ორმაგი ხარჯვა
ორმაგი ხარჯვა არის რისკი იმისა, რომ ციფრული ვალუტის ერთი და იგივე ერთეული შესაძლოა ერთზე მეტჯერ იქნეს გამოყენებული. ვინაიდან ციფრული ინფორმაციის დაკოპირება მარტივია, არაკეთილსინდისიერმა მომხმარებელმა შესაძლოა სცადოს ერთი და იმავე მონეტების ერთდროულად ორ სხვადასხვა მიმღებთან გაგზავნა. ეს არის ერთ-ერთი მთავარი პრობლემა, რომელიც ნებისმიერმა ციფრულმა ფინანსურმა სისტემამ უნდა გადაჭრას.
ფიზიკური ფულის შემთხვევაში ეს პრობლემა არ არის რელევანტური: როგორც კი ბანკნოტს სხვა პირს გადასცემთ, ის თქვენ აღარ გეკუთვნით. თუმცა, ციფრული ფული მხოლოდ მონაცემებისგან შედგება. მფლობელობის კონტროლის საიმედო მექანიზმის გარეშე, თაღლითმა შესაძლოა
ბლოკჩეინის ქსელი შეცდომაში შეიყვანოს და აიძულოს ორი ურთიერთსაწინააღმდეგო ტრანზაქციის აღსრულება.
Bitcoin იყო პირველი სისტემა, რომელმაც ეს გამოწვევა დეცენტრალიზებული გზით გადაჭრა, რითაც გამორიცხა ცენტრალური ორგანოსა და ბანკის საჭიროება.
ბლოკჩეინზე
ტრანზაქციების ვერიფიკაცია ხორციელდება განაწილებული ქსელის მიერ და იწერება საზიარო საჯარო ლეჯერში. ტრანზაქციის მონაცემების გაზიარების შემდეგ ქსელის მონაწილეები ამოწმებენ, რომ გამგზავნი რეალურად ფლობს მონეტებს და ისინი ჯერ არ არის დახარჯული. დადასტურების შემდეგ ხდება ამ ტრანზაქციის ბლოკში შეტანა და ბლოკჩეინზე დამატება.
Bitcoin-ის მსგავს ქსელებში გამოიყენება კონსენსუსის მექანიზმი, რომელსაც ეწოდება
proof-of-work, რაც უზრუნველყოფს მონაწილეებს შორის ტრანზაქციების ერთიან, ორგანიზებულ ისტორიაზე შეთანხმებას. ორი ურთიერთსაწინააღმდეგო ტრანზაქციის არსებობის შემთხვევაში, ბლოკჩეინზე დაემატება მხოლოდ ერთ-ერთი მათგანი. ტრანზაქციის აღსრულების შემდეგ, რაც უფრო მეტი ბლოკი ემატება ბლოკჩეინზე, მით უფრო რთული ხდება ამ ტრანზაქციის გაუქმება ან შეცვლა, რაც დროთა განმავლობაში წარმატებული ორმაგი ხარჯვის ალბათობას პრაქტიკულად ნულამდე ამცირებს.
არსებობს რამდენიმე გზა, რომლითაც თავდამსხმელმა შეიძლება სცადოს ორმაგი ხარჯვა, თუმცა რაც უფრო დიდია ქსელი, მით უფრო რთული და ძვირადღირებულია მსგავსი მცდელობების რეალიზაცია:
ორმაგი ხარჯვის რისკისგან დაცვის ყველაზე ეფექტურ მეთოდს წარმოადგენს გადახდის დასრულებულად მონიშვნა მხოლოდ მას შემდეგ, რაც ტრანზაქცია მიიღებს სათანადო რაოდენობის დადასტურებას.