პასუხისმგებლობაზე უარის განაცხადი: წინამდებარე სტატია განკუთვნილია მხოლოდ საგანმანათლებლო მიზნებისთვის. Binance-ის მეშვეობით მოწოდებული ინფორმაცია არ წარმოადგენს ინვესტიციებთან ან ვაჭრობასთან დაკავშირებულ რჩევას ან რეკომენდაციას. Binance არ იღებს პასუხისმგებლობას თქვენ მიერ მიღებულ საინვესტიციო გადაწყვეტილებებზე. რაიმე ფინანსური რისკის გაწევამდე, რჩევისთვის მიმართეთ პროფესიონალს. ამ სტატიაში მოხსენებული პროდუქტები შესაძლოა არ იყოს ხელმისაწვდომი თქვენს რეგიონში. Binance Alpha არის საგანმანათლებლო ინიციატივა და არ წარმოადგენს Binance-ის სავაჭრო ბირჟაზე ლისტინგის მხარდაჭერას ან გარანტიას. ტოკენების შერჩევა ხდება სხვადასხვა ფაქტორის გათვალისწინებით, როგორიცაა საზოგადოების ინტერესი, პოპულარობა და ბაზრის ტენდენციები.
მთავარი დეტალები
Binance Alpha არის Binance Wallet-ის პლატფორმა, სადაც წარმოდგენილია ახალი და შემუშავების ადრეულ ეტაპზე მყოფი კრიპტო პროექტები, რომლებსაც აქვს განვითარების პოტენციალი.
მიუხედავად იმისა, რომ ამის გარანტია არ არსებობს, Binance Alpha-ზე წარმოდგენილი ზოგიერთი ტოკენი მოგვიანებით შეიძლება განხილულ იქნეს Binance-ის სავაჭრო ბირჟაზე ლისტინგისთვის.
Quick Buy (სწრაფი ყიდვის) ფუნქცია ამარტივებს ტოკენების შეძენის პროცესს ტოკენის ავტომატურად არჩევით, ფასის ცურვის რეგულირებით და MEV-ისგან დაცვის ინსტრუმენტებით.
რა არის Binance Alpha?
Binance Alpha არის Binance Wallet-ის პლატფორმა, სადაც წარმოდგენილია შემუშავების ადრეულ ეტაპზე მყოფი კრიპტო პროექტები, რომლებსაც აქვს Web3 სივრცეში განვითარების პოტენციალი. ძირითადად, ეს მოქმედებს როგორც ლისტინგის წინ ტოკენების არჩევის პული.
ტოკენები, რომლებიც წარმოდგენილია Binance Alpha-ზე, შერჩეულია Binance-ის ინდუსტრიის ექსპერტების ცოდნისა და გამოცდილების საფუძველზე. როგორც წესი, ეს პროექტები აჩვენებს, თუ რამდენად დიდია საზოგადოების ინტერესი, როგორ იზრდება პოპულარობა და რამდენად შესაბამისობაშია ეს ყველაფერი ბაზრის ძირითად ტენდენციებთან.
მიუხედავად იმისა, რომ გარანტია არ არსებობს, Binance Alpha-ზე წარმოდგენილი ზოგიერთი ტოკენი მოგვიანებით შეიძლება განხილულ იქნეს Binance-ის სავაჭრო ბირჟაზე განსათავსებლად, რაც მომხმარებლებს ადრეულ წვდომას აძლევს ბლოკჩეინის და Web3 პროექტებზე.
ძირითადი ფუნქციები
ინოვაციურობა: Binance Alpha მომხმარებლებს საშუალებას აძლევს აღმოაჩინონ ახალი ტოკენები Web3 სივრცეში.
Quick Buy ფუნქცია: მომხმარებლებს მარტივად შეუძლიათ შეიძინონ ტოკენები Binance Wallet-ის Quick Buy (სწრაფი ყიდვის) ფუნქციის მეშვეობით.
ექსპერტების მიერ შერჩეული ტოკენები: Binance Alpha-ზე წარმოდგენილი ტოკენები ხელით არის შერჩეული Binance-ის ინდუსტრიის ექსპერტების გამოცდილებაზე დაყრდნობით, რაშიც შედის ბაზრის ტენდენციები და საზოგადოების ინტერესები.
როგორ მუშაობს Binance Alpha
Binance Alpha-ზე წარმოდგენილია საზოგადოების მიერ მართული პროექტები, რაც მომხმარებლებს აძლევს ზრდის პოტენციალის მქონე ტოკენებზე ადრეული წვდომის შესაძლებლობას. მონაწილეობის მისაღებად, თავდაპირველად საჭიროა დააყენოთ Binance Wallet, შექმნათ მისი სარეზერვო ასლი და დარწმუნდეთ, რომ Binance-ის აპლიკაცია განახლებულია უახლეს ვერსიამდე. ასე შეძლებთ საუკეთესო გამოცდილების მიღებას. ტოკენების შესაძენად, საფულეში უნდა გქონდეთ მთავარი ბლოკჩეინის საკმარისი აქტივები, როგორიცაა BNB, SOL ან ETH.
