ICO-ებს ხშირად ადარებენ ტრადიციული ფინანსების სფეროში გავრცელებულ აქციების პირველად საჯარო შეთავაზებას (IPO). თუმცა, IPO-სგან განსხვავებით, ICO-ს მონაწილეები არ იღებენ კომპანიის წილის ფლობის უფლებას. ამის ნაცვლად, ისინი იღებენ utility ან governance ტოკენებს, რომლებიც მათ სთავაზობს წვდომას სამომავლო პროდუქტზე ან სერვისზე. ინვესტორები მონაწილეობას ხშირად იმ იმედით იღებენ, რომ პროექტის წარმატების შემთხვევაში ტოკენის ღირებულება გაიზარდება, თუმცა ეს შედეგი არ არის გარანტირებული.
გაყიდვების პერიოდში ინვესტორებს შეუძლიათ შეიძინონ ტოკენები პროექტის მიერ დადგენილ ფასად. ზოგიერთი ICO იყენებს ფიქსირებული ფასის მოდელს, ხოლო სხვა პროექტები - ჰოლანდიურ აუქციონს ან ბონუსების სისტემას, ადრეული მონაწილეების წახალისების მიზნით. ICO-ს დასრულების შემდეგ შესაძლოა განხორციელდეს მისი ტოკენის ლისტინგი კრიპტოვალუტის ბირჟებზე, სადაც მათი ფასი უკვე საბაზრო მოთხოვნის და მიწოდების საფუძველზე კორექტირდება.
პროექტის გუნდი მოზიდულ თანხებს იყენებს პლატფორმის განვითარებისთვის, საოპერაციო ხარჯების დასაფარად და whitepaper-ში გაწერილი მიზნების რეალიზაციისთვის. ტოკენის მფლობელებმა შესაძლოა მიიღონ სარგებელი, თუ პროექტი პოპულარობას მოიპოვებს და ტოკენზე მოთხოვნა გაიზრდება.
ICO-ებმა ფართო საზოგადოების ყურადღება 2017 წელს მიიპყრეს, როდესაც ბლოკჩეინ-სტარტაპებმა ტოკენების გაყიდვით მილიარდობით დოლარი მოიზიდეს. თუმცა, პოპულარობის სწრაფმა ზრდამ თაღლითური პროექტებიც მიიზიდა. ბევრი ICO განხორციელდა ისეთი გუნდების მიერ, რომლებმაც მოიზიდეს სახსრები და გაუჩინარდნენ ისე, რომ რეალური პროდუქტი არც კი შეუქმნიათ. ამან გამოიწვია ინვესტორების მნიშვნელოვანი დანაკარგები და მარეგულირებელი ორგანოების მხრიდან ზედამხედველობის გაძლიერება.
მიუხედავად იმისა, რომ ტრადიციული ICO-ები დღეს ნაკლებად პოპულარულია, თავად კონცეფცია აქტუალობას ინარჩუნებს. ICO-ების ეპოქის გაკვეთილები, განსაკუთრებით სათანადო მოკვლევის ჩატარებისა და პროექტის გუნდების გამჭვირვალობის შეფასების აუცილებლობა, კვლავ აქტიურად გამოიყენება კრიპტო პროექტისთვის ფინანსების მოზიდვის ნებისმიერი ფორმის ღონისძიების შეფასებისას.
კრიპტოგრაფიის მეშვეობით დაცული ციფრული ვალუტა, რომელიც გამოიყენება როგორც გაცვლის საშუალება peer-to-peer (P...
საფინანსო ინდუსტრიის სტანდარტული პროცედურა, რომლის საშუალებითაც კომპანიებს შეუძლიათ ამოიცნონ საკუთარი მომხმ...
გადახდის საშუალებად გამოყენებული კრიპტოვალუტა ან ციფრული ფული, რომელიც არ არის დამოკიდებული რომელიმე პლატფო...
Binance Academy-ს სარედაქციო განყოფილება