კასტოდიალური სერვისი
ფინანსურ წრეებში, კასტოდიალური სერვისი აღნიშნავს აქტივების შენახვას კლიენტის სახელით, ჩვეულებრივ რაიმე ტიპის ორგანიზაციის მიერ. კასტოდიალური სერვისების გამოყენება აქტივების მფლობელებს საშუალებას აძლევს შეამცირონ უსაფრთხოებასთან დაკავშირებული რისკები, მაგალითად მოპარვის ან დაკარგვის ალბათობა.
კასტოდიალური სერვისები ბანკებისგან იმით განსხვავდება, რომ მათ არ შეუძლიათ მათი მეურვეობის ქვეშ არსებული აქტივების გამოყენება. გაწეული შრომის სანაცვლოდ, ეს ორგანიზაციები ჩვეულებრივ იღებენ აქტივების შენახვის საკომისიოს. ეს ასევე შეიძლება მოიცავდეს კლიენტის სახელით ამ აქტივების გაყიდვას.
კრიპტოვალუტის შემთხვევაში, კასტოდიალური სერვისი წარმოადგენს მესამე მხარეს, რომელიც ინახავს მომხმარებლის აქტივებთან წვდომისთვის საჭირო პირად გასაღებებს. ფაქტობრივად, მხოლოდ მათ შეუძლიათ მომხმარებლის
მონეტების გაგზავნა და მიღება. მიუხედავად იმისა, რომ სამართლებრივი თვალსაზრისით მომხმარებელი ფლობს კრიპტოვალუტას, პროტოკოლის დონეზე ეს მფლობელობა არ არის რეგისტრირებული. ფაქტობრივად ყველა
ბირჟა იყენებს კასტოდიალურ მიდგომას, რადგან ეს მათ მომხმარებლებისთვის უკეთესი მომსახურების მიწოდების შესაძლებლობას აძლევს.
როდესაც საქმე ეხება უსაფრთხოებას, კასტოდიალური სერვისები შეიძლება უფრო უსაფრთხო არჩევანი იყოს ახალი მომხმარებლებისთვის, რომელთაც არ აქვთ
გასაღებების მართვის გამოცდილება. თუმცა ასევე უნდა გაითვალისწინოთ, რომ ეს მომხმარებლებს აყენებს შემხვედრ მხარესთან დაკავშირებული რისკის წინაშე. აქტივების განმკარგავი ორგანიზაციის გატეხის ან დახურვის შემთხვევაში, მომხმარებლებს საკუთარი მონეტების დაბრუნების მცირე შანსი რჩებათ.
თუმცა ეს ფაქტორები არ ამცირებს ამ ორგანიზაციების მნიშვნელობას. კასტოდიალური სერვისები სასიცოცხლოდ მნიშვნელოვანია ეკოსისტემისთვის, რადგან ის არა მარტო ახალბედებს ეხმარება ინტეგრაციაში, არამედ ვეტერანებსაც სთავაზობს დახვეწილ სავაჭრო ინსტრუმენტებს. უამრავი კომპანია, რომლებიც აქტივების შენახვის და მართვის მომსახურებას სთავაზობენ ინსტიტუციურ დონეზე. ზოგი მათგანი კლიენტებს სთავაზობს ანაზღაურებას აქტივების დაკარგვის შემთხვევაში.
საშუალო დონის მომხმარებლებისთვის განსაზღვრულია ზოგადი წესი, რომლის მიხედვითაც დიდი რაოდენობით თანხა, თუ მას არ იყენებთ, უნდა შეინახოთ
ცივი შენახვის მეთოდით. აქტიურ გამოყენებაში იგულისხმება
სტეიკინგი, ვაჭრობა ან
პასიური შემოსავლის მიღების სხვა ფორმები.
Ceffu (ძველი სახელწოდებაა Binance Custody) ორგანიზაციებს სთავაზობს უმაღლესი დონის კასტოდიალურ სერვისებს. გადასასვლელად დააჭირეთ
აქ.