რა არის Simon's Cat (CAT)?

პასუხისმგებლობაზე უარის განაცხადი: წინამდებარე სტატია განკუთვნილია მხოლოდ საგანმანათლებლო მიზნებისთვის. Binance-ის მეშვეობით მოწოდებული ინფორმაცია არ წარმოადგენს ინვესტიციებთან ან ვაჭრობასთან დაკავშირებულ რჩევას ან რეკომენდაციას. Binance არ იღებს პასუხისმგებლობას თქვენ მიერ მიღებულ საინვესტიციო გადაწყვეტილებებზე. რაიმე ფინანსური რისკის გაწევამდე, რჩევისთვის მიმართეთ პროფესიონალს.

მთავარი დეტალები

• „საიმონის კატა“ საიმონ ტოფილდის პოპულარული წიგნი და ანიმაციური სერიალია, რომლის მთავარი პერსონაჟია სასაცილო კატა.

• საიმონის კატა უკვე აღარ არის მხოლოდ ანიმაციური პერსონაჟი: მან შეაღწია მობილური თამაშების, ვაჭრობისა და კრიპტო სივრცეშიც კი, სადაც ის წარმოდგენილია CAT ტოკენი სახით.

• CAT ტოკენში საიმონის კატის იუმორი და შარმი შერწყმულია Web3-თან, რაც ფანებს ბლოკჩეინის ინტერაქტიულ და მხიარულ გამოცდილებას სთავაზობს. 

• CAT ოფიციალურად აღიარებულია Banijay Group-ის მიერ, რომელიც ფლობს ინტელექტუალური საკუთრების უფლებებს საიმონის კატაზე.

სერიები „საიმონის კატა“

„საიმონის კატა“ პოპულარული წიგნი და ანიმაციური სერიალია, რომელიც შექმნა ბრიტანელმა ანიმატორმა სიმონ ტოფილდმა. მთავარი პერსონაჟია სასაცილო, ცელქი, მსუქანი (და ხშირად მშიერი) კატა.

2008 წელს შემდგარი დებიუტის შემდეგ, სერიალმა YouTube-ზე 1,6 მილიარდზე მეტი ნახვა და სოციალური მედიის სხვადასხვა პლატფორმაზე 25 მილიონზე მეტი ფოლოვერი დააგროვა.

2024 წელს ბრენდმა კრიპტოვალუტის სფეროშიც შეაღწია: გამოშვებულ იქნა CAT ტოკენი, რომლის მიზანიც არის გართობისა და ბლოკჩეინის ტექნოლოგიის გაერთიანება და Web3 შესაძლებლობების შეთავაზება ფანებისთვის.

რა არის Simon's Cat ტოკენი (CAT)?

სერიების შთაგონებით, 2024 წლის აგვისტოში გამოუშვეს Simon's Cat ტოკენი (CAT). მათ ოფიციალურ დოკუმენტში აღნიშნულია, რომ CAT პროექტი წარმოადგენს „საიმონის კატის“ ინტელექტუალური საკუთრების (IP) ინტეგრაციას Web3 სამყაროში.

CAT პროექტმა 6,85 მილიონი დოლარის ოდენობის დაფინანსება მოიპოვა ორი გაყიდვის საშუალებით: კერძო გაყიდვა, რომელმაც $2,6 მილიონი მოიტანა - $0,00222 თითო 1000 ტოკენზე და საჯარო გაყიდვა, რომელმაც $4,25 მილიონი მოიტანა - $0,00278 თითო 1000 ტოკენზე.

CAT თავდაპირველად გაეშვა BNB Smart Chain-ზე (BSC) და მოგვიანებით ხელმისაწვდომი გახდა Solana ბლოკჩეინზეც. 2024 წლის დეკემბრის მდგომარეობით, CAT-ის საერთო მარაგი დაახლოებით 8,1 ტრილიონი ტოკენია, ხოლო ცირკულირებადი რაოდენობა - დაახლოებით 6,75 ტრილიონი.

CAT და 1000CAT: რა განსხვავებაა მათ შორის?

