პასუხისმგებლობაზე უარის განაცხადი: წინამდებარე სტატია განკუთვნილია მხოლოდ საგანმანათლებლო მიზნებისთვის. Binance-ის მეშვეობით მოწოდებული ინფორმაცია არ წარმოადგენს ინვესტიციებთან ან ვაჭრობასთან დაკავშირებულ რჩევას ან რეკომენდაციას. Binance არ იღებს პასუხისმგებლობას თქვენ მიერ მიღებულ საინვესტიციო გადაწყვეტილებებზე. რაიმე ფინანსური რისკის გაწევამდე, რჩევისთვის მიმართეთ პროფესიონალს. ამ სტატიაში მოხსენებული პროდუქტები შესაძლოა არ იყოს ხელმისაწვდომი თქვენს რეგიონში. Binance Alpha არის საგანმანათლებლო ინიციატივა და არ წარმოადგენს Binance-ის სავაჭრო ბირჟაზე ლისტინგის მხარდაჭერას ან გარანტიას. ტოკენების შერჩევა ხდება სხვადასხვა ფაქტორის გათვალისწინებით, როგორიცაა საზოგადოების ინტერესი, პოპულარობა და ბაზრის ტენდენციები.
მთავარი დეტალები
Binance Alpha არის Binance Wallet-ის პლატფორმა, სადაც წარმოდგენილია ახალი და შემუშავების ადრეულ ეტაპზე მყოფი კრიპტო პროექტები, რომლებსაც აქვს განვითარების პოტენციალი.
მიუხედავად იმისა, რომ ამის გარანტია არ არსებობს, Binance Alpha-ზე წარმოდგენილი ზოგიერთი ტოკენი მოგვიანებით შეიძლება განხილულ იქნეს Binance-ის სავაჭრო ბირჟაზე ლისტინგისთვის.
Quick Buy ფუნქცია ამარტივებს ტოკენების შეძენის პროცესს ტოკენის ავტომატურად არჩევით, ფასის ცურვის რეგულირებით და MEV-ისგან დაცვის ინსტრუმენტებით.
Binance Alpha-ს Earn Hub გვთავაზობს PancakeSwap V3-ზე ლიკვიდურობის მიწოდებას პირდაპირ თქვენი Binance Wallet-ის ინტერფეისიდან.
რა არის Binance Alpha?
Binance Alpha არის Binance Wallet-ის პლატფორმა, სადაც წარმოდგენილია შემუშავების ადრეულ ეტაპზე მყოფი კრიპტო პროექტები, რომლებსაც აქვს Web3 სივრცეში განვითარების პოტენციალი. ძირითადად, ეს მოქმედებს როგორც ლისტინგის წინ ტოკენების არჩევის პული.
ტოკენები, რომლებიც წარმოდგენილია Binance Alpha-ზე, შერჩეულია Binance-ის ინდუსტრიის ექსპერტების ცოდნისა და გამოცდილების საფუძველზე. როგორც წესი, ეს პროექტები აჩვენებს, თუ რამდენად დიდია საზოგადოების ინტერესი, როგორ იზრდება პოპულარობა და რამდენად შესაბამისობაშია ეს ყველაფერი ბაზრის ძირითად ტენდენციებთან.
მიუხედავად იმისა, რომ გარანტია არ არსებობს, Binance Alpha-ზე წარმოდგენილი ზოგიერთი ტოკენი მოგვიანებით შეიძლება განხილულ იქნეს Binance-ის სავაჭრო ბირჟაზე განსათავსებლად, რაც მომხმარებლებს ადრეულ წვდომას აძლევს ბლოკჩეინის და Web3 პროექტებზე.
ძირითადი ფუნქციები
ინოვაციურობა: Binance Alpha მომხმარებლებს საშუალებას აძლევს აღმოაჩინონ ახალი ტოკენები Web3 სივრცეში.
