امواد
- پروف آف کییز کیا ہے؟
- پروف آف کییز کے دن کے چار اہم نتائج
- پروف آف کییز کی تحریک میں کیسے حصہ لیتے ہیں
- اختتامی خیالات
تعارف
مالیاتی آزادی کو یقینی بنانے کے لیے آپ کی نجی کلیدوں کو محفوظ اور بحفاظت رکھنا ضروری ہے۔ بدقسمتی سے، بہت سے کرپٹو کرنسی کے سرمایہ کاران اپنی رقم کو محض ایکسچینجز کے بھروسے پر چھوڑ دیتے ہیں۔ لیکن یہ عمل محفوظ رہنے سے خاصا دور ہے کیونکہ ایکسچینجز کرپٹو کرنسیز کے ڈپازٹس پر مکمل کنٹرول رکھتے ہیں۔
Bitcoin کے ابتدائی دنوں کے بعد سے، ایکسچینج ہیکس اور اسکیمز کے باعث اربوں ڈوب گئے تھے۔ Mt. Gox ایکسچینج کا 2014 میں ہیک ہونا ایک مشہور اور متنازعہ ترین کیسز میں سے ایک ہے، اور یہ ابھی تک زیرِ تفتیش ہے۔
لیکن اس تمام کا پروف آف کییز کے دن سے کیا سروکار ہے؟
پروف آف کییز کیا ہے؟
جیسا کہ پیچھے گفتگو ہوئی ہے، بہت سے لوگ اپنی کرپٹو کرنسیز کو ایکسچینجز پر اسٹور کردہ چھوڑ دیتے ہیں۔ یہ بنیادی طور پر خطرناک ہے کیونکہ یہ ایکسچینجز ان کے ڈپازٹ ایڈریسز کی نجی کلیدوں پر مکمل کنٹرول رکھتے ہیں۔
اس تناظر میں، پروف آف کییز کا دن سرمایہ کاران کو اپنی کرپٹو کرنسیز کو ایکسچینجز پر بآسانی اسٹور کرنے سے روکنے کا عزم کرتا ہے۔ یہ تصور عموماً ایک مختصر، مگر موثر جملے کے ذریعے پیش کیا جاتا ہے: اگر کلیدیں آپ کی نہیں؛ تو Bitcoin بھی آپ کا نہیں۔
اگر ہم ایک دوسرے طریقے سے بیان کریں، تو پروف آف کییز کا دن مالیاتی خود مختاری کا جشن مناتا ہے۔ کرپٹو کرنسی کے سرمایہ کاران کو ان کے فنڈز ایکسچینجز سے ان کے ذاتی والیٹس میں منتقل کرنے کے حوالے سے حوصلہ افزائی کرنا اس کا ہدف ہے۔ کسی کی ملکیتی نجی کلیدوں پر مکمل کنٹرول حاصل کر کے، وہ یقینی بنا رہے ہیں کہ اور تو کوئی نہیں مگر وہ خود ان کے فنڈز تک رسائی حاصل کر سکتے ہیں۔
پروف آف کییز کے دن کے چار اہم نتائج
پروف آف کییز کے دن کے پس پردہ فلسفہ Bitcoin کے فلسفہ سے مکمل طور پر ہم آہنگ ہے۔ فریق ثالث کے ثالثین کو ٹرسٹ سے مبرا رقم کے ٹرانسفر سسٹم سے تبدیل کرتے ہوئے، افراد اپنی مالی خود مختاری پر سمجھوتہ کیے بغیر - ایک دوسرے کے ساتھ محفوظ اور پُر اعتماد طریقے سے تعاون کر سکتے ہیں۔
لہٰذا، پروف آف کییز کے دن کے کچھ اہم نتائج کیا ہیں؟
نئے سرمایہ کاروں کو پڑھانا کہ کوائنز کی نقل و حرکت کیسے ہوتی ہے
کرپٹو کرنسی کے سرمایہ کاران کو ایک جگہ سے دوسری جگہ پر کرپٹو کرنسیز منتقل کرتے ہوئے پر سکون رہنا چاہیئے۔ اگرچہ ہو سکتا ہے یہ کسی کو بہت سادہ لگے، لیکن نئے آنے والوں کو عموماً والیٹس کی مختلف اقسام اور ان کے استعمال کے طریقے سمجھنا مشکل لگ سکتا ہے۔
سرمایہ کاروں کو یاددہانی کروانا کہ درحقیقت کون ان کی نجی کلیدوں کا مالک ہے
