SRC-20 ტოკენები

რა არის SRC-20 ტოკენები?

SRC-20 წარმოადგენს ჩანაცვლებადი ტოკენების სტანდარტს Bitcoin-ის ქსელზე, რომელიც მონაცემების UTXO-ების სახით სამუდამოდ შენახვის მიზნით Bitcoin Stamps პროტოკოლს იყენებს

როგორ მუშაობს SRC-20 ტოკენები?

• თავდაპირველად მომხმარებელი ქმნის გაშვების ტრანზაქციას, სადაც მითითებულია ტოკენის სახელწოდება (ერთიდან ხუთ სიმბოლომდე), ჯამური მარაგი და სურვილისამებრ, წარმოდგენილია მეტამონაცემები.

• შემდეგ სხვა მომხმარებლებს შეუძლიათ ტოკენების დამზადება იმ ტრანზაქციების წარდგენით, რომლებიც გაშვებაზე მიუთითებს.

• ბოლო ეტაპზე, ტოკენების მფლობელებს შეუძლიათ საკუთარი SRC-20 ტოკენები Bitcoin-ის ახალი ტრანზაქციების მეშვეობით სხვა მისამართებზე გადაიტანონ.

გამომდინარე იქიდან, რომ მონაცემების შენახვა მოწმის მონაცემების ნაცვლად UTXO-ების სახით ხდება, ნოდების მიერ SRC-20 ტოკენთან დაკავშირებული ინფორმაციის შემოკლება შეუძლებელია, რაც ინსკრიპციებზე დაფუძნებულ სხვა მიდგომებთან შედარებით მეტ სტაბილურობას უზრუნველყოფს.

SRC-20 და BRC-20

მიუხედავად იმისა, რომ როგორც SRC-20, ისე BRC-20 Bitcoin-ის ქსელზე მოქმედი სტანდარტებია, აუცილებელია მათ შორის არსებული მნიშვნელოვანი განსხვავებების გათვალისწინება.

SRC-20 მონაცემთა მოცულობასთან დაკავშირებით მეტ მოქნილობას უზრუნველყოფს, თუმცა აუცილებელია იმის გათვალისწინება, რომ მონაცემთა მოცულობის გაზრდამ შესაძლოა ტრანზაქციის საკომისიოს ზრდა გამოიწვიოს. BRC-20 მონაცემთა მოცულობასთან დაკავშირებით გარკვეულ შეზღუდვებს აწესებს, რის შედეგადაც ტრანზაქციის ხარჯები შეიძლება უფრო პროგნოზირებადი იყოს.

SRC-20 და BRC-20 ტოკენებს შორის არსებული განსხვავებების შეჯამება