განსაკუთრებით მაშინ, როცა ინფლაცია მაღალია. მაღალი ინფლაციის დროს რამდენიმე დეტალი უნდა გაითვალისწინოთ:

1. ყურადღება მიაქციეთ მოგების ნამდვილ პროცენტს

მოგების ნამდვილი პროცენტი არის ინვესტირებით მიღებული მოგება, ინფლაციის გათვალისწინებით. მაგალითად, თუ თქვენს დანაზოგის ანგარიშზე მოგება არის 2%, თუმცა ინფლაცია 3%-ს შეადგენს, გამოდის რომ მსყიდველუნარიანობას კარგავთ. ეძიეთ ინვესტიციები, რომლებიც მოგების უფრო მაღალ პროცენტს მოგიტანთ. 

2. დაფიქრდით ინფლაციისგან დაცულ აქტივებზე

დაფიქრდით ისეთ ფინანსურ ინსტრუმენტებში ინვესტირებაზე, რომლებიც ინფლაციისგან დაცვას გთავაზობენ. მაგალითად, აშშ-ში არსებობს ხაზინის მიერ ინფლაციისგან დაზღვეული ფასიანი ქაღალდები (TIPS), ინფლაციისგან დაცული სამთავრობო ობლიგაციები, რომლებში ინვესტირებითაც საცხოვრებელ ხარჯებს არ ჩამორჩებით.

3. გადაანაწილეთ დანაზოგის პორტფოლიო

თქვენ შეგიძლიათ დანაზოგების პორტფოლიოს დივერსიფიცირება მერყეობის შესამცირებლად და უფრო მეტი სტაბილურობისთვის. გრძელვადიან პერსპექტივაში ზოგიერთი აქტივი, მაგალითად უძრავი ქონება, აქციები, ოქრო და Bitcoin ინფლაციის წინააღმდეგ კარგად დამცავად ითვლება. 

4. გაზარდეთ თქვენი დანაზოგის სარგებელი 

შეგიძლიათ დანაზოგი ჩადოთ ისეთ აქტივებში, რომელიც ინფლაციას უფრო მაღალი სარგებლით აბალანსებს. ასეთი შეიძლება იყოს მაღალსარგებელიანი დანაზოგის ანგარიში, ლიკვიდური მაღალხარისხიანი სამთავრობო სესხი და დეპოზიტის სერტიფიკატები. თუ დანაზოგს უფრო დიდი ხნის (თვეების ან წლების) განმავლობაში დაბლოკავთ, დარწმუნდით რომ ეს არ აისახება თქვენს ყოველდღიურ ხარჯებზე ან გადაუდებელი შემთხვევების ფონდზე. 

გახსოვდეთ რომ ყველა ადამიანის ფინანსური მდგომარეობა განსხვავებულია, ამიტომ თქვენთვის საუკეთესო ვარიანტი პირად სიტუაციაზეა დამოკიდებული. თუ დარწმუნებული არ ხართ როგორ უნდა მოარგოთ დაზოგვის სტრატეგია მაღალ ინფლაციას, აჯობებს ფინანსურ მრჩეველს გაესაუბროთ.

უნდა შეინახოთ თუ არა დანაზოგი კრიპტოში? 

კრიპტოვალუტები შესაძლოა იყოს თქვენი დაზოგვის სტრატეგიის ნაწილი, რადგან მათ უკვე დაამტკიცეს, რომ ექსტრემალური მერყეობის მიუხედავად კარგი შედეგების მოტანა შეუძლიათ. წამყვანი მონეტები bitcoin (BTC) დაEthereum (ETH) გამოჩენის დღიდან განსაკუთრებული სარგებლიანობით გამოირჩევა. 

2010 წლის ივლისში, როდესაც Bitcoin დაახლოებით $0,06 ღირდა, $100-იანი ინვესტიცია რომ განგეხორციელებინათ 2023 წლის შუაში $50 მილიონი გექნებოდათ. 2014 წელს, როდესაც ether-ის პირველადი შეთავაზებისას (ICO) თითო მონეტა $0,31 ღირდა, $100-ის ინვესტირების შემთხვევაში, 2023 წლის შუა პერიოდისთვის თქვენი პორტფოლიოს ღირებულება $580,644 იქნებოდა. 

წარსული შედეგები სამომავლო ეფექტიანობის გარანტი ვერ იქნება, თუმცა რისკებისა და მერყეობის ამტანობის შემთხვევაში შეგიძლიათ კრიპტოვალუტაში ინვესტირებაზე დაფიქრდეთ. დაწყებამდე კარგად გაიგეთ რა არის, როგორ მუშაობს და რისთვის გამოიყენება კრიპტოვალუტა, ასევე გაეცანით მის თანმხლებ რისკებს. 

შეგიძლიათ დაიწყო მცირე თანხით, რომლის დაკარგვაც თქვენთვის მისაღები იქნება. გამოცდილებისა და ცოდნის მიღების პარალელურად ინვესტირების სტრატეგიასაც შეცვლით. ტრადიციული დაზოგვის მეთოდების მსგავსად შეგიძლიათ შექმნათ სისტემა, რომლითაც მაგალითად გარკვეული რაოდენობის Bitcoin-სა და Ether-ს რეგულარულად შეიძენთ. 

რასაკვირველია, ისევე როგორც ნებისმიერ სხვა ინვესტიციის შემთხვევაში, მთელი ფული ერთი ტიპის კრიპტოვალუტაში არ უნდა ჩადოთ. კრიპტოვალუტის პორტფოლიოს დივერსიფიკაციისთვის შეგიძლიათ თანხა სხვადასხვა მონეტებზე გადაანაწილოთ.

