Ano ang BscScan at Paano Ito Gamitin?
Talaan ng mga Nilalaman
Panimula
Ano ang BscScan?
Bakit ako kailangang gumamit ng BscScan?
Paano ako maghahanap ng mga farm ng yield ng Binance Smart Chain?
Paano ko mahahanap ang average na gas price sa Binance Smart Chain?
Paano ko mahahanap ang bilang ng natatanging address sa Binance Smart Chain?
Paano ko mahahanap ang halaga ng pang-araw-araw na transaksyon sa Binance Smart Chain?
Ano ang mga nangungunang BEP-20 token?
Ano ang mga nangungunang ERC-721 token?
Compatible ba ang BscScan sa mga NFT?
Paano ako maghahanap ng mga validator sa Binance Smart Chain?
Paano mag-verify ng mga smart contract sa BscScan?
Mga pangwakas na pananaw
Ano ang BscScan at Paano Ito Gamitin?
HomeMga Artikulo
Ano ang BscScan at Paano Ito Gamitin?

Ano ang BscScan at Paano Ito Gamitin?

Baguhan
Published Nov 18, 2021Updated Mar 22, 2022
9m

TL;DR

Nasaksihan ng Binance Smart Chain (BSC) ang medyo tuloy-tuloy na paglago ng on-chain na aktibidad at paggamit. Pero ano ang ibig sabihin nito kaugnay ng mga numero? Ang kagandahan ng isang pampublikong blockchain ay… well, pampubliko ito. Puwede mong subaybayan mismo ang mga pagbabago.

Gusto mo bang subaybayang mabuti ang mga sukatan ng BSC pero hindi mo alam kung saan magsisimula? Walang problema, nasa amin ang perpektong gabay sa pagsisimula sa block explorer na BscScan. Sa ganitong paraan, masusubaybayan mong mabuti ang paglaki ng Binance Smart Chain.

Makikita mo ang karamihan sa mga feature na tatalakayin sa artikulong ito sa page na [Mga Chart at Istatistika] na makikita mo sa pamamagitan ng pag-hover sa [Mga Mapagkukunan] sa toolbar. Kasama rito ang mga pang-araw-araw na transaksyon, natatanging wallet address, nangungunang token, at marami pa. Maganda rin ang BscScan sa pag-alam kung valid ba ang mga smart contract at pagtingin sa mga pinakabagong NFT na koleksyon.


Panimula

Madalas nating pinag-uusapan kung paano hindi nangangailangan ng pahintulot ang mga blockchain, ibig sabihin, puwedeng makipag-interaksyon sa mga ito ang sinumang may address. Pero alam mo bang hindi rin nangangailangan ng pahintulot ang pag-develop sa mga blockchain? Ang sinumang may nauugnay na kasanayan ay puwedeng i-deploy ang kanilang DApp sa isang blockchain, at walang makakapigil sa kanila.

Ito ang dahilan ng mabilis na pag-develop sa larangan ng Decentralized Finance (DeFi). Medyo bagong blockchain pa lang ang Binance Smart Chain (BSC), pero naging kahanga-hanga na ang paglaki nito. Gaano kahanga-hanga, ang tanong mo? Well, napakaraming on-chain na data na available sa publiko, kaya madali sa mga trader at mamumuhunan na tingnan ang aktibidad ng network.

Kung nagpaplano kang i-access ang on-chain na data na ito, ang isang blockchain explorer gaya ng BscScan ang pinakamadaling paraan para hanapin ang lahat ng kailangan mo.


Ano ang BscScan?

Ang BscScan (BscScan.com) ay isang blockchain explorer na binuo ng parehong team na bumuo ng Etherscan. Nag-aalok ito ng platform ng analytics para sa Binance Smart Chain, pero marami rin itong magagandang iba pang feature. Magagandang kuhanan ng impormasyon ang mga ito kung gusto mong subaybayan ang mga DeFi na proyektong binuo sa BSC. Puwede mo ring gamitin ang BscScan para:

1. Maghanap ng mga transaksyon at tingnan ang pag-usad ng mga ito.

2. Tingnan ang mga pinakabagong block na naidagdag sa blockchain.

3. Tingnan ang balanse ng mga wallet at anumang transaksyong ginawa nila.

4. Maghanap, magbasa, at makipag-interaksyon sa mga smart contract na na-deploy sa blockchain.

5. Alamin ang supply ng mga token at iba pang cryptocurrency.

Available ang lahat ng impormasyong ito nang hindi nagsa-sign up at ganap na libre ito. Ipinapakita ng blockchain explorer ang lahat ng ito sa paraang simple at madaling i-navigate.


