Ankr (ANKR) کیا ہے؟ | Binance Academy

TL؛DR

Ankr Web3 کے انفراسٹرکچر کا ایک غیر مرکزی فراہم کنندہ ہے جو بلاک چینز کے ایک مکمل سلسلے کے ساتھ بآسانی تعامل انجام دینے کے سلسلے میں ڈویلپرز، غیر مرکزی ایپلیکیشنز، اور اسٹیکرز کی معاونت کرتا ہے۔ آپ بآسانی DApps بنانے، Ankr کمائی پر اسٹیک کرنے، اور بلاک چین انٹرپرائز کی ضروریات کو پورا کرنے کی غرض سے حسبِ منشا حل حاصل کرنے کے لیے APIs اور RPCs تک رسائی حاصل کر سکتے ہیں۔

اس پراجیکٹ کا ANKR نامی ٹوکن، Ankr پروٹوکول پر ہونے والی تمام سرگرمیوں کو سہولت دیتا ہے۔ یہ بلاک چینز پر کی جانے والی درخواستوں کے لیے ادائیگی کرنے، درخواستوں پر کارروائی کرنے کے صلے میں نوڈ کے خود مختار فراہم کنندگان کو انعام دینے، اور ANKR ہولڈرز کو مکمل نوڈز پر اپنا ANKR اسٹیک کرنے کے صلے میں انعام دینے کے لیے استعمال کیا جاتا ہے۔ آپ ایکسچینج پر موجود کسی کریڈٹ یا ڈیبٹ کارڈ کے ذریعے Binance پر ANKR خرید سکتے ہیں۔

تعارف

سرمایہ کار حضرات اور صارفین کے درمیان، کراس چین اور متعدد چین کے مواقع خاصی مقبولیت حاصل کر چکے ہیں۔ Web3 کے ایکو سسٹم پر جاری پیشرفت کے ساتھ، اب کراس چین کی وہ سرگرمی کئی گنا آسان بن چکی ہے جو اس سے پہلے پیچیدہ تصور کی جاتی تھی۔ Ankr اس تبدیلی کا ایک اہم جزو ہے اور اسے ایسے صارفین کے لیے بنایا گیا ہے جو کئی ایک بلاک چینز کے ساتھ تعامل انجام دینے کے لیے ایک منظم طریقے کی تلاش میں ہیں۔ خواہ آپ ڈویلپر ہوں یا پھر کرپٹو کے سرمایہ کار، Ankr کے پاس آپ کی خدمت میں پیش کرنے کے لیے کچھ نہ کچھ ضرور موجود ہے۔

Ankr کیا ہوتا ہے؟

Chandler Song اور Ryan Fang نے 2017 میں Ankr کی بنیاد ڈالی، جس کا مین نیٹ 2019 میں لانچ ہوا۔ یہ Web3 (AKA Web 3.0) ٹولز کے ایک مجموعے کی پیشکش کرتا ہے جو ایک غیر مرکزی پلیٹ فارم کے ذریعے متعدد بلاک چینز کے انفراسٹرکچر تک رسائی حاصل کرنے کے لیے ڈویلپرز، ایپلیکیشنز، اور اسٹیکرز کی معاونت کرتا ہے۔ کوئی بھی شخص Ankr پروٹوکول کو نوڈ فراہم کر سکتا ہے اور دنیا بھر سے بلاک چینز پر موصول ہونے والی درخواستوں پر کارروائی کے نتیجے میں انعامات کو حاصل کر سکتا ہے۔ دوسری جانب، ایسے ڈویلپرز اور پراجیکٹس، Ankr پروٹوکول پر دستیاب غیر مرکزی نوڈ کے انفراسٹرکچر استعمال کرنے کے لیے ادائیگی کر سکتے ہیں، جو اپنے ذاتی نوڈز سیٹ کرنے اور چلانے کے خواہشمند نہیں ہیں۔ ایسے صارفین جو مختلف بلاک چینز پر اسٹیک کرنا چاہتے ہیں یا توثیق کاران بننا چاہتے ہیں، وہ آسانی کے ساتھ اس عمل کی نظم کاری لیے بھی Ankr کا استعمال کر سکتے ہیں۔

Ankr فی الوقت Polygon (MATIC)، Ethereum (ETH)، BNB اسمارٹ چین (BNB)، Avalanche (AVAX)، Polkadot (DOT)، اور Kusama (KSM) پر اسٹیکنگ کی معاونت کرتا ہے۔ آپ ماہانہ فیس ادا کر کے ANKR کو Ethereum 2.0 کی نوڈز چلانے کے لیے بھی استعمال کر سکتے ہیں تاکہ آپ کو توثیق کار کا آسان تجربہ حاصل ہو سکے۔