Quick Buy ფუნქცია: მომხმარებლებს მარტივად შეუძლიათ შეიძინონ ტოკენები Binance Wallet-ის Quick Buy (სწრაფი ყიდვის) ფუნქციის მეშვეობით.
ექსპერტების მიერ შერჩეული ტოკენები: Binance Alpha-ზე წარმოდგენილი ტოკენები ხელით არის შერჩეული Binance-ის ინდუსტრიის ექსპერტების გამოცდილებაზე დაყრდნობით, რაშიც შედის ბაზრის ტენდენციები და საზოგადოების ინტერესები.
Alpha Earn Hub: გვთავაზობს PancakeSwap V3-ზე ლიკვიდურობის მიწოდებას პირდაპირ თქვენი Binance Wallet-ის ინტერფეისიდან.
როგორ მუშაობს Binance Alpha
Binance Alpha-ზე წარმოდგენილია საზოგადოების მიერ მართული პროექტები, რაც მომხმარებლებს აძლევს ზრდის პოტენციალის მქონე ტოკენებზე ადრეული წვდომის შესაძლებლობას. მონაწილეობის მისაღებად, თავდაპირველად საჭიროა დააყენოთ Binance Wallet, შექმნათ მისი სარეზერვო ასლი და დარწმუნდეთ, რომ Binance-ის აპლიკაცია განახლებულია უახლეს ვერსიამდე. ასე შეძლებთ საუკეთესო გამოცდილების მიღებას. ტოკენების შესაძენად, საფულეში უნდა გქონდეთ მთავარი ბლოკჩეინის საკმარისი აქტივები, როგორიცაა BNB, SOL ან ETH.
შერჩეული ტოკენების გაშვებამდე Binance Alpha-ს გვერდზე გამოჩნდება წამზომი. ამავე დროს, Binance Wallet-ის ოფიციალური X ანგარიშზე გამოქვეყნდება შეხსენების განცხადება. დროის ამოწურვის შემდეგ ტოკენები გახდება ხელმისაწვდომი Binance Alpha-ზე და მომხმარებლები მარტივად შეძლებენ მათ შეძენას Quick Buy ფუნქციის საშუალებით.
როგორ გამოვიყენოთ Binance Alpha
1. გაიარეთ ავტორიზაცია Binance-ის ანგარისზე და გადადით განყოფილებაში [Wallet] (საფულე), რომელიც მოცემულია ეკრანის ზედა ნაწილში.
2. თქვენს Binance Wallet-ზე ავტორიზაციის შემდეგ, გადადით განყოფილებაში [Alpha] და დაათვალიერეთ სისტემაში წარმოდგენილი ღონისძიებები ან გახსენით ჩანართი [Alpha] და იხილეთ ტოკენების სია.
რა არის Quick Buy?
Quick Buy გთავაზობთ ტოკენების სწრაფად და მარტივად შეძენის შესაძლებლობას. ის ინტეგრირებულია Binance Wallet-ში არსებულ სვოპის ფუნქციაში, ირჩევს ადგილობრივი ბლოკჩეინის ტოკენს და გვთავაზობს ვაჭრობის მოცულობას თქვენი საფულის ბალანსის გათვალისწინებით, რაც გვეხმარება დროის და ძალისხმევის დაზოგვაში.
Quick Buy ასევე გთავაზობთ ფასის ცურვის კორექტირების ფუნქციას, რომელიც ავტომატურად აყენებს ფასის ცურვის პარამეტრებს ტრანზაქციების ხელახლა შესრულების დროს, რაც აუმჯობესებს წარმატების ალბათობას. თუმცა ამან შეიძლება გამოიწვიოს შეკვეთის ნაკლებად ხელსაყრელ ფასად აღსრულება.
Binance Alpha-ს კიდევ ერთ მნიშვნელოვან ფუნქციას წარმოადგენს MEV-ისგან დაცვის მექანიზმი, რაც უზრუნველყოფს ფასზე მანიპულაციისგან დაცვას (MEV), განსაკუთრებით მსხვილი ტრანზაქციების განხორციელებისას.