Bakit ako kailangang gumamit ng BscScan?

Ang BscScan ay nagmula sa pinagkakatiwalaang team na nag-develop ng EtherScan, isang sikat na block explorer ng Ethereum. Higit sa reputasyon nito, matutulungan ka ng BscScan na i-navigate ang blockchain. Sa ilang batayang kaalaman sa kung paano ito gamitin, madali mong mato-troubleshoot ang mga batayang problema at tanong.

Halimbawa, kung alam mong maghanap ng smart contract sa BscScan, magiging kapaki-pakinabang ito para sa sinumang gumagamit ng mga DApp. Makikita mo kung na-verify ang mga smart contract ng mga ito at puwede ka pang makipag-interaksyon nang direkta sa mga ito kung down ang API ng DApp. Pero ang on-chain na impormasyon ay hindi lang tungkol sa pagtingin ng mga smart contract at batayang transaksyon. 
Halimbawa, puwede kang mag-set up ng mga whale alert para sumubaybay ng malalaking transaksyon. Sa ilang pagkakataon, kapag may malaking halaga ng BNB na papasok sa isang palitan, puwede itong mangahulugang may nalalapit na bentahan. Puwede mo pa ngang subaybayan ang mga wallet ng mga founder ng protocol ng DeFi para makita kung inililipat nila ang kanilang mga token. Alamin natin ang ilan sa mga pinakakaraniwang ginagamit na tool at sukatan na puwede mong mahanap gamit ang BscScan.


Paano ako maghahanap ng mga farm ng yield ng Binance Smart Chain?

Ipinapakita sa iyo ng dashboard ng BscScan para sa pag-farm ng yield ang lahat ng nangungunang oportunidad sa pag-farm sa kasalukuyan. Puwede mo itong i-access sa pamamagitan ng pag-hover sa button na [Mga Mapagkukunan] at pag-click sa [Listahan ng Mga Farm ng Yield].
Dito, makikita mo ang mga pinakabagong farm, saan ia-access ang mga ito, at paano gumagana ang mga ito sa kanya-kanya nitong website. Ang Yield farming (o liquidity mining) ay isang paraan para gumawa ng crypto gamit ang mga kasalukuyan mong hinahawakan. Gamit ang mga platform gaya ng PancakeSwap, puwede kang makagawa ng yield sa Binance Smart Chain. Dahil mababa ang bayarin sa BSC kumpara sa mga alternatibo gaya ng Ethereum, mainam ang BSC sa mas maliliit na player para sumali sa pag-farm ng yield at kumita ng bahagi nila ng mga available na crop. Pero mag-ingat dahil marami ang scam na proyekto. Tiyaking mag-DYOR at huwag tumaya ng mga pondong hindi mo kayang mawala.


Ang isa pang magandang mapagkukunan para sa pagsubaybay sa lahat ng iba't ibang DApp sa BSC ecosystem ay https://mathdapp.store/. Piliin lang ang Binance Smart Chain sa sidebar sa kaliwa, at makakakita ka na ng listahan ng mga pinagkakatiwalaang BSC DApp.


Paano ko mahahanap ang average na gas price sa Binance Smart Chain?

Una, mag-hover sa [Mga Mapagkukunan], i-click ang [Mga Chart at Istatistika], at pagkatapos ay i-click ang [Chart ng Average na Gas Price].

Makikita mo na ang chart ng average na gas price na ginamit para kalkulahin ang bayad sa gas na binabayaran ng mga user para sa mga transaksyon sa BSC.


Gaya ng nabanggit namin, relatibong mas mababa ang bayarin sa BSC. Sa BSC, ang 1 gwei ay 10-9 o 0.000000001 BNB. Sa average na gas price na humigit-kumulang 6.5 gwei, gagastos ka nang wala pang sampung sentimo sa pagpapadala ng 10 BNB. Sa katunayan, kung magpapadala ka ng sampu o kahit isang daang beses ng halagang iyon, hindi pa rin lalampas sa 20 sentimo ang gagastusin mo.


Mula sa kasaysayan ng transaksyon, makikita natin na nagbayad ang mga tao ng mas matataas na bayarin sa transaksyon kumpara sa karaniwan. Posibleng nadala ng ilang user ang mga luma nilang nakagawian mula sa Ethereum o iba pang blockchain. Hindi naman talaga ito kailangan. Malayo pang ma-congest ang Binance Smart Chain, kaya kung mananatiling stable ang mga kondisyon ng network, sapat na dapat ang 6.5 gwei para sa isang simpleng transaksyon.