Ankr کس طرح کام کرتا ہے؟

یہ سمجھنا اہم ہے کہ Ankr کوئی بلاک چین نہیں ہے۔ یہ بلڈرز، اسٹیکرز، اور انٹرپرائزز کے لیے ٹولز کے ایک مجموعے کے طور پر کام کرتا ہے۔ اس کے بنیادی فیچرز میں مندرجہ ذیل چیزیں شامل ہیں:

غیر مرکزی نوڈ کے انفراسٹرکچر کی سروسز

Ankr کا غیر مرکزی انفراسٹرکچر، DeFi کے پلیٹ فارمز، NFT پراجیکٹس، بلاک چین کی گیمز، اور DApps کی تمام اقسام کے لیے مفید ہے۔ اس میں دنیا بھر سے موصول ہونے والی درخواستوں پر کارروائی کرنے والے اعلیٰ کارکردگی کے حامل خود مختار نوڈز کی موجودگی کا مطلب یہ ہے کہ یہ تمام ایپلیکیشنز، بلاک چینز تک نسبتاً مزید تیز، مزید توسیع پذیر، اور مزید قابل گنجائش انداز میں رسائی حاصل کر سکتی ہیں۔

بلاک چین کے نوڈ کو سیٹ کرنے کے لیے تکنیکی معلومات، وقت، اور کوشش درکار ہوتی ہے۔ ہر شخص کو اس امر پر اس قدر مہارت حاصل نہیں ہوتی کہ وہ از خود نوڈ کی تنصیب کی نظم کاری کر سکے۔ اگر آپ کو خاص اسی مقصد کے لیے مختص کردہ نوڈ درکار ہو، تو Ankr اسے آپ کے لیے لانچ کر سکتا ہے تاکہ آپ دور بیٹھ کر بھی اس تک رسائی حاصل کر سکیں۔ Ankr پروٹوکول دنیا بھر سے آزادانہ طور پر چلائے جانے والے ایسے نوڈز پر مشتمل ہوتا ہے جن سے آپ کسی بھی وقت ڈیٹا کی درخواست کر سکتے ہیں۔

ڈویلپرز کے لیے پریمیئم API اور RPC کے حتمی مرحلے

ان ڈویلپرز کو خصوصی APIs (ایپلیکیشن پروگرامنگ انٹرفیسز) کے ساتھ کام کرنے کی ضرورت ہوتی ہے جو بلاک چین پر اسمارٹ معاہدے اور DApps کی تنصیب کا کام کرتے ہیں۔ تاہم، عام طور پر ایسا کرنے کے لیے اپنے ذاتی نوڈ کو چلانے اور اسے بلاک چین کی موجودہ حالت کے ساتھ مطابقت پذیر بنانے کے لیے گھنٹوں صرف کرنے کی ضرورت پیش آتی ہے۔ Ankr پروٹوکول اپنے غیر مرکزی نوڈ کے فراہم کنندگان کے نیٹ ورک کے ذریعے API کی فوری سروسز اور RPC تک رسائی فراہم کرتے ہوئے آپ کی جانب سے اپنے ذاتی نوڈز کو چلانے کی ضرورت کو مکمل طور پر ختم کر دیتا ہے۔

مختص کردہ ایپلیکیشن پروگرامنگ انٹرفیسز (APIs) اور ریموٹ پروسیجر کالز (RPCs) کی موجودگی کا مطلب یہ ہے کہ آپ اور آپ کا پراجیکٹ مشترکہ سرورز پر دیگر صارفین کی جانب سے آنے والے ٹریفک سے مقابلہ کیے بغیر بلاک چینز کے ساتھ تعامل کو سرانجام دے سکتے ہیں۔ Ankr پر موجود API کے حتمی مرحلے کا استعمال کرتے ہوئے، آپ کو از خود سیٹ اپ کا کام کیے بنا ہی مکمل چین کے ڈیٹا تک رسائی حاصل ہو جائے گی۔ یہ API آپ کے DApp کو، کامیابی سے چلنے اور نسبتاً بہتر صارفی تجربہ فراہم کرنے کے حوالے سے درکار تمام معلومات دے گا۔

