Hashed TimeLock Contract (HTLC)

რა არის Hashed TimeLock Contract?

პრაქტიკაში, HTLC ტრანზაქციის მიმღებმა გადახდა უნდა დაადასტუროს კრიპტოგრაფიული მტკიცებულების წარდგენით განსაზღვრულ ვადაში, რომელიც ბლოკების რაოდენობის მიხედვით განისაზღვრება. თუ მიმღები გადახდას დროულად არ მოითხოვს, თანხა ავტომატურად დაბრუნდება თავდაპირველ გამომგზავნთან.

როგორ მუშაობს HTLC?

HTLC აერთიანებს ორ ცალკეულ ფუნქციას, რომელთა ერთიანობაც გადახდას აქცევს როგორც პირობითს, ასევე დროში შეზღუდულს:

• Hashlock: პირობა, რომელიც ზღუდავს თანხების დახარჯვისა და გამოყენების შესაძლებლობას კონკრეტული მონაცემების გამჟღავნებამდე. ეს მონაცემი, რომელიც ცნობილია როგორც pre-image, გახლავთ შემავალი მონაცემი, რომელიც გამოიყენება hashlock-ის გენერირებისთვის ჰეშირების მეშვეობით. Pre-image-ის გამჟღავნება მოქმედებს როგორც კრიპტოგრაფიული მტკიცებულება, რომელიც აუცილებელია თანხის განბლოკვისთვის.
• Timelock: პირობა, რომელიც ზღუდავს თანხების დახარჯვისა და გამოყენების შესაძლებლობას კონკრეტული დროის ან ბლოკის სიმაღლის მიღწევამდე. Bitcoin-ის შემთხვევაში აღნიშნული შესაძლოა განხორციელდეს ისეთი ოპერაციული კოდების მეშვეობით, როგორიცაა CheckLockTimeVerify ან CheckSequenceVerify.

ამ ორი ფუნქციის ერთობლიობა უზრუნველყოფს, რომ გადახდა მხოლოდ იმ შემთხვევაში განხორციელდეს, თუ მიმღები სწორ pre-image-ს, timelock-ის ამოწურვამდე გაამჟღავნებს. წინააღმდეგ შემთხვევაში, გამგზავნს თანხის უკან დაბრუნება შეუძლია. ეს სტრუქტურა სრულიად აქრობს შუამავლების ნდობის საჭიროებას მრავალეტაპიანი ან მარშრუტიზებული გადახდების ფარგლებში.

HTLC-ის გამოყენების მაგალითები

მაგალითად, დავუშვათ, ალისს სურს, რომ კონკრეტული თანხა გადაუხადოს ქეროლს, თუმცა მათ შორის პირდაპირი საკომუნიკაციო არხი არ არსებობს. HTLC-ის მეშვეობით, ალისს შეუძლია გადახდა საერთო ნაცნობის, ბობის დახმარებით განახორციელოს. Hashlock-ისა და Timelock-ის პირობები სრულად გამორიცხავს ბობის მიერ თანხის მითვისების ან დაკავების რისკს: მას მხოლოდ ის დარჩენია, რომ გადარიცხვა შეთანხმებული წესებით გაატაროს, წინააღმდეგ შემთხვევაში – თანხა კვლავ ალისს დაუბრუნდება.