TL؛DR
2017 میں Zilliqa کو زیادہ تھروپٹ کے حامل عوامی بلاک چین کے پلیٹ فارم کے طور پر لانچ کیا گیا تھا جو فی سیکنڈ ہزاروں ٹرانزیکشنز حل کرنے کے لیے ڈیزائن کی گئی تھی۔ فی الوقت، Zilliqa Web 3.0 میں موثر کارکردگی، اعتماد اور شفافیت کے حوالے سے کوشاں ہے۔
تعارف
Zilliqa لیئر 1 کی بلاک چین ہے اور یہ ایسی پہلی عوامی بلاک چین ہے جو حصوں پر مشتمل آرکیٹیکچر کا استعمال کرتی ہے۔ حصوں پر مشتمل یہ تکنیک ٹرانزیکشنز پر متوازی عمل کاری کا موقع فراہم کرتی ہے، نتیجتاً ٹرانزیکشن کی شرح نسبتاً تیز ہو جاتی ہے۔
2017 میں نیشنل یونیورسٹی آف سنگاپور کے NUS اسکول آف کمپیوٹنگ میں ہونے والی تحقیق کی بنیاد پر، Ziliqa کو ایک ایسے کام سے متاثر ہو کر بنایا گیا تھا جس کی توجہ کا مرکز ایک ایسے آرکیٹیکچر کا اطلاق تھا جو وسیع پیمانے پر تیز رفتاری کے ساتھ کم لاگت پر مشتمل ٹرانزیکشنز کے قابل بناتا ہے۔ فی الوقت Zilliqa کے اوپر 250 سے زائد پراجیکٹس بنائے گئے ہیں، جن میں گیمنگ، DeFi، اور میٹاورس کی ایپلی کیشنز شامل ہیں۔
Zilliqa کس طرح سے کام کرتی ہے؟
نیٹ ورک کو محفوظ بنانا
مائنرز Zilliqa کے مقامی ٹوکن، ZIL کو مائن کر سکتے ہیں۔ یہ چیز انہیں توانائی کے اخراجات بچانے کا موقع دیتی ہے۔ Zilliqa پر، مائنرز دیگر ٹوکنز کی مائننگ سے ZIL پر منتقل ہو سکتے ہیں اور جمع ہونے والی زیادہ فیس وصول کر سکتے ہیں۔ یہ عمل دوہری مائننگ کہلاتا ہے۔
ٹرانزیکشنز پر عمل کاری
شارڈنگ آرکیٹیکچر کا ایک مثبت ضمنی اثر ٹرانزیکشن کی کم لاگتیں ہیں۔ نیٹ ورک پر رش، ٹرانزیکشن کے بقایا جات، اور توسیع پذیری کے مسائل کے سبب روایتی بلاک چینز پر فیس زیادہ ہوتی ہیں۔ Zilliqa کی فیس کم رکھنے میں شارڈنگ مددگار ثابت ہوئی، جس میں بلاک چین ٹرانزیکشن کی معیاری فیس 0.1 ZIL ہے۔ Zilliqa کی کمیونٹی ٹرانزیکشن کے حجم، صارف کی طلب، اور ZIL کی موجودہ قیمت کو مدنظر رکھتے ہوئے ان اخراجات کا فیصلہ کرتی ہے۔
گورننس
ہر gZIL ایک ووٹ کی نمائندگی کرتا ہے، اور کسی صارف کے ہولڈ میں یہ جس قدر زیادہ تعداد میں موجود ہوں گے، ان کو ووٹنگ کا اتنا ہی زیادہ اختیار حاصل ہو گا۔ یہ ایک طویل مدت سے ٹوکن کو ہولڈ کرنے والے افراد کو Zilliqa کے ایکو سسٹم میں حصہ لینے کی ترغیب دیتا ہے۔
