EigenLayer არის Ethereum-ზე გაშვებული განმეორებითი სტეიკინგის პროტოკოლი, რომელიც გვთავაზობს ETH-ის გამოყენების შესაძლებლობას საბაზისო ქსელის გარეთ არსებული დამატებითი სერვისებისა და მოდულების მხარდასაჭერად.
სტეიკერებს შეუძლიათ მონაწილეობა მიიღონ ორი გზით:
სოლო სტეიკინგი: სტეიკერები მართავენ საკუთარ ნოდებს, აქტიურად ახორციელებენ მოდულების ვალიდაციას და სრულად აკონტროლებენ საკუთარ ინფრასტრუქტურას.
დელეგირება: სტეიკერები ახორციელებენ ტექნიკური სამუშაოს დელეგირებას EigenLayer-ის ოპერატორებზე, რაც უფრო მარტივ არჩევანს სთავაზობს მათ, ვისაც არ სურს ნოდების თავად მართვა.
EigenLayer ახდენს ETH-ის უსაფრთხოების აგრეგაციას და ანაწილებს მას სხვადასხვა მოდულებზე, რაც ნიშნავს, რომ დეცენტრალიზებული აპლიკაციები სარგებლობენ განმეორებითი სტეიკინგის აქტივების გაერთიანებული ეკონომიკით, ნაცვლად იმისა, რომ დაეყრდნონ ვალიდატორების მცირე ჯგუფს. ეს ამცირებს ახალი პროტოკოლების შექმნის ბარიერებს, რადგან ინოვატორებს აღარ სჭირდებათ ნდობის საკუთარი ქსელის ნულიდან გაშვება.
2025 წელს EigenLayer-ის გუნდმა გაუშვა პლატფორმა, სახელწოდებით EigenCloud, რომელიც დეველოპერებს სთავაზობს off-chain აპლიკაციებისა და სერვისების შექმნის შესაძლებლობას. 2026 წლის რებრენდინგის შემდეგ მთელ პროექტს ეწოდა EigenCloud, თუმცა EigenLayer რჩება საბაზისო პროტოკოლად, რომელზეც ხორციელდება განმეორებითი სტეიკინგი, ხოლო EigenCloud წარმოადგენს ზოგადად პლატფორმის სახელწოდებას.
EigenLayer ასევე წარმოადგენს Ethereum-ის ინოვაციების გამოსაცდელ გარემოს. Ethereum-ის ძირითად ქსელში ინტეგრაციამდე, ექსპერიმენტული იდეების რეალიზაცია შეიძლება მოხდეს AVS-ების გაშვებით, რომელთა ვალიდაცია ხორციელდება განმეორებითი სტეიკინგის ETH-ით. ეს ეტაპობრივი მიდგომა ამცირებს რისკს და ეკოსისტემას აძლევს უფრო სწრაფად განვითარების საშუალებას.
პროტო-დანკშარდინგი წარმოადგენს მასშტაბირებადობის პრობლემის დროებით გადაჭრის საშუალებას დანკშარდინგის დანერგ...
დანკშარდინგი გვთავაზობს შარდინგის ახალ მეთოდს და უმნიშვნელოვანეს როლს ასრულებს Ethereum-ის ქსელში მონაცემთა...
EIP-4844, რომელიც ასევე ცნობილია პროტო-დანკშარდინგის სახელით, წარმოადგენს შემოთავაზებულ განახლებას, რომლის ...