პირადი გასაღები

კრიპტოვალუტის კონტექსტში, პირადი გასაღები წარმოადგენს ნომერს, რომელიც მომხმარებლებს ტრანზაქციებზე ხელმოწერისა და მიღების მისამართების გენერირების საშუალებას აძლევს.
მომხმარებლების თანხების დასაცავად, კრიპტოვალუტებში გამოიყენება  საჯარო გასაღების კრიპტოგრაფია. მათი სახელიც სწორედ აქედან გამომდინარეობს.
საჯარო გასაღების კრიპტოგრაფია გულისხმობს მომხმარებლების მიერ ძალიან დიდი ნომრის (პირადი გასაღები) გენერირებას, რომლის გამოცნობაც ფაქტობრივად შეუძლებელია. როგორც წესი, ეს ნომერი წარმოდგენილია ასოებისა და ციფრების გრძელი სტრიქონის სახით. ქვემოთ მოცემულია Bitcoin-ის გასაღების მაგალითი:

L2hjTJNhjpUTdAVMArh3UqmnTXEVx6J6Faui8cUXCPpyQMUEkJ54

 საჯარო გასაღების  შექმნისთვის, მომხმარებელი ასრულებს გარკვეულ ოპერაციას პირადი გასაღების გამოყენებით. ამის შემდეგ საჭიროა კიდევ ერთი ოპერაცია, რომელიც გულისხმობს საჯარო გასაღების გამოყენებით საჯარო მისამართის გენერირებას. ამ მისამართს მომხმარებლებს უგზავნით, როდესაც გსურთ მისგან თანხის მიღება. 

მნიშვნელოვანია ისიც, რომ პირადი გასაღები ასევე უფლებას გაძლევთ განახორციელოთ მონაცემებზე ელექტრონულად ხელმოწერა, როგორიცაა შეტყობინება შემდეგი ტექსტით მე ვაგზავნი X თანხას Y მისამართზე. საბოლოოდ, ტრანზაქცია სწორედ ამას წარმოადგენს – ხელმოწერილ განცხადებას blockchain-ზე, რომელიც მონეტებს ახალ მისამართზე უშვებს.

თუ შეტყობინებას (ე.ი., ტრანზაქციას) ხელს თქვენი პირადი გასაღების გამოყენებით მოაწერთ, სხვებს შეუძლიათ შესაბამისი საჯარო გასაღების გამოყენება მისი ავთენტურობის დასამტკიცებლად. ისინი თქვენს საჯარო გასაღებს იყენებენ იმის გადასამოწმებლად, ნამდვილად თქვენ მოაწერეთ თუ არა ხელი შეტყობინებას და იმის უზრუნველსაყოფად, რომ მასში არ არის შეტანილი რაიმე ცვლილება ხელმოწერის შემდეგ. 

გაითვალისწინეთ, რომ აუცილებელია (და სრულიად უსაფრთხოა) თქვენი საჯარო გასაღების სხვებისთვის გაზიარება. თუმცა არასოდეს გააზიაროთ თქვენი პირადი გასაღები. თუ ეს გასაღები სხვის ხელში მოხვდება, ის შეძლებს თქვენი თანხების დახარჯვას ტრანზაქციებზე თქვენს ნაცვლად ხელმოწერის მეშვეობით. 

ამჟამად, მომხმარებლები იშვიათად ხედავენ პირად გასაღებებს, როგორც ეს Bitcoin-ის ზემოაღნიშნულ მაგალითშია. დღეისათვის, კრიპტოვალუტის საფულეების უმეტესობას აქვს seed ფრაზების მხარდაჭერა, რომლებიც ადამიანების მიერ ადვილად დასამახსოვრებელ ფრაზებს წარმოადგენს და მათი საშუალებით შესაძლებელია ფაქტიურად შეუზღუდავი რაოდენობის პირადი გასაღებების შექმნა.
თქვენი პირადი გასაღების საიდუმლოდ შენახვა უმნიშვნელოვანესია. არსებობს სხვადასხვა გზა, რითაც თქვენ მას გარეშე თვალისგან დაიცავთ, თუმცა უმეტესობა თვლის, რომ აპარატურული საფულეები ყველაზე უსაფრთხო არჩევანია. რაც შეეხება ყოველდღიურ გამოყენებას, პროგრამული საფულეები შესაძლოა ყველაზე მოსახერხებელ ალტერნატივას წარმოადგენდეს. 
თქვენი აქტივების დაცვის ინსტრუმენტების შესახებ ინფორმაციის მისაღებად, გაეცანით სტატიას კრიპტო საფულეების ტიპების განმარტება.
პოსტების გაზიარება
შესაბამისი ტერმინები
ბლოკჩეინი

დეცენტრალიზებული ციფრული ლეჯერი, რომელშიც ქრონოლოგიური თანმიმდევრობითაა ჩაწერილი კრიპტოვალუტის ტრანზაქციები...

კრიპტოვალუტა

კრიპტოგრაფიის მეშვეობით დაცული ციფრული ვალუტა, რომელიც გამოიყენება როგორც გაცვლის საშუალება peer-to-peer (P...

კრიპტოგრაფია

მათემატიკური თეორიებისა და გამოთვლების გამოყენების მეცნიერება ინფორმაციის დაშიფვრისა და გაშიფვრის მიზნით.

დაარეგისტრირეთ ანგარიში
თქვენი ცოდნის პრაქტიკაში გამოსაყენებლად გახსენით Binance-ის ანგარიში დღესვე.