კრიპტოვალუტა ან ციფრული ფული, რომელიც არ არის დამოკიდებული რომელიმე ბლოკჩეინზე ან პლატფორმაზე. მონეტას აქვს ვალუტის ყველა ძირითადი მახასიათებელი, ეს ტერმინი ასევე გამოიყენება იმ კრიპტოვალუტის აქტივის აღსანიშნად, რომლებიც არ წარმოადგენს ტოკენს.
კრიპტოვალუტის ტოკენებისგან განსხვავებით, მონეტა არ გამოიყენება კონკრეტული დანიშნულებით - მაგალითად, საზოგადოებასთან დაკავშირებული გადაწყვეტილების მიღების პროცესში მონაწილეობის ან დეცენტრალიზებულ ქლაუდ-სისტემაში მეხსიერების სივრცის გამოყენების უფლების მისაღებად. მონეტა გაშვებულია საკუთარ, დამოუკიდებელ ბლოკჩეინზე და წარმოადგენს კონკრეტული ფინანსური სისტემის ადგილობრივ ვალუტას. შესაბამისად, მონეტა ძირითადად გამოიყენება, როგორც გადახდის საშუალება ციფრულ ეკონომიკურ ქსელში. ბლოკჩეინების უმეტესობა არის დეცენტრალიზებული, განაწილებული ლეჯერი, რომელზეც ხდება თითოეული ტრანზაქციის ჩაწერა და ვერიფიკაცია, ხოლო მათი ადგილობრივი მონეტების გადარიცხვა ხორციელდება კონკრეტული ქსელის ფარგლებში.
მონეტა, რომელიც წარმოადგენს ვალუტის ერთეულს, შეგიძლიათ გაყიდოთ ბაზრის მიმდინარე პირობების საფუძველზე წინასწარ განსაზღვრულ ფასად. ზოგჯერ ის შეიძლება გადაიცვალოს სხვა მონეტაზე ან ტოკენზე, რომელიც სხვა ბლოკჩეინზეა გაშვებული, რისთვისაც გამოიყენება კრიპტოვალუტის ბირჟა ან პირადი გადარიცხვები, მაგალითად peer-to-peer და არასაბირჟო (OTC) ვაჭრობები. მონეტებით და ტოკენებით ვაჭრობის პოპულარულ საშუალებებს წარმოადგენს დეცენტრალიზებული ბირჟები და ატომური სვოპები.
საკუთარი ბლოკჩეინის გაშვებამდე, ბლოკჩეინის სფეროს ბევრი კომპანია და სტარტაპი საკუთარ საქმიანობას თანხების მოზიდვით იწყებს, რაც ხშირად მონეტის პირველადი შეთავაზების (ICO) მეშვეობით ხორციელდება. ICO ღონისძიებების უმეტესობა Ethereum-ის ქსელზე განხორციელდა, რასაც თან ახლდა ტოკენების გაშვება Ethereum-ის ტოკენის სტანდარტის პროტოკოლის მეშვეობით (რომელსაც ასევე ეწოდება ERC20). ეს იმას ნიშნავს, რომ საკუთარი ადგილობრივი მონეტის ნაცვლად, ამ კომპანიებმა გადაწყვიტეს შეექმნათ ციფრული ტოკენი, რომელიც გაშვებული იქნებოდა უკვე არსებულ ბლოკჩეინის ქსელზე.
ჩვეულებრივ, ეს ICO ტოკენები Bitcoin-ზე ან Ethereum-ზე იცვლება, თუმცა თანხების მოზიდვის პროცესში, ზოგიერთი სტარტაპი ასევე იყენებს ფიატ-ვალუტას ან სხვა კრიპტოვალუტას. ზოგ შემთხვევაში, ეს ტოკენები მათი სამომავლო პროექტის ნაწილს წარმოადგენს და საკუთარი ბლოკჩეინის შექმნის და მასზე ადგილობრივი მონეტის გაშვების შემდეგ, შესაძლებელი იქნება ტოკენების ამ მონეტებზე გადაცვლა.
დეცენტრალიზებული ციფრული ლეჯერი, რომელშიც ქრონოლოგიური თანმიმდევრობითაა ჩაწერილი კრიპტოვალუტის ტრანზაქციები...
კრიპტოგრაფიის მეშვეობით დაცული ციფრული ვალუტა, რომელიც გამოიყენება როგორც გაცვლის საშუალება peer-to-peer (P...
მათემატიკური თეორიებისა და გამოთვლების გამოყენების მეცნიერება ინფორმაციის დაშიფვრისა და გაშიფვრის მიზნით.