დაბოლოს, ყოველთვის აირჩიეთ სანდო, უსაფრთხო პლატფორმები კრიპტოვალუტის ყიდვისა და ვაჭრობისთვის. მოიძიეთ პლატფორმები მძლავრი თავდაცვის მექანიზმებით, გრძელვადიანი დადებითი ისტორიით, გამოტანის თეთრი სიებითა და კარგი მომხმარებელთა მხარდაჭერით.  

გახსოვდეთ, რომ კრიპტოვალუტამ შესაძლოა დიდი მოგება მოგიტანოთ, თუმცა არსებობს რისკებიც, მათ შორის ინვესტიციის სრულად დაკარგვის საშიშროება. კრიპტოვალუტებში ინვესტირების დაწყებამდე დარწმუნდით რომ კარგად გესმით ეს რისკები. ყოველთვის განახორციელეთ გონივრული ინვესტიცია იმდენი თანხით, რამდენის დაკარგვაც შეგიძლიათ.

შეჯამება 

პირადი დანაზოგი თქვენი ფინანსური კეთილდღეობის უმნიშვნელოვანესი ასპექტია. დანაზოგი საშუალებას გაძლევთ მზად იყოთ გაუთვალისწინებელი შემთხვევებისთვის, მიაღწიოთ ფინანსურ მიზნებსა და თავისუფლებას. სტაბილური დაზოგვის ჩვევების ჩამოყალიბება ძალიან მნიშვნელოვანია.

დღევანდელ, მუდმივად ცვალებად ფინანსურ გარემოში არსებობს უამრავი სტრატეგია, რაც დანაზოგების გამრავლებაში დაგეხმარებათ. ტრადიციული მეთოდები, როგორიცაა ბიუჯეტირება ან დანაზოგის ანგარიშზე ავტომატურად გადარიცხვა ჯერაც ეფექტიანია. თუმცა ღირს უფრო თანამედროვე ვარიანტებზე დაფიქრებაც, როგორიცაა დივერსიფიცირებული პორტფოლიოსთვის კრიპტოვალუტებში ინვესტირება.

ამის მიუხედავად, დაზოგვის საუკეთესო სტრატეგია არის ის, რომელიც თქვენს ფინანსურ ვითარებასა და მიზნებს ემთხვევა. მაღალი ინფლაციის შემთხვევაში შესაძლოა დანაზოგის დასაცავად დაგჭირდეთ დამატებითი ნაბიჯების გადადგმა, როგორიცაა ისეთ აქტივებში ინვესტირება, რომლებიც ინფლაციის დროს კარგ შედეგებს იძლევა.

გახსოვდეთ, უმცირესი თანხის დაზოგვაც მნიშვნელოვანია. დაგროვების პრინციპის დამსახურებით, დროთა განმავლობაში მცირე თანხის რეგულარულად შენახვითაც კი შესაძლოა მსხვილი დანაზოგის შექმნა. და მართალია სამომავლო საჭიროებებისთვის დაზოგვა აუცილებელია, მაგრამ არანაკლებ მნიშვნელოვანია გაუთვალისწინებელი შემთხვევებისთვის თანხის ფლობა.

დამატებითი საკითხავი

საჭიროა თუ არა საპენსიო გეგმაში კრიპტოს გათვალისწინება?

როგორ დავიცვათ და გადავცეთ მემკვიდრეს კრიპტო გარდაცვალების შემდეგ

რა უნდა გავითვალისწინოთ საინვესტიციო პორტფოლიოს შექმნისას

უარი პასუხისმგებლობაზე და რისკის შესახებ გაფრთხილება: ეს კონტენტი თქვენთვის წარმოდგენილია „არსებული სახით“ და განკუთვნილია მხოლოდ საინფორმაციო და საგანმანათლებლო მიზნებისთვის, რაიმე სახის რეპრეზენტაციისა თუ გარანტიის გარეშე. იგი არ უნდა იქნას აღქმული, როგორც ფინანსური, იურიდიული ან პროფესიული რჩევა და არ არის განკუთვნილი იმისთვის, რომ რეკომენდაცია გაუწიოს რაიმე სახის კონკრეტული პროდუქტის, ან სერვისის შეძენას. რჩევის მისაღებად უნდა მიმართოთ შესაბამის პროფესიონალ მრჩეველს. რადგან წინამდებარე სტატია მოწოდებულია მესამე მხარის მიერ, გაითვალისწინეთ, რომ მასში წარმოდგენილი შეხედულებები ეკუთვნის მესამე მხარეს და არ წარმოადგენს Binance Academy-ს შეხედულებებს. დამატებითი ინფორმაციის მისაღებად, სრულად გაეცანით აქ წარმოდგენილ პასუხისმგებლობაზე უარის განაცხადს. ციფრული აქტივების ფასები შეიძლება იყოს არასტაბილური. თქვენი ინვესტიციის ღირებულებამ შეიძლება დაიკლოს ან მოიმატოს და შესაძლოა ვერ შეძლოთ ინვესტირებული თანხის დაბრუნება. თქვენ ერთპიროვნულად ხართ პასუხისმგებელი თქვენს საინვესტიციო გადაწყვეტილებებზე და Binance Academy არ არის პასუხისმგებელი თქვენ მიერ განცდილ არანაირ ზარალზე. აქ მოცემული ინფორმაცია არ უნდა იქნას აღქმული, როგორც რაიმე სახის ფინანსური, იურიდიული, ან პროფესიული რჩევა. დამატებითი ინფორმაციის მისაღებად, გაეცანით ჩვენს გამოყენების წესებს და რისკის შესახებ გაფრთხილებას.