ამ გაუმჯობესებების წყალობით. Quick Buy უფრო ეფექტური ვარიანტია სხვა დეცენტრალიზებულ ბირჟებთან (DEX-ები) ან სავაჭრო ბოტებთან შედარებით.
Binance Alpha-ზე ტოკენები ჩვეულებრივ 24 საათის განმავლობაში არის წარმოდგენილი, რაც საკმარისი დროა პროექტის შესახებ ინფორმაციის მისაღებად და შესყიდვების განსახორციელებლად. ამ დროის გასვლის შემდეგ, ტოკენები რჩება ჩანართის „ბაზრები“ განყოფილებაში, სახელწოდებით „Alpha“, სადაც შეგიძლიათ გააგრძელოთ მათზე დაკვირვება და ვაჭრობა.
თუ გადაწყვეტთ, რომ ტოკენის შეძენა მისი განთავსებისთანავე დაიწყოთ, შეგიძლიათ გამოიყენოთ Quick Buy, რაც ტოკენის სწრაფად და მარტივად ყიდვის საშუალებას მოგცემთ.
Binance Alpha-ს Earn Hub
Binance Alpha-ს Earn Hub-ის მეშვეობით, თქვენ შეგიძლიათ PancakeSwap V3-ზე პულებისთვის ლიკვიდურობის შეთავაზება პირდაპირ თქვენი Binance Wallet-ის ინტერფეისიდან. თუ არ იცით, თუ რას წარმოადგენს ლიკვიდურობის პულები, გაეცანით სტატიას რა არის ლიკვიდურობის პულები DeFi-ში?.
Alpha Earn Hub-ზე წვდომისთვის, გადადით განყოფილებაში [Alpha-ს ღონისძიებები] და აირჩიეთ [Earn]
ჩამოდით ქვემოთ და დაათვალიერეთ ხელმისაწვდომი ლიკვიდურობის პულები, აირჩიეთ თქვენთვის საინტერესო და შეეხეთ მას, რათა გაეცნოთ მის შესახებ დეტალურ ინფორმაციას ან დაამატოთ ლიკვიდურობა.
დეტალური ინფორმაციისთვის იხილეთ ხშირად დასმული კითხვები.
Binance Alpha 2.0
Binance Alpha 2.0, რომელიც გაეშვა 2025 წლის მარტში, წარმოადგენს Binance Alpha-ს განხლებულ ვერსიას, რომელიც იძლევა დეცენტრალიზებული ბირჟის (DEX-ის) პირდაპირ Binance Exchange პლატფორმაში ინტეგრირების შესაძლებლობას. მისი წყალობით აღარ არის საჭირო ცალკე Web3 საფულის გამოყენება, რაც ცენტრალიზებული ბირჟის (CEX-ის) მომხმარებლებს უმარტივებს DEX ტოკენებით ვაჭრობას.
განსხვავება Binance Alpha-სა და Binance Alpha 2.0-ს შორის
Binance Alpha-სა და Binance Alpha 2.0-ს შორის ძირითადი განსხვავება პლატფორმაში ინტეგრაციის მეთოდში მდგომარეობს. Binance Alpha მუშაობს Binance Wallet-ის მეშვეობით, ხოლო Binance Alpha 2.0 უშუალოდ Binance Exchange პლატფორმაშია ჩაშენებული.
Binance Alpha 2.0-ს წყალობით, Binance-ის მომხმარებლებს შეუძლიათ ივაჭრონ Binance Alpha ტოკენებით საკუთარი სპოტ და ფინანსების ანგარიშების გამოყენებით, გარე საფულის საჭიროების გარეშე.
გაითვალისწინეთ, რომ ეს ტოკენები ორივე პლატფორმაზე ერთი და იგივეა. განსხვავება მხოლოდ მომხმარებლების მიერ მათზე წვდომის და ვაჭრობის მეთოდებშია.
