მოგესალმებით კრიპტოზე
გვესმის, რომ ახალბედებისთვის ეს შეიძლება ცოტა დამღლელი იყოს. ამ გზამკვლევის მიზანია ეტაპობრივად გაგაცნოთ ზოგიერთი ძირითადი კონცეფცია, რაც დაგჭირდებათ ბლოკჩეინ ტექნოლოგიის სამყაროში მოგზაურობის დასაწყებად.
დროს ნუ დავკარგავთ და გადავეშვათ კურდღლის სოროში.
რა არის კრიპტოვალუტა?
კრიპტოვალუტა უბრალოდ ნაღდი ფულის ციფრული ფორმაა. თქვენ შეგიძლიათ მისი გამოყენება ანგარიშის გასასტუმრებლად ბარში მეგობრებთან ერთად ყოფნის დროს, წინდების შესაძენად, რომელსაც თვალი დაადგით👀, ან თვითმფრინავის ბილეთის ✈️ და სასტუმროს დასაჯავშნად 🏨 თქვენი მომავალი შვებულების დაგეგმვის დროს. რადგან კრიპტოვალუტა ციფრულია, მისი გაგზავნა მეგობრებისთვის და ოჯახის წევრებისთვის მსოფლიოს ნებისმიერ წერტილში შეგიძლიათ.
საქმე ასე მარტივად არაა. ის გაცილებით საინტერესოა!
ტრადიციული ონლაინ გადახდების გეითვეიები ორგანიზაციების საკუთრებაა. ისინი ინახავენ თქვენს ფულს და როდესაც მისი დახარჯვა გსურთ, მათ უნდა სთხოვონ თქვენი სახელით გადარიცხვის გაკეთება.
კრიპტოვალუტების შემთხვევაში, არანაირი ორგანიზაცია არ არსებობს. თქვენ, თქვენი მეგობრები და ათასობით სხვა ადამიანი თქვენი საკუთარი ბანკების ფუნქციას ასრულებთ, რისთვისაც იყენებთ უფასო პროგრამულ უზრუნველყოფას. თქვენი კომპიუტერი დაკავშირებულია სხვების კომპიუტერებთან, რაც ნიშნავს, რომ შეგიძლიათ პირდაპირ ეკონტაქტოთ მათ – ყველანაირი შუამავლის გარეშე!
კრიპტოვალუტის გამოყენებისთვის, თქვენ არ გჭირდებათ ვებსაიტზე ავტორიზაცია ელ. ფოსტის მისამართის და პაროლის მეშვეობით. თქვენ შეგიძლიათ ჩამოტვირთოთ თქვენს სმარტფონში უამრავი აპლიკაციიდან ერთ-ერთი და დაიწყოთ თანხის გაგზავნა და მიღება, რასაც სულ რაღაც წუთები დასჭირდება.
რატომ უწოდებენ მას კრიპტოვალუტას?
არ არის საჭირო, რომ ეს ყველაფერი გესმოდეთ – აპლიკაციები, რომლებსაც თქვენ იყენებთ, თქვენს ნაცვლად ასრულებენ შავ სამუშაოს. თქვენ შეიძლება არც კი იცოდეთ რა ხდება კადრს მიღმა.
თუმცა, თუ მსგავსი რამით დაინტერესებული ხართ, ჩვენ გვაქვს სტატიები თქვენთვის:
ასე რომ, ეს მაგიური ინტერნეტ ფული არავის საკუთრებას არ წარმოადგენს და სისტემის უსაფრთხოებისთვის იყენებს კრიპტოგრაფიას, თუმცა თქვენ უკვე გაქვთ აპლიკაციები, რომლებსაც იყენებთ გადახდებისთვის – რა საჭიროა ახალი?
მას
ნებართვა არ სჭირდება
ვერავინ დაგიშლით კრიპტოვალუტის გამოყენებას. მეორე მხრივ, ცენტრალური გადახდის სერვისებს შეუძლიათ გაყინონ თქვენი ანგარიშები ან შეაჩერონ ტრანზაქციების განხორციელება.
არ ექვემდებარება ცენზურას
ქსელის სტრუქტურიდან გამომდინარე, პრაქტიკულად შეუძლებელია მისი გათიშვა ჰაკერების ან სხვა პირების მიერ.
იაფი და სწრაფი გადახდის მეთოდი
როდესაც თქვენ თანხას ურიცხავთ დედამიწის მეორე მხარეს მყოფ ადამიანს, ის მას წამებში მიიღებს – საერთაშორისო საბანკო გადარიცხვის ღირებულებასთან შედარებით, ამისთვის უმნიშვნელო თანხის გადახდა დაგჭირდებათ.
ვინ გამოიგონა Bitcoin-ი?
Bitcoin-მა მრავალ სხვა კრიპტოვალუტას დაუდო საფუძველი. ზოგიერთი მათგანი იგივე პროგრამულ უზრუნველყოფაზე იყო დაფუძნებული, სხვებისთვის კი გამოყენებული იყო სრულიად განსხვავებული მიდგომა. მაინც რით განსხვავდება კრიპტოვალუტები ერთმანეთისგან?