جیسا کہ بیان کیا گیا ہے، پروف آف کییز کا دن شروع کرتے وقت ٹریس مائر کی جانب سے مقرر کردہ بنیادی مشن ہر کرپٹو کرنسی سرمایہ کار کی حوصلہ افزائی کرنا تھا کہ وہ اپنی نجی کلیدوں کے خود مالک بنیں۔ اپنی کرپٹو کرنسیز کو ایکسچینج پر چھوڑ دینے کا مطلب یہ ہے کہ سرمایہ کاران کا اپنے فنڈز پر کنٹرول صفر ہے۔
سال میں صرف ایک بار واقع ہونے کے باوجود، پروف آف کییز کا دن ہر سرمایہ کار کے لیے اپنے فنڈز پر مکمل کنٹرول حاصل کرنے کا موقع ہوتا ہے۔ اگرچہ یہ دن اس بات کی اچھی یاددہانی ہے کہ کس کی ملکیت میں کیا ہے، لیکن اگر سرمایہ کاران اپنی ملکیتوں کی حفاظت کے حوالے سے عمل نہ کریں تو یہ بات بالکل بے معنی ہو جاتی ہے۔
مشتبہ اور بددیانت ایکسچینجز کو بے نقاب کرنا
کرپٹو کرنسی کی اسپیس کے اندر، پروف آف کییز کا دن ایکسچینجز سے اپنے فنڈز نکلوانے کے حوالے سے ہزاروں سرمایہ کاران کی حوصلہ افزائی کر سکتا ہے۔ اگر سرمایہ کاران کی ایک بڑی فیصدی اکثریت اسی دن ہی یہ کرنے کا فیصلہ کرتی ہے، تو یہ بدیہی طور پر ان ایکسچینجز کو بے نقاب کر سکتا ہے جو فریکشنل ریزرو کے طریقوں کی مشق کرتے ہیں یا جو اپنے حقیقی ریزورز کے بارے میں جھوٹ بولتے ہیں۔
خوش قسمتی سے، تاہم، Bitcoin اور دیگر بلاک چین نیٹ ورکس کی شفافیت ایکسچینجز کے لیے یہ چیز آسان تر بناتی ہے کہ وہ اپنی ہولڈنگز کو عوامی سطح پر قابلِ توثیق بنا سکیں۔
Bitcoin کے جینیسز بلاک کا جشن منانا
پروف آف کییز کی تحریک میں کیسے حصہ لیتے ہیں
اس سے کوئی فرق نہیں پڑتا کہ آپ کرپٹو کرنسیز پر نئے ہیں یا تجربہ کار ہیں۔ پروف آف کییز کے دن میں شرکت کرنا بہت آسان ہے۔ جیسا کہ بیان کیا گیا ہے، ایکسچینجز (یا دیگر فریق ثالث کی سروسز) سے تمام فنڈز نکلوا کر مالیاتی خود مختاری کا اعلان کرنا بنیادی مقصد ہے۔
اس کے بعد، ایسا کرپٹو کرنسی والیٹ منتخب کریں جسے استعمال کرتے ہوئے آپ مطمئن ہوں۔ قابلِ استعمال ہونے کی صلاحیت کے علاوہ، اپنا انتخاب کرنے سے پہلے ہر والیٹ کی قسم کی سکیورٹی پر غور کرنا بھی اہم ہے۔ آخری مرحلہ آپ کے فنڈز کو آپ کے ذاتی والیٹ پر منتقل کرنے پر مشتمل ہوتا ہے تاکہ آپ اپنی نجی کلیدوں کے مالک ہوں اور انہیں کنٹرول کر سکیں۔
کچھ لوگ سال میں ایک بار پروف آف کییز کی تحریک میں شرکت کرتے ہیں۔ وہ ایک دن (3 جنوری) کے لیے اپنے فنڈز کو ایکسچینج سے دور منتقل کرتے ہیں تاکہ اپنی مالیاتی خود مختاری کی تصدیق کر سکیں اور اس کا جشن منا سکیں۔
اختتامی خیالات
پروف آف کییز کا دن ایک سادہ مگر اہم تحریک ہے جو کرپٹو کرنسی کے سرمایہ کاران کو یاددہانی کرواتی ہے کہ درحقیقت کون ان کی نجی کلیدوں کا مالک ہے۔ ایکسچینجز سے دور اپنے ذاتی والیٹس پر فنڈز منتقل کرتے ہوئے، ملینز کی تعداد میں کرپٹو کے سرگرم شائقین اس جشن میں حصہ لیتے ہیں۔