کوئی بھی شخص Binance جیسے مرکزی ایکسچینجز، یا ZilSwap یا XCAD DEX جیسے DEXes پر gZIL کو خرید سکتا ہے۔ ایکو سسٹم کے اندر، Ignite DAO جیسے پروٹوکولز صارفین کو اپنی gZIL اسٹیک کرنے اور بنیادی مراعات یافتہ معیشتوں میں اسٹیک ہولڈر بننے کی اجازت دیتے ہیں۔
DeFi اسپیس میں Zilliqa
میٹاورس
Zilliqa نے ZRC-6 کا NFT معیار لانچ کیا، جو تخلیق کاروں اور معماروں کا تجربہ بہتر بنانے کی غرض سے اعزازیے کی ادائیگیوں، بیچ منٹنگ، اور دیگر خصوصیات کے لیے معاونت فراہم کرتا ہے۔ Zilliqa سے تقویت یافتہ مارکیٹ پلیسز پر، صارفین آئٹمز منٹ کر سکتے ہیں اور انہیں جعل سازی سے پاک NFTs میں تبدیل کر سکتے ہیں۔
Metapolis اور MaaS (میٹاورس بطور سروس)
میٹاورس کی تعمیر کے حل کا متلاشی کوئی بھی شخص انہیں Metalopolis پر تلاش کر سکتا ہے، جو Zilliqa پر میٹاورس بطور سروس (MaaS) کے طور پر لانچ کردہ ایک پلیٹ فارم ہے۔ Metapolis کی MaaS اپروچ اس لحاظ سے ڈیزائن کی گئی ہے کہ یہ تصور سے نفاذ تک کے اس سفر کو خاطرخواہ حد تک کم کر سکے کیونکہ انفراسٹرکچر استعمال کے لیے تیار ہے اور پہلے سے ہی Zilliqa بلاک چین میں ضم کردہ ہے۔
گیمنگ
Zilliqa نے ایک SDK بنایا ہے جو گیم بنانے کے عمل میں نمایاں طور پر تیزی لاتا ہے۔ یہ پلیٹ فارم گیمنگ کی جدید ترین ٹیکنالوجی کو ایسی گرافکس اور گیم پلے کے ساتھ تقویت فراہم کرنے کی صلاحیت رکھتا ہے، جس کی توقع مقبول پلیٹ فارمز سے کی جا سکتی ہے۔
Zilliqa کو کیا چیز منفرد بناتی ہے؟
Zilliqa میں ایسی خصوصیات موجود ہیں جو اسے کافی حد تک ڈویلپر کے لیے آسان بناتی ہیں۔ ان میں Scilla نامی حسبِ منشا پروگرامنگ کی زبان، ایکو سسٹم کی ڈویلپمنٹ کے لیے ZILHive نامی آرم، P2E گیمنگ میں معاونت کرنے والا اس کا SDK، اور اس کا شارڈ کردہ آرکیٹیکچر شامل ہیں – جوکہ مل کر پلیٹ فارم پر مستقل جدت اور تعاون کی حوصلہ افزائی کرتے ہیں۔
Scilla
چونکہ اسمارٹ معاہدہ جات ایسے ناقابل واپسی معاہدہ جات ہیں جو قیمتی ڈیجیٹل اثاثہ جات کو ہینڈل اور اسٹور کرتے ہیں، اس لیے یہ یقینی بنانا ضروری ہے کہ وہ اچھی طرح سے ڈیزائن کیے گئے ہیں اور استعمال کے لیے محفوظ ہیں۔ Scilla کے ساتھ، ڈویلپرز مزید آسانی کے ساتھ سکیورٹی کی کمزوریوں کی نشاندہی کر سکتے ہیں، جس سے ان کے لیے محفوظ اسمارٹ معاہدوں کو تحریر کرنا آسان ہو جاتا ہے۔ حتمی طور پر، اس زبان کا مقصد پورے نیٹ ورک پر dApp کی زیادہ سے زیادہ سکیورٹی کے لیے ایک بنیاد قائم کرنا ہے۔
