Ano ang Zilliqa (ZIL)? | Binance Academy

TL;DR

Inilunsad ang Zilliqa noong 2017 bilang platform ng pampublikong blockchain na may mataas na throughput na idinisenyo para mag-scale ng libo-libong transaksyon kada segundo. Sa ngayon, layunin ng Zilliqa na magkaroon ng efficiency, tiwala, at transparency sa Web 3.0.

Panimula

Ang Zilliqa ay isang layer 1 blockchain at ang unang pampublikong blockchain na gumagamit ng shina-shard na arkitektura. Sa technique na ito ng pag-shard, napoproseso nang magkakasabay ang mga transaksyon, kaya nagiging mas mabilis ang rate ng transaksyon.

Ang Zilliqa, na itinatag noong 2017 batay sa pananaliksik na isinagawa sa NUS School of Computing sa National University of Singapore, ay hango sa trabahong nakatuon sa pagpapatupad ng arkitekturang nagbibigay-daan sa mga murang transaksyon na napakabilis sa malawakan. Sa ngayon, may mahigit 250 proyektong nakabatay sa Zilliqa, kasama na ang gaming, DeFi, at mga metaverse application.

Paano gumagana ang Zilliqa?

Pag-secure sa network

Katulad ng Bitcoin, gumagamit ang Zilliqa ng Proof of Work (PoW) na mekanismo ng consensus at Practical Byzantine Fault Tolerance (PBFT) para i-secure ang network nito. May kasamang pagmimina sa PoW, na siyang proseso ng pag-verify at pag-validate ng mga transaksyon sa blockchain.

Puwedeng minahin ng mga minero ang native token ng Zilliqa na ZIL. Nagbibigay-daan ito sa kanilang makatipid sa gastusin sa enerhiya. Sa Zilliqa, puwedeng lumipat ang mga minero mula sa pagmimina ng iba pang token sa ZIL at makatanggap ng mataas na pinagsama-samang bayarin. Tinatawag itong Dual na Pagmimina.

Pagproseso ng mga transaksyon

Bagama't matagal nang problema ang scalability, maraming blockchain ang patuloy na nahihirapang mag-scale ng mga transaksyon nang mabilisan habang nadaragdagan ang paggamit nila sa network. Para matugunan ang pangunahing problemang ito sa paggamit sa mainstream, gumagamit ang Zilliqa ng shina-shard na arkitektura para magproseso ng mga transaksyon.

Hinahati ng pag-shard ang network sa mas maliliit na grupo ng mga node na tinatawag na mga shard. Bawat shard ay nakakapagproseso ng mga transaksyon nang magkakasabay, na tumitiyak na linear ang pagtaas ng throughput sa Zilliqa sa laki ng network.

Hindi tulad ng Bitcoin o Ethereum, kapag nagproseso ng transaksyon ang Zilliqa, hindi kailangan ng kumpirmasyon. Nagbibigay-daan ito sa network na gumana nang mas mahusay, at sinusuportahan pa nga nito ang mga micro-payment sa blockchain.

Isang positibong epekto ng arkitektura ng pag-shard ay ang mas mababang gastusin sa transaksyon. Malamang na mas mataas ang bayarin sa mga legacy na blockchain dahil sa congestion ng network, mga backlog ng transaksyon, at mga isyu sa scalability. Nakatulong ang pag-shard sa Zilliqa na panatilihing mababa ang bayarin nito, sa karaniwang bayad sa transaksyon sa blockchain na 0.1 ZIL. Ang komunidad ng Zilliqa ang nagpapasya sa mga gastusing ito, batay sa dami ng transaksyon, demand ng user, at kasalukuyang presyo ng ZIL.

Pinapaigting ng bayarin ang seguridad ng network. Kung wala ito, madaling masa-spam at mapapabagal ng masasamang loob ang isang network. Kaya naman may maliit na bayad ang paggamit ng ZIL o anumang decentralized application (dApp) sa ecosystem. Ginagamit ang nakokolektang bayarin bilang mga reward sa pagmimina. Nakakatulong itong gawing secure ang imprastraktura ng Zilliqa habang ginagawang deflationary ang katangian ng asset.

