EIP-1559 განახლებამ გააუმჯობესა საკომისიოების პროგნოზირებადობა და შეამცირა ფასების რყევა. მან ასევე წარმოადგინა დეფლაციური მექანიზმი ether-ის (ETH) მარაგის კონტროლის მიზნით.
საბაზისო საკომისიოების ოდენობა განისაზღვრება პროტოკოლის მიერ და იცვლება ქსელის დატვირთვის დონის შესაბამისად. როდესაც ქსელი გადატვირთულია, საბაზისო საკომისიოს ოდენობა იზრდება; როდესაც ქსელზე მოთხოვნა იკლებს, საბაზისო საკომისიოც მცირდება. ფასების განსაზღვრის ადაპტირებადი სისტემა გვეხმარება გაზის ფასის რყევის შემცირებაში, რაც ტრანზაქციის ხარჯების უკეთ პროგნოზირების შესაძლებლობას გვაძლევს.
საბაზისო საკომისიოები სრულად იწვება, თუმცა მომხმარებლებს შეუძლიათ დამატებით გადაიხადონ ეგრეთწოდებული პრიორიტეტის საკომისიო, ანუ „გასამრჯელო“, რაც ვალიდატორებს მისცემს ამ მომხმარებლების ტრანზაქციების დროულად დამუშავების სტიმულს. ეს გასამრჯელო არ არის სავალდებულო და მომხმარებელს შეუძლია ის საბაზისო საკომისიოს დაამატოს. ეს თანხა პირდაპირ იმ ვალიდატორს ერიცხება, რომელიც ამ ტრანზაქციას ბლოკში დაამატებს. ამ სისტემის წყალობით, მომხმარებლებს შეუძლიათ დააჩქარონ საკუთარი ტრანზაქციების დამუშავება, ვალიდატორები კი კვლავ მიიღებენ ანაზღაურებას შესრულებული სამუშაოს სანაცვლოდ.
EIP-1559-მა დაამატა რამდენიმე მნიშვნელოვანი განახლება, რის შემდეგაც შეიცვალა Ethereum-ზე ტრანზაქციის საკომისიოების დამუშავების პროცესი. მან წარმოადგინა საბაზისო საკომისიო, რომლის ოდენობა იზრდება ან იკლებს ქსელის დატვირთვის ცვლილების შესაბამისად. საბაზისო საკომისიო იწვება, რაც იმას ნიშნავს, რომ ხდება ETH-ის გარკვეული რაოდენობის ამოღება მიმოქცევიდან, რაც ხელს უწყობს მისი საერთო მარაგის შემცირებას.
თუ მომხმარებელს სურს, რომ მისი ტრანზაქცია სწრაფად დამუშავდეს, მას შეუძლია ვალიდატორებს გადაუხადოს დამატებითი გასამრჯელო. ამ განახლების წყალობით, ვალიდატორებს კვლავ რჩებათ ჯილდოების გამომუშავების შესაძლებლობა, მომხმარებლები კი უკეთ აკონტროლებენ საკუთარი ტრანზაქციის დამუშავების სიჩქარეს.
Ethereum-ის ბლოკჩეინზე გამოყენებული ფასების განსაზღვრის მექანიზმი, რაც საჭიროა სმარტ კონტრაქტების ოპერაციებ...
EIP-4844, რომელიც ასევე ცნობილია პროტო-დანკშარდინგის სახელით, წარმოადგენს შემოთავაზებულ განახლებას, რომლის ...
ეთერეუმის გაუმჯობესების შემოთავაზებები, რომლებიც დეტალურად აღწერს შეთავაზებულ განახლებებს და ახალ ფუნქციებს.