შერჩეული ტოკენების გაშვებამდე Binance Alpha-ს გვერდზე გამოჩნდება წამზომი. ამავე დროს, Binance Wallet-ის ოფიციალური X ანგარიშზე გამოქვეყნდება შეხსენების განცხადება. დროის ამოწურვის შემდეგ ტოკენები გახდება ხელმისაწვდომი Binance Alpha-ზე და მომხმარებლები მარტივად შეძლებენ მათ შეძენას Quick Buy ფუნქციის საშუალებით.
Binance Wallet-ზე წვდომის მისაღებად, ზოგიერთ მომხმარებელს შეიძლება მოუწიოს Binance-ის აპლიკაციაში სხვა სერვისების ჩანართზე გადასვლა, თუ ის უკვე არ არის მალსახმობების მენიუში.
პუნქტის სხვა სერვისები არჩევის შემდეგ გამოჩნდება Binance Wallet-ის ხატულა.
Binance Wallet-ზე ავტორიზაციის შემდეგ შეძლებთ გახსნათ Binance Alpha, რისთვისაც უნდა გადახვიდეთ ბაზრების ჩანართზე.
აქ ნახავთ შემუშავების ადრეულ ეტაპზე მყოფი შერჩეული კრიპტო პროექტების სიას, რომლებიც წარმოდგენილია შეზღუდული დროით, როგორც წესი, 24 საათის განმავლობაში.
როგორ განვახორციელოთ შერჩეული ტოკენების სვოპი Binance Wallet-ით
როგორც ზემოთ აღვნიშნეთ, უნდა გაიაროთ ავტორიზაცია Binance Wallet-ზე ან შექმნათ ის, თუ ჯერ არ გაქვთ. ასევე მნიშვნელოვანია, რომ გქონდეთ თქვენი საფულის სარეზერვო ასლი, განსაკუთრებით იმ შემთხვევაში, თუ გსურთ გამოიყენოთ Quick Buy ფუნქცია (მეტი ინფორმაცია ქვემოთ).
საფულის სარეზერვო ასლის შესაქმნელად, შედით პარამეტრებში და აირჩიეთ საფულის მართვა.
აირჩიეთ საფულე, რომლის სარეზერვო ასლის შექმნაც გსურთ. ქვემოთ მოცემულ მაგალითში, ხელმისაწვდომია მხოლოდ ერთი საფულე: Wallet1.
საფულის არჩევის შემდეგ აირჩიეთ სარეზერვო ასლის მართვა და შემდეგ აირჩიეთ თქვენთვის სასურველი მეთოდი.
ასევე შეგიძლიათ შეამოწმოთ თქვენი საფულის სარეზერვო ასლი აღდგენის პაროლის გამოყენებით.
თვალი ადევნეთ წამზომის ბანერს, რომელიც, როგორც წესი, ტოკენის გაშვებამდე რამდენიმე საათით ადრე ჩნდება მთავარ გვერდზე და Binance Alpha-ს განყოფილებაში, ჩანართში „ბაზრები“.
რა არის Quick Buy?
Quick Buy არის Binance Alpha-ს ფუნქცია, რომლის დანიშნულებაა ტოკენების შეძენის პროცესის დაჩქარება და გამარტივება. ის დაფუძნებულია Binance Wallet-ის სვოპის ფუნქციონალზე და გთავაზობთ ტოკენების მარტივად და პირდაპირ შეძენის გზას.
აი როგორ ამარტივებს ის პროცესს:
ტოკენის ავტომატურად არჩევა: Quick Buy ირჩევს ადგილობრივი ბლოკჩეინის ტოკენს და გთავაზობთ განსაზღვრულ სავაჭრო თანხას თქვენი საფულის ბალანსის მიხედვით. ამრიგად დაზოგავთ დროს და ენერგიას.
ფასის ცურვის რეგულირება: ეს ავტომატურად აყენებს ფასის ცურვის პარამეტრებს ტრანზაქციების ხელახლა შესრულების დროს, რაც აუმჯობესებს ეფექტურობის მაჩვენებლებს. თუმცა ამან შეიძლება გამოიწვიოს შეკვეთის ნაკლებად ხელსაყრელ ფასად აღსრულება.
MEV-ისგან დაცვის მექანიზმი: ეს ფუნქცია მოიცავს ფასების მანიპულაციისგან დაცვის მექანიზმებს (MEV), განსაკუთრებით დიდი ტრანზაქციების განხორციელების დროს.