ყველა კრიპტოვალუტის უბრალოდ ჩამოთვლისთვისაც კი რამდენიმე კვირა დაგვჭირდება. ზოგიერთი სხვებზე სწრაფია, ზოგი უფრო კონფიდენციალურია, ზოგი უფრო დაცულია, ზოგი კი უფრო პროგრამირებადია.
სანამ კონკრეტულ პროექტში დააბანდებთ ფულს, დარწმუნდით, რომ საფუძვლიანად შეისწავლეთ ეს სფერო.
ყველა კრიპტოვალუტა ერთნაირი არ არის!
თუ გსურთ შეიტყოთ მეტი ზოგიერთი მონეტის და ტოკენის შესახებ, გაეცანით სახელმძღვანელოების სიას, რომლებიც თქვენთვის მოვამზადეთ Binance Academy-ზე:
- რა არის Bitcoin-ი? (კრიპტოვალუტების მეფე)
- რა არის Ethereum-ი? (განაწილებული კომპიუტერი)
- რა არის BNB? (ბირჟის ორიგინალი მონეტა)
- Monero-ს გზამკვლევი დამწყებთათვის (კონფიდენციალურობის მოყვარულთათვის)
რა არის ბლოკჩეინი?
ნუ შეგაშინებთ ტექნიკური ტერმინოლოგია, რომელსაც უმეტესობა იყენებს „ბლოკჩეინის“ აღწერის დროს. ბლოკჩეინი უბრალოდ მონაცემთა ბაზაა და არც თუ ისე რთული - მისი შექმნა მარტივად შეგიძლიათ ცხრილების სახით.
ეს არის სულ! რადგან ყოველი თითის ანაბეჭდი შეიცავს წინა ბლოკის შესახებ მონაცემებს, ვიღებთ ბლოკების ჯაჭვს, ანუ როგორც მაგარი ტიპები უწოდებენ - ბლოკჩეინს.
სულ ეს არის?
ვერ აღფრთოვანდით? მესმის თქვენი. ეს ინოვაცია არ წარმოადგენს Google Sheets-ის შთამბეჭდავ ალტერნატივას. ნებისმიერს შეუძლია ჩამოტვირთოს სხვების მიერ გამოგზავნილი ბლოკები და შექმნას ბლოკჩეინის იდენტური ასლები საკუთარ კომპიუტერში. სწორედ ამას აკეთებს პროგრამა, რომელზეც ზემოთ ვისაუბრეთ.
დავუშვათ თქვენ და თქვენი მეგობრები ელისი, ბობი, კეროლი და დენი იყენებთ ამ პროგრამას. თქვენ ამბობთ: „მე მინდა ბობს გავუგზავნო ხუთი მონეტა“ და უგზავნით ამ ინსტრუქციას დანარჩენებს, თუმცა მონეტები ბობთან მომენტალურად არ იგზავნება.
კეროლმა ამ დროს შეიძლება გადაწყვიტოს ელისისთვის ხუთი მონეტის გაგზავნა. ის ასევე აგზავნის ამ ინსტრუქციას ქსელში. დროის გარკვეულ მომენტში ყოველ მონაწილეს შეუძლია შეკრიბოს ეს დასამუშავებელი ინსტრუქციები და შექმნას ბლოკი.
თუ ნებისმიერ შეუძლია ბლოკის შექმნა, რა შეუშლის მათ ხელს თაღლითობაში?
ალბათ ძალიან მიმზიდველად გეჩვენებათ აზრი, რომ შექმნათ ბლოკი, სადაც წერია: „ბობმა გამომიგზავნა მილიონი მონეტა“, ან კეროლისგან შეიძინოთ ლამბორგინები და ბეწვის ქურქები იმ თანხების გადარიცხვით, რომელსაც არ ფლობთ.
ეს ყველაფერი უკვე იცით და გინდათ შეისწავლოთ ვაჭრობა და ინვესტირება? მაშინ შევუდგეთ საქმეს.
ვაჭრობა
ზოგადად ვაჭრობა გულისხმობს მოკლევადიან პერიოდში მოგების მიღების შესაძლებლობას. ტრეიდერები უწყვეტად ხსნიან და ხურავენ პოზიციებს, თუმცა როგორ ხვდებიან, როდის უნდა დაიწყონ და დაასრულონ გარიგებები?
კრიპტოვალუტის ბაზარზე გამოყენებულ ერთ-ერთი ყველაზე გავრცელებულ ინსტრუმენტს წარმოადგენს ტექნიკური ანალიზი (TA). ტექნიკური ანალიტიკოსები ეცნობიან ფასების ისტორიას, დიაგრამებს და სხვა ტიპის საბაზრო მონაცემებს, რათა განსაზღვრონ, თუ რა სახის გარიგება იძლევა მოგების მიღების ყველაზე მეტ შანსს.
ალბათ ერთი სული გაქვთ დაიწყოთ ვაჭრობა. ტექნიკურად ამის გაკეთება უკვე შეგიძლიათ. ეს ძალიან მარტივია! თუმცა როგორც ყველა შემოსავლიანი საქმიანობა, ვაჭრობაც მძიმე შრომას მოითხოვს! ყველა საჭირო ცოდნის მისაღებად დიდი დრო დაგჭირდებათ.