Paano ko mahahanap ang bilang ng natatanging address sa Binance Smart Chain?

Ang bilang ng natatanging address ng BscScan ay isang mahusay na sukatan kung gusto mong tantyahin kung ilang user mayroon ang network. Makikita mo ang bilang ng natatanging address sa pamamagitan ng pag-hover sa [Mga Mapagkukunan] at pag-click sa [Mga Chart at Istatistika]. Pagkatapos, i-click ang [Chart ng Mga Natatanging Address].

Ibig sabihin ba nito na kung may 100 natatanging address ang isang blockchain, mayroon itong 100 natatanging user? Siyempre hindi! Puwedeng gumawa ng maraming address ang sinuman. Pero salamat sa cryptography, kahit na gawin nila ito, hindi tayo mauubusan ng address sa loob ng mahabang panahon. At kahit na, medyo mahirap malaman kung ang mga address na iyon ay pag-aari ng iisang entity.

Ngayon, alam na natin na puwedeng gumawa ng maraming address ang sinuman, at ang sukatang ito ay sobrang pagtatantya sa dami ng user. Pero kahit na, binibigyan tayo ng bilang ng natatanging address ng pagtatantya sa paglaki ng network.


Paano ko mahahanap ang halaga ng pang-araw-araw na transaksyon sa Binance Smart Chain?

Ipinapakita sa atin ng chart na ito ang kabuuang bilang ng mga transaksyon sa Binance Smart Chain sa isang partikular na araw. Muli, available ito sa seksyong [Mga Chart at Istatistika].
Bagama't nangangailangan ng higit na transaksyon ang ilang smart contract kumpara sa iba para maipatupad, mabibigyan pa rin tayo ng chart na ito ng ideya sa aktibidad ng network at kung posible ba itong congested. Isa rin itong magandang senyales ng maganda at lumalagong network, na puwedeng kapaki-pakinabang na impormasyon para sa mga mamumuhunan ng BNB.


Ano ang mga nangungunang BEP-20 token?

Sa page na Tracker ng Token, masusubaybayan mo ang mga nangungunang BEP-20 token ayon sa cap ng merkado o pang-araw-araw na dami ng pag-trade. Bibigyan ka nito ng ideya kung aling mga token ang may pinakamalaking cumulative na value sa BSC blockchain kasama na ang mga pag-trade na may pinakamatataas na dami.

Ang isang bagay na dapat tandaan dito ay ang impormasyon ng token. Maa-update ng may-ari ng token/contract ang impormasyon ng kanilang token sa BscScan para bigyan ka ng higit pang detalye tungkol sa token. Kung hindi na-verify ng team ng BscScan ang contract address ng token, posibleng hindi ito mapagkakatiwalaan.

Makakakita ka ng maraming naka-wrap na token sa page na ito. Ang Binance-Peg ChainLink (LINK) ay isa lang sa halimbawa nito. Ibig sabihin, isa itong ERC-20 LINK na naka-wrap bilang BEP-20 token sa BSC. Saglit lang, naka-wrap na bersyon ng ano? Isa itong tokenized na bersyon ng coin o token na pag-aari ng ibang blockchain.

Sa pamamagitan ng pag-wrap, nagagamit ang mga coin at token na wala sa BSC sa DeFi ecosystem ng Binance. Halimbawa, kung may hawak kang LINK at gusto mong gamitin ang iyong LINK para mag-farm sa BSC, madali lang sa iyo na tumawid gamit ang teknolohiya ng pag-wrap.

Kung gusto mong sumubok ng mga token ng pag-wrap, basahin ang Binance Bridge Project. Tandaan na bagama't relatibong madali ang pag-wrap ng coin, hindi mo ito kailangang gawin palagi. Puwede kang mag-trade na lang ng mga token na naka-wrap na para hindi mo na alalahanin ang proseso ng pag-wrap.


Ano ang mga nangungunang ERC-721 token?

Puwede mo ring gamitin ang Tracker ng Token para hanapin ang mga nangungunang ERC-721 token na ginamit sa Binance Smart Chain. Pero teka lang, baka nagtataka ka kung bakit namin tinatawag na mga ERC-721 token ang mga iyon at hindi BEP-721? Well, magkapareho ang dalawang pamantayan sa token na ito. Ang Binance Smart Chain ay fork ng Ethereum na may ilang karagdagang pagbabago, ibig sabihin, magkakapareho ang maraming pamantayan sa token. Gayunpaman, hindi nangangahulugang makikita mo ang parehong mga token sa dalawang chain. Ang BSC ay may sariling hanay ng mga ERC-721 (BEP-721) token.

