დეცენტრალიზებული აპლიკაცია (DApp)
დეცენტრალიზებული აპლიკაციები, ანუ DApp-ები წარმოადგენს ბლოკჩეინის ტექნოლოგიაზე დაფუძნებულ აპლიკაციებს, რომლის მეშვეობითაც იქმნება უფრო გამჭვირვალე, უსაფრთხო და ინკლუზიურ სისტემები. სტანდარტული აპლიკაციები ჩვეულებრივ კონტროლდება და იმართება ცენტრალური რგოლის, მაგალითად კომპანიის ან ორგანიზაციის მიერ. DApp კი გაშვებულია
ბლოკჩეინზე და ფუნქციონირებს ავტონომიურად, ბლოკჩეინის ნოდების კოლექტიური ძალისხმევის წყალობით და
სმარტ კონტრაქტებში გაწერილი წესების შესაბამისად.
DApp-ები მომხმარებლებს საკუთარ მონაცემებზე მეტი კონტროლის დამყარების შესაძლებლობას აძლევს და გამორიცხავს შუამავლების საჭიროებას. მათი საშუალებით მომხმარებლებს შეუძლიათ თავად გადაწყვიტონ, თუ როგორ სურთ საკუთარი მონაცემების გამოყენება და გაზიარება, შეამცირონ ცენტრალიზებულ სისტემებზე დამოკიდებულება, რომლებიც ხშირად მომხმარებლის მონაცემების მონეტიზაციას ახორციელებენ. DApp-ების გამოყენებისთვის საჭიროა მხოლოდ მათი დაკავშირება კრიპტო საფულეებთან, რის შემდეგაც შეგიძლიათ დაიწყოთ ვაჭრობა და სხვა აქტივობები, რეგისტრაციის ხანგრძლივი პროცესის ან პერსონალური ინფორმაციის გაზიარების გარეშე.
DApp-ები ღია კოდის დეველოპერებს და საზოგადოებას სთავაზობენ მონაწილეობა მიიღონ პროექტებში, რაც მომხმარებლებს საშუალებას აძლევს, სურვილის შემთხვევაში, უფრო აქტიური წვლილი შეიტანონ პლატფორმის განვითარებაში. ისინი იწვევენ მომხმარებლებს და დეველოპერებს აპლიკაციის პროგრამული კოდის შემუშავების, მართვის და გადაწყვეტილების პროცესში მონაწილეობის მისაღებად, რაც თანამშრომლობის და ინოვაციის სტიმულს წარმოადგენს.
ქვემოთ მოცემულია DApp-ების გამოყენების სამი ყველაზე პოპულარული გზა:
დეცენტრალიზებული ფინანსები (DeFi)
DeFi DApp-ები მომხმარებლებს ფინანსურ სერვისებზე ტრადიციული შუამავლების, მაგალითად ბანკების გარეშე წვდომის საშუალებას აძლევს. ისინი მომხმარებლებს აძლევს კრიპტოვალუტების გასესხების, სესხების, მათი მეშვეობით ვაჭრობის ან საპროცენტო სარგებლის გამომუშავების შესაძლებლობას. DeFi DApp-ები ფინანსური სერვისებით სარგებლობის შესაძლებლობას სთავაზობს ადამიანებს, რომელთაც არ აქვთ ტრადიციულ საბანკო სისტემებთან წვდომა.
გეიმინგი
დღითიდღე იზრდება DApp-ების
გეიმინგის სფეროში გამოყენების მასშტაბები, რადგან ისინი გეიმინგის დეცენტრალიზებული და გამჭირვალე ტექნოლოგიის შექმნის შესაძლებლობას გვთავაზობს. ეს DApp-ები მოთამაშეებს საშუალებას აძლევს შეიძინონ და ივაჭრონ თამაშში გამოყენებული აქტივებით, მონაწილეობა მიიღონ სამართლიან შეჯიბრებებში და გამოიმუშაონ ჯილდოები კრიპტო ტოკენების სახით.
მმართველობა და ხმის მიცემა