რადგან CAT-ის ტოკენის მარაგი დიდია, Binance-მა 1000CAT მიიღო ორიგინალ CAT ტოკენის ცალკე ვერსიად. როგორც სახელი მიუთითებს, ერთი 1000CAT ტოკენი წარმოადგენს 1000 ცალ CAT ტოკენს. ასე რომ, თუ CAT-ის სავაჭრო ფასი დაახლოებით $0,000038-ია, 1000CAT-ის სავაჭრო ფასი იქნება $0,038.

Simon's Cat-ის მისია

ჰიბრიდული ინტეგრაცია

CAT-ში გაერთიანებულია Web2-ის ნაცნობი მახასიათებლები და Web3-ის ინოვაციები, რათა ბლოკჩეინის ცოდნის ნებისმიერ დონეზე მყოფ ფანებს შესთავაზოს მომხმარებლებზე მორგებული გამოცდილება, დაწყებული ახალბედებით და დამთავრებული მაღალი დონის მომხმარებლებით.

საზოგადოებაზე ორიენტირებული ჩართულობა

CAT პროექტის ერთ-ერთი ძირითადი მიზანია „საიმონის კატის“ მრავალრიცხოვან ფანების შესთავაზოს ექსკლუზიური ღონისძიებები, ინტერაქტიული კონტენტი და უნიკალური შესაძლებლობები, რათა მათ შეძლონ ბრენდთან და Web3 საზოგადოებასთან საერთო ენის გამონახვა და დაკავშირება.

გლობალური ხელმისაწვდომობა

პროექტის კიდევ ერთი მისიაა ბლოკჩეინის პოპულარული პლატფორმების გამოყენება, როგორიცაა BNB Chain და Solana, რათა მაქსიმალურად გაიზარდოს სავაჭრო ლიკვიდურობა და ხელმისაწვდომობა ფანებისთვის მთელ მსოფლიოში.

სოციალური პასუხისმგებლობა

CAT „საიმონის კატის“ ფასეულობების ერთგული რჩება და მისი ტოკენის მარაგის გარკვეულ წილს იყენებს ცხოველებზე ზრუნვის აქტივობების მხარდასაჭერად სტრატეგიული პარტნიორობებისა და საქველმოქმედო ინიციატივების მეშვეობით.

„საიმონის კატის“ მთავარი პროდუქტები

1. ანიმაციური სერიალი მილიონობით ფოლოვერით და 4 მილიარდზე მეტი ნახვით სოციალური მედიის პლატფორმებზე, როგორიცაა Instagram, YouTube და Facebook.

2. მობილური თამაშები Google Play-დან და Apple Store-იდან მილიონობით ჩამოტვირთვით:

• Telegram Mini-App: ინტერაქტიული ქვესტ-თამაში.

• Crunch Time: „დააწყვილე 3“ ტიპის პაზლი.

• Pop Time: სახალისო, ბუშტების გახეთქვის თამაში, სადაც გამოყენებულია საიმონის კატის იუმორი.

• Story Time: სიუჟეტური პაზლ-თამაშები.

3. წიგნები და საქონელი:

• თანამშრომლობა Primark-თან და სხვა საცალო ვაჭრობის კომპანიებთან.

• ბესტსელერი წიგნები მოიცავს „საიმონის კატა საკუთარ წიგნში“ და „საიმონის კატა მსოფლიოს წინააღმდეგ“.

4. ციფრული კონტენტი: სერიების გარდა, ბრენდი ასევე მუშაობს კომიქსებზე და ინტერაქტიულ კონტენტზე, რათა ფანებს მუდმივად მიაწოდოს საინტერესო კონტენტი.

1000CAT და Binance HODLer Airdrop

CAT ასევე იყო Binance-ის HODLer Airdrop პროგრამის ნაწილი, რომელიც აჯილდოებს BNB-ის მფლობელებს ტოკენებით მათი BNB ბალანსების სნეპშოტებზე დაყრდნობით. ეს airdrop-ები ავტომატურად გაიცემა იმ პირებზე, რომლებიც საკუთარ BNB-ს იყენებენ Simple Earn პროდუქტების გამოსაწერად.

