მთავარი
ლექსიკონი
BEP-721

BEP-721

BEP-721 არის BNB Smart Chain-ის (BSC) ტოკენის სტანდარტი, რომელიც არაჩანაცვლებადი ტოკენების (NFT-ების) შექმნის საშუალებას იძლევა. ის წარმოადგენს Ethereum-ის ERC-721-ის, ერთ-ერთი ყველაზე პოპულარული NFT სტანდარტის დამატებას და თავსებადია Ethereum-ის ვირტუალურ კომპიუტერთან (EVM). თითოეული NFT უნიკალურია და შეუძლებელია მისი ჩანაცვლება სხვა ტოკენით.
BEP-721 ტოკენები თქვენი მონაცემებზე ფლობის უფლების ტოკენიზაციის საშუალებას და ასევე შეგიძლიათ მათზე უნიკალური იდენტიფიკატორის დამატება. ეს ასპექტი შესაძლებლობას გაძლევთ თქვენი ტოკენი გახადოთ უნიკალური და სხვა BEP-20 ტოკენებისგან განსხვავებული. BEP-20-ის მეშვეობით, დეველოპერებს შეუძლიათ ერთ სმარტ კონტრაქტში შექმნან რამდენიმე იდენტური ტოკენი. თუმცა BEP-721-ის საშუალებით, თითოეულ ტოკენს მიენიჭება განსხვავებული ტოკენის ID.

ამ უნიკალური იდენტიფიკატორების წყალობით, BEP-721 ტოკენები შეიძლება გამოყენებულ იქნას საკოლექციო, არაჩანაცვლებადი ნივთების რეპრეზენტაციისთვის. მომხმარებლებს შეუძლიათ გადაცვალონ და გადაგზავნონ ეს ტოკენები მათი საბაზრო ღირებულების შესაბამისად, რაც განისაზღვრება ტოკენის იშვიათობის და დანიშნულების გათვალისწინებით.

BEP-721 ტოკენები შეიძლება წარმოადგენდნენ:

  1. ციფრულ ან ფიზიკურ ხელოვნების ნიმუშებს

  2. საკოლექციო ნივთებს

  3. თამაშში გამოსაყენებელ საგნებს 

  4. ფიზიკურ საკუთრებას და უძრავ ქონებას

  5. ლატარიის ბილეთებს

BNB Smart Chain-ზე არსებული სხვა ტოკენების გადაგზავნის პროცესის მსგავსად, BEP-721 ტოკენის შემთხვევაშიც საჭიროა BNB გაზის საკომისიოების გადასახდელად. BEP-721 ტოკენების შექმნისთვის შესაძლებელია BSC ეკოსისტემაში არსებული სხვადასხვა პლატფორმების გამოყენება, როგორებიცაა Binance-ის მიერ შექმნილი Binance NFT Marketplace, BakerySwap და Juggerworld.

BEP-721 ტოკენის ფუნქციები

BEP-721-ს აქვს ფუნქციების სია, რომელიც განსაზღვრავს BNB Smart Chain-ზე ამ ტოკენის მოქმედებას. ზოგიერთი მათგანი სტანდარტული ფუნქციას წარმოადგენს, რომელიც BEP-20 სტანდარტშიც არის წარმოდგენილი:

  • name: განსაზღვრავს BEP-721 ტოკენის სახელს, რომლის საშუალებითაც სხვა კონტრაქტებს მისი იდენტიფიცირება შეუძლიათ

  • Symbol: ტოკენის შემოკლებული სახელი, რომელიც ტიკერის სიმბოლოს ანალოგიურია

  • balanceOf: აჩვენებს ტოკენის ბალანსს კონკრეტულ მისამართზე

  • totalSupply: განსაზღვრავს შექმნილი ტოკენების საერთო რაოდენობას.

ასევე არსებობს კუთვნილების დადასტურებისთვის გამოყენებული საბაზისო ფუნქციები, რომელთა გამოყენება სავალდებულო არ არის. NFT-ების უნიკალურ მახასიათებელს წარმოადგენს მეტამონაცემების ფუნქცია:

tokenMetadata: ეს ფუნქცია იძლევა ტოკენში მეტამონაცემების დამატების საშუალებას, რისი მეშვეობითაც ხდება NFT-ის დაკავშირება შესაბამის ხელოვნების ნიმუშის ან სხვა საკოლექციო ნივთის ფაილთან. 

მაგალითად, თითოეულ CryptoPunk-ს გააჩნია მეტამონაცემები, რომლებიც ჩაწერილია ამ NFT-ში და აღნიშნავს კონკრეტულ პანკს 10,000 პანკისგან შემდგარ გამოსახულებაში. მიუხედავად იმისა, რომ CryptoPunks არ იყენებს BEP-721 ტოკენის სტანდარტს, მას მეტამონაცემების გამოყენების ანალოგიური მეთოდი გააჩნია.
პოსტების გაზიარება
შესაბამისი ტერმინები
BNB

გაშვებული იქნა Binance-ის მიერ მონეტის პირველადი შემოთავაზების შემდეგ, რომელიც დასრულდა 2017 წლის 3 ივლისს....

BEP-20

BEP-20 არის ტოკენის სტანდარტი BNB Smart Chain-ზე, რომელიც წარმოადგენს ERC-20-ის, ყველაზე პოპულარული Ethereu...

დაარეგისტრირეთ ანგარიში
თქვენი ცოდნის პრაქტიკაში გამოსაყენებლად გახსენით Binance-ის ანგარიში დღესვე.