لیکویڈ اسٹیکنگ

DeFi (غیر مرکزی فنانس) میں پیش آنے والا ایک عمومی مسئلہ یہ ہے کہ جب آپ فنڈز اسٹیک کرتے ہیں تو وہ اپنی لیکویڈیٹی کھو دیتے ہیں۔ متعدد چینز پر اسٹیکنگ کی پیشکش کے علاوہ، Ankr انعام کمانے والے ایسے ٹوکنز بھی فراہم کرتا ہے جو آپ کے اسٹیک کردہ فنڈز کی نمائندگی کرتے ہیں۔ اس کے بعد آپ ان نئے "لیکویڈ اسٹیکنگ ٹوکنز" کو ٹریڈ کرنے کے لیے استعمال کر سکتے ہیں یا لیکویڈیٹی مائننگ، منافع جاتی فارمنگ، ادھار دینے کے عمل، اور اضافی آمدنی کمانے کے حوالے سے موجود مزید حکمت عملیوں کے لیے DeFi میں استعمال کر سکتے ہیں۔ یہ میکانزم آپ کی اسٹیک کردہ سرمایہ کاریوں کی مالیت ان لاک کرنے میں مدد کرتا ہے تاکہ ان سے اضافی آمدنی کمائی جا سکے۔

اسٹیکنگ کو شروع کرنے کے لیے، آپ کو پلیٹ فارم کے ساتھ اپنا والیٹ مربوط کرنے کی ضرورت ہو گی۔ چونکہ آپ Ankr کے ذریعے متعدد کرپٹو کرنسیز اسٹیک کر سکتے ہیں، اس لیے یہ پلیٹ فارم والیٹس کی وسیع اقسام کی معاونت کرتا ہے۔ آئیں بطور مثال ETH کی اسٹیکنگ کو ملاحظہ کرتے ہیں۔ ایک بار جب آپ اسٹیکنگ کے عمل (جس کا جائزہ ہم بعد ازاں اس ہدایت نامے میں لیں گے) سے گزر چکے ہوں گے، تو آپ کو بدلے میں انعام کمانے والے aETHb، یا انعام کے حامل aETHc ٹوکنز ملیں گے۔ چونکہ آپ کا ETH Ethereum 2.0 کی تیاری میں لاک کردہ ہے، aETHb اور aETHc آپ کے اسٹیک کردہ اثاثہ جات کی مالیت تک رسائی کا ایک لیکویڈ ذریعہ فراہم کرتے ہیں۔

انٹر پرائز

Ankr ان کاروباری اداروں کے لیے Web3 انفراسٹرکچر بطور سروس کے ماڈل کی پیشکش کرتا ہے جن کے لیے لچک پذیر، حسبِ منشا بنائے گئے حل درکار ہوتے ہیں۔ متعدد بلاک چین کے نیٹ ورکس کے ساتھ لین دین انجام دینے والی تنظیمیں، Ankr کی ان API اور RPC سروسزکا استعمال کر سکتی ہیں جو ایک نگرانی کے پلیٹ فارم کے ذریعے قابلِ رسائی ہوتی ہیں۔ چونکہ کاروباری ضروریات عام طور پر چھوٹے پراجیکٹس، DApps، اور صارفین کی ضروریات سے مختلف ہوتی ہیں، لہٰذا انٹرپرائز کا یہ حل خاص طور پر کاروباری استعمال کی صورتوں کے لیے زیادہ مناسب رہتا ہے۔

ANKR کیا ہے؟

ANKR Ankr پلیٹ فارم کا سہولتی ٹوکن ہے۔ ANKR ایک ایسا ERC-20 اور BEP-20 ٹوکن ہے جو Ethereum اور Binance اسمارٹ چین، دونوں ایکو سسٹمز میں استعمال کیا جا سکتا ہے۔ ANKR ٹوکن کی زیادہ سے زیادہ سپلائی 10,000,000,000 ہے اور یہ Ankr پروٹوکول کے غیر مرکزی انفراسٹرکچر کی مارکیٹ پلیس میں کلیدی کردار ادا کرتا ہے:

1. Ankr پروٹوکول کے صارفین ANKR کے ذریعے پریمیئم سروسز کے لیے ادائیگی کرتے ہیں۔

2. نوڈ کے خود مختار فراہم کنندگان ANKR کو اسٹیک کرتے ہیں اور ANKR کے انعامات کو حاصل کرنے کے لیے ٹریفک سے نمٹتے ہیں۔

3. ٹوکن ہولڈرز پروٹوکول محفوظ بنانے کی غرض سے اور انعامات کی مد میں شیئر کرنے کے لیے ANKR کو اسٹیک کر سکتے ہیں۔

4. Ankr پر چلنے والے اپنے ذاتی نوڈ تک دور بیٹھے رسائی حاصل کرنے کے لیے ANKR کی صورت میں ادائیگی کریں۔

5. Ankr کے گورننس میکانزم کے ساتھ ووٹ دینے کے لیے ANKR استعمال کریں۔

اس طرح، ANKR کو Ankr کے نیٹ ورک کے اندر ہی سہولتی ٹوکن اور گورننس ٹوکن دونوں کے طور پر استعمال کیا جا سکتا ہے۔ ANKR ، Ankr ہی کے تمام پراڈکٹس کے لیے ادائیگی کا ایک طریقہ ہے اور صارفین، فراہم کنندگان اور اسٹیکرز کے لیے بنائے گئے Ankr پروٹوکول کا ایک لازمی جزو ہے۔ یہ چیز ANKR کو BTC یا ETH جیسی اپنے ذاتی نیٹ ورک کی حامل مقامی کرپٹو کرنسیز کے مقابلے میں PancakeSwap کے CAKE سے زیادہ مماثل بناتی ہے۔