რატომ ვერ შესრულდა ჩემი შეკვეთა Binance Alpha 2.0-ზე?
Binance Alpha 2.0-ზე შეკვეთების აღსრულება ხდება on-chain ბაზრების მეშვეობით, სადაც ფასები ჩვეულებრივ უფრო მერყევია, ვიდრე Binance Exchange-ზე. თუ ფასი თქვენი შეკვეთის დამუშავების დასრულებამდე შეიცვალა, დიდი ალბათობით თქვენი შეკვეთა ვერ აღსრულდება.
გარდა ამისა, თუ სისტემა აღმოაჩენს, რომ შეკვეთის აღსრულებამდე მინიმალური მიღებული თანხის ოდენობა სავაჭრო ინტერფეისზე მითითებულ ლიმიტზე ნაკლებია, ტრანზაქცია ავტომატურად გაუქმდება.
შეჯამება
Binance Alpha-ს საშუალებით თქვენ შეგიძლიათ შეისწავლოთ და ჩაერთოთ შემუშავების ადრეულ ეტაპზე მყოფ კრიპტო პროექტებში, რომლებსაც აქვს ზრდის პოტენციალი. იქიდან გამომდინარე, რომ ეს წარმოადგენს წინასწარ განთავსებული ტოკენების არჩევის პულს, თქვენ ასევე შეძლებთ ტოკენების შერჩევასთან დაკავშირებით რჩევების მიღებას. მარტივად გამოსაყენებელი Quick Buy ფუნქცია საშუალებას გაძლევთ ეფექტურად და უპრობლემოდ შეიძინოთ ტოკენები. როგორც Binance Wallet-ის დამატებითი პლატფორმა, Binance Alpha-ს კურირებული მიდგომა დაგეხმარებათ იყო ინფორმირებული და ჩართული მზარდ Web3 სივრცეში.
დამატებითი საკითხავი
პასუხისმგებლობაზე უარის განაცხადი: ეს კონტენტი თქვენთვის წარმოდგენილია „არსებული სახით“ და განკუთვნილია მხოლოდ საინფორმაციო და საგანმანათლებლო მიზნებისთვის, რაიმე სახის რეპრეზენტაციისა თუ გარანტიის გარეშე. იგი არ უნდა იქნეს აღქმული, როგორც ფინანსური, იურიდიული ან პროფესიული რჩევა და არ არის განკუთვნილი იმისთვის, რომ რეკომენდაცია გაუწიოს რაიმე სახის კონკრეტული პროდუქტის ან სერვისის შეძენას. რჩევის მისაღებად უნდა მიმართოთ შესაბამის პროფესიონალ მრჩეველს. რადგან წინამდებარე სტატია მოწოდებულია მესამე მხარის მიერ, გაითვალისწინეთ, რომ მასში წარმოდგენილი შეხედულებები ეკუთვნის მესამე მხარეს და არ წარმოადგენს Binance Academy-ს შეხედულებებს. დამატებითი ინფორმაციის მისაღებად, სრულად გაეცანით აქ წარმოდგენილ პასუხისმგებლობაზე უარის განაცხადს. ციფრული აქტივების ფასები შეიძლება იყოს არასტაბილური. თქვენი ინვესტიციის ღირებულებამ შეიძლება დაიკლოს ან მოიმატოს და შესაძლოა ვერ შეძლოთ ინვესტირებული თანხის დაბრუნება. თქვენ ერთპიროვნულად ხართ პასუხისმგებელი თქვენს საინვესტიციო გადაწყვეტილებებზე და Binance Academy არ არის პასუხისმგებელი თქვენ მიერ განცდილ არანაირ ზარალზე. აქ მოცემული ინფორმაცია არ უნდა იქნეს აღქმული, როგორც რაიმე სახის ფინანსური, იურიდიული, ან პროფესიული რჩევა. დამატებითი ინფორმაციის მისაღებად, გაეცანით ჩვენს გამოყენების პირობებს და რისკის შესახებ გაფრთხილებას.