Pamamahala

Dahil nasa sentro nito ang bukas na pamamahala, lahat ng pagbabago sa blockchain ay iminumungkahi at pinagbobotohan ng mga may hawak na governance ZIL (gZIL), ang governance token ng Zilliqa. Tinitiyak ng desentralisadong system na ito na sa komunidad nakasalalay ang hinaharap ng Zilliqa sa halip na sa sentral na awtoridad.

Ang mga miyembro ng komunidad ay puwedeng magsumite ng mga mungkahing tinatawag na mga ZIP (Zilliqa Improvement Proposal) at pagkatapos ay bumoto sa Snapshot, ang portal na nangangasiwa sa pagpapasya sa Zilliqa. Ang mga ZIP ay nagbibigay-daan sa kahit sino na magmungkahi ng mga bagong feature at pagpapahusay, nangongolekta ng impormasyon, at gumagana bilang text file, kaya nagsisilbi ang kasaysayan ng pagbabago bilang rekord ng kasaysayan. Ang mga naaprubahang ZIP ay mga dokumento ng disenyo na nagtatakda ng pamantayan ng pangunahing protocol ng platform.

Kumakatawan ang bawat gZIL sa isang boto, at kung mas maraming hawak ang isang user, mas malaki ang voting power niya. Hinihikayat nito ang mga matagal nang may hawak ng token na lumahok sa ecosystem ng Zilliqa.

Kahit sino ay makakabili ng gZIL sa mga sentralisadong palitan gaya ng Binance, o mga DEX gaya ng ZilSwap o XCAD DEX. Sa ecosystem, nagbibigay-daan ang mga protocol gaya ng Ignite DAO sa mga user na i-stake ang kanilang gZIL at maging stakeholder sa mga nasasaklawang ekonomiya na binibigyan ng insentibo.

Zilliqa sa mundo ng DeFi

ZilSwap ang opisyal na decentralized exchange (DEX) ng Zilliqa. Ang mga user ay puwedeng mag-stake ng ZIL sa Binance, magpapalit ng mga ZIL at ZRC-2 token, sumali sa mga liquidity pool, at gumamit ng ZilBridge para i-bridge ang kanilang mga ERC-20 token mula sa Ethereum network papunta sa Zilliqa. Makikita ang mga presyo ng ZRC-2 token sa ZilStream. Ang ZilBridge ay isang tool na makakatulong sa mga user na maglipat ng mga asset sa pagitan ng mga mainnet ng ZIL at ETH.

Metaverse

Inilunsad ng Zilliqa ang ZRC-6 NFT standard, na nagbibigay ng suporta para sa mga pagbabayad ng royalty, maramihang pag-mint, at iba pang feature para mapaganda ang karanasan para sa mga creator at builder. Sa mga marketplace na pinapagana ng Zilliqa, puwedeng mag-mint ng mga item ang mga user at puwede nila itong gawing mga NFT na hindi napapakialamanan.

Metapolis at MaaS (Metaverse-as-a-Service)

Sinumang naghahanap ng mga solusyon sa pagbuo ng metaverse ay makakakita nito sa Metalopolis, na isang platform ng metaverse-as-a-service (MaaS) na inilunsad sa Zilliqa. Idinisenyo ang diskarteng MaaS ng Metapolis para lubos na mapaikli ang proseso mula ideya tungong pagpapatupad dahil handa nang magamit ang imprastraktura at naka-integrate na ito sa blockchain ng Zilliqa.

Gaming

Bumuo ang Zilliqa ng SDK na tumutulong na lubos na mapabilis ang pagbuo ng laro. Kaya ring paganahin ng platform ang pinakabagong teknolohiya sa paglalaro, kasama ng graphics at gameplay na maaasahan natin sa mga nangungunang platform.

Bakit natatangi ang Zilliqa?

Ang Zilliqa ay may mga feature na dahilan kaya ito napakadaling gamitin para sa mga developer. Kasama rito ang isang custom na programming language, ang Scilla, na isang ecosystem development arm, ang ZILHive, na siyang SDK nito na sumusuporta sa P2E gaming, at ang shina-shard nitong arkitektura – na lahat ay nanghihikayat sa tuloy-tuloy na pagbabago at pagtutulungan sa platform.