میں ANKR کو کہاں خرید سکتا ہوں؟

آپ ANKR کو Binance پر دو طریقوں کے ذریعے آسانی سے خرید سکتے ہیں۔ سب سے پہلے، آپ منتخب کردہ فیاٹ کرنسیز استعمال کرتے ہوئے کریڈٹ یا ڈیبٹ کارڈ کے ذریعے ٹوکن کو خرید سکتے ہیں۔ بس [Buy Crypto with Debit/Credit Card] کے صفحے پر جائیں، اس فیاٹ کرنسی منتخب کریں جس میں آپ ادائیگی کرنا چاہتے ہیں، اور پھر [Receive] کی فیلڈ میں ANKR منتخب کریں۔ مزید ہدایات اور اپنی خریداری کی تصدیق کے لیے [Continue] پر کلک کریں۔

ANKR کو دیگر کرپٹو کرنسیز کے انتخاب کے ساتھ بھی ٹریڈ کیا جا سکتا ہے۔ ٹریڈنگ کے دستیاب جوڑوں کی فہرست کو تلاش کرنے کے لیے ایکسچینج ویو پر جائیں اور ٹریڈنگ کا جوڑا تلاش کریں کی فیلڈ میں ANKR کو ٹائپ کریں۔

میں Ankr استعمال کرتے ہوئے کیسے اسٹیک کروں؟

1. Ankr کے کلیدی فیچرز میں سے ایک یہ ہے کہ اس میں ایک کلائنٹ متعدد چینز پر آسانی سے اسٹیک کر سکتا ہے۔ ایسا کرنے کے لیے، پہلے Ankr کمائی کی ویب سائٹ پر جائیں اور اُس کرپٹو کو منتخب کریں جسے آپ اسٹیک کرنا چاہتے ہیں۔ یہاں، ہم نے BNB کو منتخب کیا ہے، لہذا ہمیں [Stake] پر کلک کرنے کی ضرورت ہو گی۔ نوٹ کریں کہ Binance بیکن چین پر BNB اسٹیکنگ کے عمل کے لیے آپ کی جانب سے Binance چین والیٹ کا استعمال درکار ہو گا۔

2. اب، بڑے [Grant Access] بٹن پر کلک کریں۔

3. اپنے اکاؤنٹ کو منتخب کریں۔

4. اب آپ اس رقم کو منتخب کرنے کے قابل ہو سکیں گے جو آپ اسٹیک کرنا چاہتے ہیں۔ اس امر کو یقینی بنائیں کہ آپ کے پاس اپنی ٹرانزیکشن فیس ادا کرنے کے لیے BNB موجود ہو، اور اگر آپ اپنے فنڈز اَن اسٹیک کرنا چاہتے ہیں تو Ankr پر واپس جانا یاد رکھیں۔

اختتامی خیالات

خواہ آپ کسی بھی قسم کی بلاک چین کے صارف کیوں نہ ہوں، Ankr، ایسی کسی نہ کسی خدمت کی پیشکش ضرور کرتا ہو گا جس میں آپ کی دلچسپی کا سامان موجود ہو۔ صارفین مختلف بلاک چینز کے ساتھ ایک ایسے مجموعے پر اسٹیک کر سکتے ہیں جو ایک ہی جگہ پر تمام فنڈز کی نظم کاری کر سکتا ہے۔ بلڈرز دیگر نیٹ ورکس پر تیزی سے توسیع کی صلاحیت کے ساتھ متعدد چین کے غیر مرکزی ڈویلپمنٹ ٹولز تک رسائی حاصل کر سکتے ہیں۔ اور انٹر پرائزز حسبِ منشاء ایسا ہر حل نکال سکتی ہیں جو انہیں اپنے پلیٹ فارم پر اسٹیکنگ کی پراڈکٹس، انفراسٹرکچر اور مزید چیزوں کو ضم کرنے لیے درکار ہو۔ اب تک، Ankr نے غیر مرکزی انفراسٹرکچر کے تیزی سے مقبولیت حاصل کرنے والے فراہم کنندگان میں نمایاں مقام حاصل کر لیا ہے، اور اس کی جانب سے Web3 کے ڈویلپرز اور صارفین کے لیے مزید سروسز کو شامل کرنے کا عمل جاری ہے۔