ZILHive
ZILHive ایک ایسے جامع چینل کی پیشکش کرتا ہے جس سے بلاک چین ٹیکنالوجی کی قبولیت اور رسائی کی اضافی صلاحیت کو تخیلاتی آغاز سے لے کر کمپنی کی ڈویلپمنٹ تک فعال کیا جا سکتا ہے۔ شراکت داران اور سرمایہ کاران پر مشتمل ان کا عالمگیر نیٹ ورک اپنے کام میں ڈویلپرز کی مدد کرنے کی غرض سے ہر پراجیکٹ کے اہداف ٹولز سے میچ کرنے کے لیے ایک ڈیزائن کردہ ایکسلریٹر پروگرام کی پیشکش کرتے ہوئے اسٹارٹ اپس کی مدد کر سکتا ہے۔
ZIL کیا ہے؟
ZIL، Zilliqa بلاک چین کا مقامی ٹوکن ہے اور Zilliqa پر تیار کردہ dApps سے استفادہ حاصل کرنے اور ان کے ساتھ تعامل کرنے کا طے شدہ طریقہ ہے۔ نیٹ ورک بھر کی ٹرانزیکشن فیس ZIL میں طے کی جاتی ہیں۔ چونکہ Zilliqa اپنا نیٹ ورک محفوظ بنانے کے لیے PoW کو استعمال کرتا ہے، اس لیے ZIL کو مائن کیا جا سکتا ہے۔ ZIL کو بلاک چین پر پیشکش کردہ پراڈکٹس اور سروسز کے بدلے ادائیگی کے لیے بھی استعمال کیا جا سکتا ہے۔ اس میں Zilliqa سے تقویت یافتہ مارکیٹ پلیسز پر NFTs کی خرید و فروخت شامل ہے۔
اسٹیکنگ
نیٹ ورک محفوظ بنانے کے لیے ٹوکن ہولڈرز کو اپنے ZIL کو اسٹیک کرنے کی ترغیب دی جاتی ہے۔ یہ صارفین، جنہیں ڈیلیگیٹرز کہا جاتا ہے، بلاک کے انعامات کے بدلے میں نیٹ ورک کو سروسز فراہم کرنے کے لیے اپنے ٹوکنز نوڈز کے ساتھ اسٹیک کرتے ہیں۔ نیٹ ورک کو کم از کم 10 اسٹیک کردہ ZIL درکار ہوتے ہیں اور انعامات ZIL ٹوکنز کی مد میں تقسیم کیے جاتے ہیں۔ اسٹیکنگ کے فیصدی ریٹرن (APR) کا انحصار دیے گئے کسی بھی وقت میں ZIL کی کُل گردشی رقم پر ہوتا ہے۔
Binance پر ZIL کیسے خریدا جائے؟
آپ ZIL کو Binance جیسے کرپٹو کرنسی ایکسچینجز پر خرید سکتے ہیں۔
1۔ اپنے Binance اکاؤںٹ میں لاگ ان کریں اور [Trade] -> [Spot] پر جائیں۔
2. ٹریڈںگ کے دستیاب جوڑوں کو دیکھنے کے لیے تلاش کریں کے بار میں "ZIL" ٹائپ کریں۔ ہم ZIL/BUSD کو بطور مثال لیں گے۔
اختتامی خیالات
Zilliqa ایک انتہائی توسیع پذیر، ماحولیاتی لحاط سے پائیدار، اور ڈویلپر کے لیے استعمال میں آسان بلاک چین فراہم کرتے ہوئے جدت کے عمل کو تقویت فراہم کرتا ہے۔ Zilliqa اپنے آرکیٹیکچر اور کمیونٹی کی بدولت، ڈویلپرز کے لیے اپنی ذاتی ایپلی کیشنز تیار کرنے کے لیے ایک مقبول پروٹوکول ہے۔