Scilla

Bumuo ang Zilliqa ng isang custom na programming language na tinatawag na Scilla. Ang Scilla ay pinaikling Smart Contract Intermediate-Level Language. Nakasentro ang language sa seguridad ng mga smart contract para magkaroon ng mas ligtas na environment para sa paggawa ng mga serbisyo sa DeFi at dApp.

Dahil ang mga smart contract ay mga hindi mababawing kasunduan na nangangasiwa at nagso-store ng mahahalagang digital asset, mahalagang siguraduhin na maayos ang pagkakadisenyo at ligtas gamitin ang mga ito. Gamit ang Scilla, mas madaling matutukoy ng mga developer ang mga kahinaan sa seguridad, kaya naman nagiging mas simple sa kanila ang pagsusulat ng mga mas ligtas na smart contract. Sa huli, layunin ng language na magtakda ng pundasyon para sa mas pinaigting na seguridad ng dApp sa buong network.

ZILHive

Ang ecosystem development arm ng Zilliqa na ZILHive ay idinisenyo para matugunan ang mga demand ng lahat ng proyektong ginawa sa network ng blockchain ng Zilliqa.

Nag-aalok ang ZILHive ng komprehensibong channel para mabigyang-daan ang nadagdagang accessibility at pagtanggap sa teknolohiya ng blockchain, mula sa paggawa ng ideya hanggang sa pagbuo ng kumpanya. Makakatulong sa mga startup ang pandaigdigang network nito ng mga partner at namumuhunan sa pamamagitan ng pag-aalok ng idinisenyong accelerator program para itugma ang mga layunin ng bawat proyekto sa mga tool para matulungan ang mga developer sa proseso.

Ano ang ZIL?

ZIL ang native token ng blockchain ng Zilliqa at ang default na paraan ng paggamit at pakikipag-interact sa mga dApp na binuo sa Zilliqa. Binabayaran ang bayarin sa transaksyon sa buong network gamit ang ZIL. Dahil gumagamit ang Zilliqa ng PoW para i-secure ang network nito, puwedeng minahin ang ZIL. Puwede ring gamitin ang ZIL para magbayad ng produkto at serbisyo na iniaalok sa blockchain. Kasama rito ang pagbili at pagbebenta ng mga NFT sa mga marketplace na pinapagana ng Zilliqa.

Kasalukuyang nakalista ang ZIL sa ilang malaking palitan ng crypto, kasama na ang Binance. Makikita rin ito sa mga decentralized exchange (DEXes), kasama na ang ZilSwap, ang opisyal na DEX ng Zilliqa.

Pag-stake

Binibigyan ng insentibo ang mga may hawak ng token na i-stake ang kanilang ZIP para ma-secure ang network. Ang mga user na ito na tinatawag na mga delegator ay nagse-stake ng kanilang mga token gamit ang mga node para magbigay ng mga serbisyo sa network kapalit ng mga reward ng block. Nangangailangan ang network ng minimum na 10 ZIL na naka-stake at ipinapamahagi ang mga reward sa mga ZIL token. Nakadepende ang porsyento ng return (APR) para sa pag-stake sa kabuuang dami ng ZIL na nasa sirkulasyon sa anumang partikular na pagkakataon.

Paano bumili ng ZIL sa Binance?

Makakabili ka ng ZIL sa mga palitan ng cryptocurrency gaya ng Binance.

1. Mag-log in sa iyong account sa Binance at pumunta sa [Mag-trade]-> [Spot].

2. I-type ang “ZIL” sa search bar para makita ang mga available na pares sa pag-trade. Gagamitin natin ang ZIL/BUSD bilang halimbawa.

3. Pumunta sa kahon ng [Spot] at ilagay ang halaga ng ZIL na gusto mong bilhin. Sa halimbawang ito, gagamit tayo ng Market order. I-click ang [Bumili ng ZIL] para kumpirmahin ang iyong order, at ike-credit sa iyong Spot Wallet ang nabiling ZIL.

Mga pangwakas na pananaw

Binibigyang-daan ng Zilliqa ang pagbabago sa pamamagitan ng pagbibigay ng blockchain na napaka-scalable, sustainable sa kapaligiran, at madaling gamitin para sa mga developer. Dahil sa arkitektura at komunidad nito, ang Zilliqa ay isang sikat na protocol para makabuo ang mga developer ng sarili nilang mga application.