აღნიშნული კონცეფციის ფართოდ გავრცელება Ethereum-ის პროტოკოლთან, EigenLayer-თან ასოცირდება. თუმცა, განმეორებითი სტეიკინგის მსგავსი მიდგომები დღეს უკვე სხვა პროტოკოლებსა და ქსელებშიც აქტიურად გამოიყენება, მათ შორის ETH-ის გარდა სხვა აქტივებისთვისაც.
სტეიკინგზე განთავსებული აქტივით მხოლოდ ძირითადი ქსელის დაცვის ნაცვლად, განმეორებითი სტეიკინგი ამავე აქტივის მეშვეობით სხვა სისტემების მხარდაჭერის შესაძლებლობასაც უზრუნველყოფს, რასაც აქტიური ვალიდაციის სერვისები (AVS-ები) ეწოდება. ეს შეიძლება მოიცავდეს ისეთ ინსტრუმენტებს, როგორიცაა მონაცემთა ხელმისაწვდომობის შრეები, oracle-ები და ბლოკჩეინ ხიდები, რომლებიც საკუთარ ეკონომიკურ უსაფრთხოებას საჭიროებს.
გამომდინარე იქიდან, რომ სტეიკინგის ერთი და იმავე აქტივი ახლა უკვე რამდენიმე სისტემას უჭერს მხარს, შესაძლებელი ხდება ჯილდოების სხვადასხვა გზით მიღება. აღნიშნული პროცესი ხშირად მოიხსენიება, როგორც უსაფრთხოების საერთო არქიტექტურა, რადგან ახლად შექმნილ სერვისებს შეუძლიათ ნდობის არსებული საბაზისო მოდელით ისარგებლონ, სრულიად ახალი მოდელის შექმნის საჭიროების გარეშე.
რადგან LRT ტოკენი მხარდაჭერილია სასურველი მიმართულებით გადატანის შესაძლებლობით, მისი გამოყენება შესაძლებელია ვაჭრობისთვის, ასევე სესხის ან უზრუნველყოფის სახით დეცენტრალიზებული ფინანსების (DeFi) სხვა აპლიკაციებში, ძირითადი სტეიკინგის აქტივის მუშაობის პარალელურად. სწორედ ეს წარმოადგენს აღნიშნული მოდელის მთავარ უპირატესობას – განმეორებითი სტეიკინგის ჯილდოებზე წვდომა აქტივების სრული დაბლოკვის საჭიროების გარეშე.
ამასთან, LRT-ები დაკავშირებულია ლიკვიდურობის და მიბმის გაუქმების რისკებთანაც, ბაზრის მაღალი დატვირთვის პირობებში საბაზისო აქტივზე დაბალი ღირებულებით ვაჭრობა და LRT-ის უზრუნველყოფის სახით გამოყენება ლიკვიდაციასთან დაკავშირებული დამატებითი რისკების გამომწვევ მიზეზად შესაძლოა იქცეს. გამომდინარე იქიდან, რომ აღნიშნული რისკები, მიმდინარე პროცესებზე ზეგავლენის თვალსაზრისით, ერთობლივად მოქმედებს, მოსალოდნელი შედეგებიც შესაძლოა საკმაოდ ცვალებადი იყოს.
შემოსავლის ფარმინგი გახლავთ მაღალი რისკის შემცველი პრაქტიკა DeFi სივრცეში, რომლის ფარგლებშიც ინვესტორები ბლ...
სტეიკინგში გამოყენებული აქტივების ტოკენიზაციის პროცესი ლიკვიდურობის გაუმჯობესების მიზნით.
ლიკვიდურობის სტეიკინგის ტოკენი, რომელიც წარმოადგენს თქვენს სტეიკინგში გამოყენებულ SOL-ს Binance-ზე.
Binance Academy-ს სარედაქციო განყოფილება