ამ გაუმჯობესებების წყალობით. Quick Buy უფრო ეფექტური ვარიანტია სხვა დეცენტრალიზებულ ბირჟებთან (DEX-ები) ან სავაჭრო ბოტებთან შედარებით.
Binance Alpha-ზე ტოკენები ჩვეულებრივ 24 საათის განმავლობაში არის წარმოდგენილი, რაც საკმარისი დროა პროექტის შესახებ ინფორმაციის მისაღებად და შესყიდვების განსახორციელებლად. ამ დროის გასვლის შემდეგ, ტოკენები რჩება ჩანართის „ბაზრები“ განყოფილებაში, სახელწოდებით „Alpha“, სადაც შეგიძლიათ გააგრძელოთ მათზე დაკვირვება და ვაჭრობა.
თუ გადაწყვეტთ, რომ ტოკენის შეძენა მისი განთავსებისთანავე დაიწყოთ, შეეხეთ „Quick Buy“ ღილაკს განყოფილებაში „Binance Alpha“.
თუ თქვენს საფულეში მთავარი ბლოკჩეინის ადგილობრივი ტოკენის არასაკმარისი რაოდენობაა (მაგ., BNB, ETH, SOL), შეგიძლიათ დაამატოთ თანხა თანხის დამატება ფუნქციის გამოყენებით.
ეს შეგიძლიათ გააკეთოთ გარე საფულიდან გადარიცხვის ან თქვენს ბალანსზე არსებული ტოკენების სვოპის მეშვეობით.
შეჯამება
Binance Alpha-ს საშუალებით თქვენ შეგიძლიათ შეისწავლოთ და ჩაერთოთ შემუშავების ადრეულ ეტაპზე მყოფ კრიპტო პროექტებში, რომლებსაც აქვს ზრდის პოტენციალი. იქიდან გამომდინარე, რომ ეს წარმოადგენს წინასწარ განთავსებული ტოკენების არჩევის პულს, თქვენ ასევე შეძლებთ ტოკენების შერჩევასთან დაკავშირებით რჩევების მიღებას. მარტივად გამოსაყენებელი Quick Buy ფუნქცია საშუალებას გაძლევთ ეფექტურად და უპრობლემოდ შეიძინოთ ტოკენები. როგორც დამატებითი პლატფორმა Binance Wallet-ში, Binance Alpha-ს საგულდაგულოდ შერჩეული მიდგომა დაგეხმარებათ იყო ინფორმირებული და ჩართული მზარდ Web3 სივრცეში.
დამატებითი საკითხავი
პასუხისმგებლობაზე უარის განაცხადი: ეს კონტენტი თქვენთვის წარმოდგენილია „არსებული სახით“ და განკუთვნილია მხოლოდ საინფორმაციო და საგანმანათლებლო მიზნებისთვის, რაიმე სახის რეპრეზენტაციისა თუ გარანტიის გარეშე. იგი არ უნდა იქნეს აღქმული, როგორც ფინანსური, იურიდიული ან პროფესიული რჩევა და არ არის განკუთვნილი იმისთვის, რომ რეკომენდაცია გაუწიოს რაიმე სახის კონკრეტული პროდუქტის ან სერვისის შეძენას. რჩევის მისაღებად უნდა მიმართოთ შესაბამის პროფესიონალ მრჩეველს. რადგან წინამდებარე სტატია მოწოდებულია მესამე მხარის მიერ, გაითვალისწინეთ, რომ მასში წარმოდგენილი შეხედულებები ეკუთვნის მესამე მხარეს და არ წარმოადგენს Binance Academy-ს შეხედულებებს. დამატებითი ინფორმაციის მისაღებად, სრულად გაეცანით აქ წარმოდგენილ პასუხისმგებლობაზე უარის განაცხადს. ციფრული აქტივების ფასები შეიძლება იყოს არასტაბილური. თქვენი ინვესტიციის ღირებულებამ შეიძლება დაიკლოს ან მოიმატოს და შესაძლოა ვერ შეძლოთ ინვესტირებული თანხის დაბრუნება. თქვენ ერთპიროვნულად ხართ პასუხისმგებელი თქვენს საინვესტიციო გადაწყვეტილებებზე და Binance Academy არ არის პასუხისმგებელი თქვენ მიერ განცდილ არანაირ ზარალზე. აქ მოცემული ინფორმაცია არ უნდა იქნეს აღქმული, როგორც რაიმე სახის ფინანსური, იურიდიული, ან პროფესიული რჩევა. დამატებითი ინფორმაციის მისაღებად, გაეცანით ჩვენს გამოყენების პირობებს და რისკის შესახებ გაფრთხილებას.