დაეუფლეთ დიაგრამების კითხვის ოსტატობას!
დასაწყისისთვის ჩვენ გვაქვს რამდენიმე სტატია თქვენთვის:
გაგიმართლათ, რომ ჩვენ ასევე მოვამზადეთ ვრცელი სახელმძღვანელო ახალბედა კრიპტო ტრეიდერებისთვის! მასში ყველაფერია (და ალბათ მეტიც), რაც უნდა იცოდეთ კრიპტოთი ვაჭრობის შესახებ:
როდესაც დილის ხუთ საათზე გაღვიძებული შეძლებთ ამ სტატიიდან ციტატის გახსენებას, შეგიძლიათ შემდეგ თემაზე გადახვიდეთ:
ინვესტიცია
ინვესტორები ცდილობენ განახორციელონ გრძელვადიანი კაპიტალდაბანდებები ინვესტიციის საფუძვლების გათვალისწინებით. მაგალითად იკვლევენ, თუ რა მოგებას იღებს კომპანია. მიუხედავად იმისა, რომ კრიპტოვალუტები ახალი და უნიკალური ტიპის აქტივებია, მსგავსი პრინციპების გამოყენება მათთან მიმართებაშიც შეიძლება.
რეგისტრაციის პროცესი მარტივი და სწრაფია. თქვენ ასევე არ დაგჭირდებათ დიდი თანხების შეტანა. ვაჭრობის დაწყებისთვის სულ რაღაც 15 დოლარიც საკმარისია! კიდევ რა მასალის წაკითხვა შეგიძლიათ კრიპტოში ინვესტირებასთან დაკავშირებით?
კრიპტოში ინვესტირება 101
თუ გსურთ კრიპტოვალუტაში ინვესტირება, დასაწყისისთვის ეს სტატიები დაგეხმარებათ:
პასიური შემოსავალი
ჩვენ უკვე ვისაუბრეთ ვაჭრობასა და ინვესტირებაზე. ეს მეთოდები ჩვეულებრივ საჭიროებს დიდ დროს, რაც ყველას არ გვაქვს. თუ თქვენ ერთ-ერთი ხართ ამ საქმიანი, მაგრამ პროდუქტიული ადამიანებიდან, ჩვენ სხვა ვარიანტებს გთავაზობთ.
როგორ უორენ ბაფეტმა, ყველა დროის ერთ-ერთმა ყველაზე წარმატებულმა ინვესტორმა აღნიშნა: „თუ ვერ მონახავთ ფულის ძილში გამომუშავების გზას, სიცოცხლის ბოლომდე მუშაობა მოგიწევთ“.
მაშინ ამას ყველა რატომ არ აკეთებს? ალბათ არ იციან ამის შესახებ, თქვენ კი იცით!
პასიური შემოსავლის მიღების ერთ-ერთ გზას წარმოადგენს თქვენი ჰოლდინგების გასესხება სხვა პირებზე. თქვენგან სესხად მიღებული თანხებით სარგებლობის სანაცვლოდ, ისინი პროცენტებს გადაგიხდიან.
რა არის სტეიკინგი?
მარტივად რომ ვთქვათ, სტეიკინგი ნიშნავს საკუთარი მონეტების ბლოკირების მეშვეობით ჯილდოების მიღებას. ასე, რომ თუ თქვენ ინვესტიციას განახორციელებთ მონეტებში, რომლებიც გამოყენებული იქნება სტეიკინგის მხარდასაჭერად, დროთა განმავლობაში თქვენ შეძლებთ უფრო მეტი მონეტა დააგროვოთ. მეტი ინფორმაციისთვის, გაეცანით ამ სტატიებს:
კონფიდენციალურობა და უსაფრთხოება
ჩვენ წარმოვადგენთ კრიპტოვალუტის ვებსაიტს, თუმცა ჩვენ ასევე ❤️ კონფიდენციალურობის და უსაფრთხოების თემები – და ალბათ თქვენც!
ციფრულმა ეპოქამ მრავალი სერიოზული ინოვაცია შემოგვთავაზა. თუ მაცივრის კარის დახურვა დაგავიწყდებათ, თქვენი მაცივარი შეტყობინებას გამოგიგზავნით, შეგიძლიათ თქვენი ავტომობილი გამოიძახოთ სმარტფონის აპლიკაციის მეშვეობით და როგორც ჩანს, მალე შეძლებთ ამანათების დრონებით მიღებას.
გამოიყენეთ ცოდნა თავის დასაცავად
დასაწყისისთვის გაეცანით რამდენიმე სტატიას:
ამ დროისათვის სულ ეს იყო!
იმედია ეს გზამკვლევი დაგეხმარათ კრიპტოვალუტის და მისი მუშაობის პრინციპის უკეთ გაგებაში. Binance Academy-ზე, თქვენ შეგიძლიათ გაეცნოთ უამრავ სტატიას, დაწყებული გზამკვლევებით ახალბედებისთვის და დამთავრებული პროფესიონალებისთვის განკუთვნილი თემების განხილვებით.