მთავარი
ლექსიკონი
სტეიბლკოინი

სტეიბლკოინი

რა არის სტეიბლკოინი?

სტეიბლკოინი გახლავთ კრიპტოვალუტის ტიპი, რომელიც შექმნილია სტაბილური საბაზრო ფასის შენარჩუნების მიზნით. ციფრული ვალუტის ეს სახეობა ბოლო პერიოდში უფრო და უფრო პოპულარული ხდება; სტეიბლკოინების რამდენიმე პროექტი ჩვენს პლატფორმაზეც არის ხელმისაწვდომი.

მიუხედავად იმისა, რომ მექანიზმი განსხვავებულია ყოველი მონეტისთვის, სტეიბლკოინები მიიჩნევა ბაზრის მერყეობის მიმართ მედეგ ერთეულებად, შესაბამისად, მათთვის არ არის დამახასიათებელი ფასის მკვეთრი ცვალებადობა.

ბევრი სტეიბლკოინის შემთხვევაში ფასის ფიქსირება შესაძლებელია მისი სხვა აქტივის ღირებულებაზე მიბმის გზით. მათი უმეტესობა აშშ დოლარზეა მიბმული, თუმცა არსებობს სხვა კრიპტოვალუტების, ან სულაც საქონლის, მაგალითად ვერცხლის ან ოქროს ფასზე მიბმული სტეიბლკოინებიც. რეალური სამყაროს აქტივებზე მიბმული მონეტა დაცულია კრიპტოვალუტის ბაზარზე ხშირი მერყეობით გამოწვეული ფასის ცვლილებებისგან.

უზრუნველყოფილი და არაუზრუნველყოფილი სტეიბლკოინები

უზრუნველყოფილი სტეიბლკოინების გამოყენების შემთხვევაში კომპანია რეალურად უნდა ფლობდეს იმ აქტივებს, რომლებზეც მონეტაა მიბმული (მაგ., აშშ დოლარი ან ოქრო). შესაბამისად, ახალი ერთეულების გამოშვება ხდება ჰოლდინგების ღირებულების შესაბამისად. სტეიბლკოინების უმეტესობა ამ მოდელს ეფუძნება. ამის გამორჩეული მაგალითებია USD Coin (USDC), Paxos (PAX) და TrueUSD (TUSD), სადაც თითოეული ტოკენი უზრუნველყოფილია საბანკო ანგარიშებზე არსებული თანხებით, 1:1 თანაფარდობით. აქედან გამომდინარე, ეს კომპანიები ახალ სტეიბლკოინებს მხოლოდ მაშინ უშვებენ, როდესაც მიიღებენ შესაბამის ღირებულებას ფიატ ვალუტაში.
ზოგიერთი სტეიბლკოინი მიბმულია არა ფიატ ვალუტაზე ან საქონელზე, არამედ სხვა კრიპტოვალუტაზე, რის გამოც მათ ხშირად კრიპტოთი უზრუნველყოფილ სტეიბლკოინებს უწოდებენ. მსგავსი მონეტების მიბმის შესანარჩუნებლად გამოიყენება გადაჭარბებული უზრუნველყოფისა და სტაბილურობის მექანიზმები. ამის გამორჩეული მაგალითია DAI, სტეიბლკოინი, რომლის დამზადებაც ხდება Maker DAO ეკოსისტემის ფარგლებში.
მეორეს მხრივ, არაუზრუნველყოფილი სტეიბლკოინები იყენებენ ალგორითებს ტოკენების მარაგის კონტროლის და წინასწარ განსაზღვრული ფასის შენარჩუნების მიზნით. ამ მონეტების მიზანია სტაბილური ღირებულების შენარჩუნება, ცირკულირებად მარაგის ალგორითმული პრინციპით, ბაზარზე არსებული პირობების შესაბამისად გაზრდის ან შემცირების გზით.

რატომ სტეიბლკოინები?

სტეიბლკოინები ეფუძნება ფიატ ვალუტებისა და კრიპტოვალუტების სივრცის უპირატესობების გაერთიანების იდეას. ამ ეტაპზე, სტეიბლკოინები ძირითადად კრიპტოვალუტის ბაზრების მაღალი მერყეობის წინააღმდეგ დაცვის მიზნით გამოიყენება, თუმცა, სხვადასხვა შემთხვევაში შესაძლებელია მათი, როგორც სტაბილური ვალუტის გამოყენება, გამჭვირვალობისა და დეცენტრალიზაციის დონის გაუმჯობესების მიზნით. გარდა ამისა, სტეიბლკოინების მეშვეობით განხორციელებული ტრანზაქციები გამოირჩევა ტრადიციულ ფიატ ვალუტებთან შედარებით მაღალი სისწრაფითა და დაბალი საკომისიოებით, რაც მათ ეფექტურ საშუალებად აქცევს ყოველდღიური გადახდებისა და საერთაშორისო გადარიცხვების განხორციელებისთვის.
პასუხისმგებლობაზე უარის განაცხადი: MiCA-ს მოთხოვნების თანახმად, ევროპის ეკონომიკური ზონის ტერიტორიაზე მცხოვრები მომხმარებლებისთვის დაწესებულია გარკვეული შეზღუდვები არასანქცირებული სტეიბლკოინების გამოყენებასთან დაკავშირებით. მეტი ინფორმაციისთვის დააწკაპუნეთ აქ.
პოსტების გაზიარება
დაარეგისტრირეთ ანგარიში
თქვენი ცოდნის პრაქტიკაში გამოსაყენებლად გახსენით Binance-ის ანგარიში დღესვე.