HODLer Airdrop პროგრამის ფარგლებში, 2024 წლის 9 დეკემბრიდან 12 დეკემბრამდე, 1000CAT ტოკენები გადაეცათ იმ მომხმარებლებს, რომლებმაც საკუთარი BNB გამოიყენეს Simple Earn პროდუქტების გამოსაწერად. სავაჭრო პლატფორმაზე 1000CAT-ის ლისტინგი განხორციელდა 2024 წლის 17 დეკემბერს და მიენიჭა Seed თეგი.

შეჯამება

საიმონის კატა უკვე აღარ არის მხოლოდ ანიმაციური პერსონაჟი: მან შეაღწია მობილური თამაშების, ვაჭრობისა და კრიპტო სივრცეშიც კი, სადაც ის წარმოდგენილია CAT ტოკენი სახით. ბრენდის ბიზნეს-მოდელი იყენებს საიმონის კატის პოპულარულ ინტელექტუალურ საკუთრებას, რათა საინტერესო ფორმით გააერთიანოს ფიზიკური და ციფრული სამყარო.

Web2 და Web3 გამოცდილებების გაერთიანებით, CAT პროექტი ინარჩუნებს საიმონის კატის მხიარულ ხასიათს და ამავდროულად ჩართულობის ახალ შესაძლებლობებს სთავაზობს ფანებს მთელ მსოფლიოში. ღონისძიების გეგმაში ასევე ხაზგასმულია რეალურ სამყაროში არსებული ინიციატივები, როგორიცაა საზოგადოებრივი ღონისძიებები და საქველმოქმედო კამპანიები.

დამატებითი საკითხავი

• გზამკვლევი Binance Launchpad-ისა და Launchpool-ის შესახებ 

• რა არის Pudgy Penguins (PENGU)?

• რა არის კრიპტო საფულე და როგორ შევარჩიოთ სწორად?

პასუხისმგებლობაზე უარის განაცხადი: ეს კონტენტი თქვენთვის წარმოდგენილია „არსებული სახით“ და განკუთვნილია მხოლოდ საინფორმაციო და საგანმანათლებლო მიზნებისთვის, რაიმე სახის რეპრეზენტაციისა თუ გარანტიის გარეშე. იგი არ უნდა იქნეს აღქმული, როგორც ფინანსური, იურიდიული ან პროფესიული რჩევა და არ არის განკუთვნილი იმისთვის, რომ რეკომენდაცია გაუწიოს რაიმე სახის კონკრეტული პროდუქტის ან სერვისის შეძენას. რჩევის მისაღებად უნდა მიმართოთ შესაბამის პროფესიონალ მრჩეველს. რადგან წინამდებარე სტატია მოწოდებულია მესამე მხარის მიერ, გაითვალისწინეთ, რომ მასში წარმოდგენილი შეხედულებები ეკუთვნის მესამე მხარეს და არ წარმოადგენს Binance Academy-ს შეხედულებებს. დამატებითი ინფორმაციის მისაღებად, სრულად გაეცანით აქ წარმოდგენილ პასუხისმგებლობაზე უარის განაცხადს. ციფრული აქტივების ფასები შეიძლება იყოს არასტაბილური. თქვენი ინვესტიციის ღირებულებამ შეიძლება დაიკლოს ან მოიმატოს და შესაძლოა ვერ შეძლოთ ინვესტირებული თანხის დაბრუნება. თქვენ ერთპიროვნულად ხართ პასუხისმგებელი თქვენს საინვესტიციო გადაწყვეტილებებზე და Binance Academy არ არის პასუხისმგებელი თქვენ მიერ განცდილ არანაირ ზარალზე. აქ მოცემული ინფორმაცია არ უნდა იქნეს აღქმული, როგორც რაიმე სახის ფინანსური, იურიდიული, ან პროფესიული რჩევა. დამატებითი ინფორმაციის მისაღებად, გაეცანით ჩვენს გამოყენების პირობებს და რისკის შესახებ გაფრთხილებას.