Bilang default, sino-sort ang listahan ayon sa bilang ng mga paglilipat sa nakalipas na 24 na oras.


Compatible ba ang BscScan sa mga NFT?

Gaya ng anumang iba pang digital asset na available sa BSC, madali kang makakapaghanap ng mga indibidwal na NFT at mga smart contract ng mga ito. Ang BEP-721 at BEP-1155 token ang mga pinakakaraniwang pamantayan ng BSC para sa mga NFT, kaya tumingin tayo ng isang maikling halimbawa. Narito ang isang PancakeSwap Pancake Squad NFT:


Kung kokopyahin natin ang contract address nito (0x0a8901b0E25DEb55A87524f0cC164E9644020EBA) sa search bar ng BscScan, makakakita tayo ng maraming impormasyon tungkol sa series:

Para magbanggit ng ilan, puwede tayong tumingin sa anumang paglilipat ng mga NFT sa series na ito, aling mga wallet address ang humawak sa mga ito, at ilang wallet ang may mga ganito. Gayunpaman, hindi mo makikita ang litrato, kanta, file, o asset na naka-attach sa NFT. Hindi ito sino-store sa blockchain. Kadalasang ituturo ng metadata ng NFT ang isang website o file hosting service ng third-party kung saan mo masisiyasat at artwork o naka-attach na file.


Paano ako maghahanap ng mga validator sa Binance Smart Chain?

Sa simpleng paliwanag, ang mga validator ay ang tumitiyak na patuloy na gagana ang BSC. Sa pamamagitan ng pag-stake ng BNB, nagpoproseso sila ng mga transaksyon at nagkukumpirma ng mga bagong block. Bilang kapalit ng kanilang serbisyo, kumikita sila ng bayarin sa transaksyon na nagmumula sa aktibidad sa network.

Nakabatay ang Binance Smart Chain sa isang mekanismo ng consensus na tinatawag na Proof of Staked Authority (PoSA). Ang modelong ito ng consensus ay makakasuporta ng maikling tagal ng block at mababang bayarin. Matitingnan mo ang mga nangungunang validator sa Binance Smart Chain sa Leaderboard ng Mga Validator sa ilalim ng tab na [Mga Validator].


Sino ang puwedeng maging validator? Well, kahit sino naman, pero medyo mataas ang mga kinakailangan. Siyempre, dahil seguridad ng network ang nakasalalay. Kung gusto mong magbasa nang higit pa tungkol sa kung paano maging isang validator sa Binance Smart Chain, basahin ang gabay na Mga Dokumento ng Binance Chain.


Paano mag-verify ng mga smart contract sa BscScan?

Puwedeng maglagay ang mga user ng BscScan ng anumang contract address para i-verify ito at malaman kung ang naka-compile na code ay kapareho ng gumagana sa blockchain na ito. Madali lang itong makita - makakakita ka ng berdeng tick sa tabi ng kontrata sa toolbar at abisong [Na-verify ang Source Code ng Kontrata].

Mahalagang feature ang pagbibigay ng kakayahan sa mga user na mag-audit at mag-verify ng code nang sila mismo, dahil nakakatulong ito sa pangkalahatang transparency ng Binance Smart Chain ecosystem. Puwede ka ring makipag-interaksyon nang direkta sa mga smart contract sa pamamagitan ng pagkonekta ng browser wallet gaya ng MetaMaskBinance Chain Wallet.


Mga pangwakas na pananaw

Ikaw man ay beterano na sa DeFi o baguhan pa lang sa pag-farm ng yield sa BSC network, ang pag-alam kung paano gamitin ang BscScan ay makakatulong sa iyo na mas maunawaan ang isang blockchain. Gayunpaman, tandaan na ang mga merkado ay irasyonal, mahirap hulaan, at bulnerable sa mga panahon ng matinding volatility. Mahalaga ang pagsasagawa ng sarili mong pananaliksik para magtagumpay sa pag-trade o yield farming. Posibleng kasama rito ang pagtingin kung sertipikado ba ng team ng BscScan ang isang token, kung open-source ba at na-audit ang kontrata, at ang pagpunta sa blog o mga social media account ng proyekto para malaman ang higit pa. Tiyaking nauunawaan mo ang mga panganib ng pagsali sa DeFi bago ka pumasok.