კრიპტოინდუსტრიაში ბლოკ-ვაჭრობით ძირითადად ისეთი ორგანიზაციები, ფონდები და მსხვილი ტრეიდერები სარგებლობენ, რომელთაც დიდი მოცულობის აქტივების ერთიანი ტრანზაქციების განხორციელება ესაჭიროებათ. ამ ტიპის ვაჭრობები, როგორც წესი, წარიმართება ბირჟის მიღმა არსებული (OTC) პლატფორმების, ბროკერების ან კოტირების მოთხოვნის (RFQ) სისტემების მეშვეობით. ზოგიერთი სავაჭრო ბირჟა, გარდა ამისა, მომხმარებლებს სთავაზობს ბლოკ-ვაჭრობის სპეციალურ ფუნქციებს, რომელიც უზრუნველყოფს ვაჭრობის შეკვეთების საჯარო წიგნის გვერდის ავლით განთავსების და სავაჭრო ბირჟაზე აღსრულებისა და ანგარიშსწორების შესაძლებლობებს.
გარდა ამისა, ბლოკ-ვაჭრობა უზრუნველყოფს ტრანზაქციის კონფიდენციალურობის შენარჩუნებას. დიდი მოცულობის შეკვეთის საჯარო პლატფორმაზე განთავსებით ბაზრის სხვა მონაწილეებისთვის ხელმისაწვდომი ხდება ინფორმაცია ტრეიდერის სამომავლო გეგმების შესახებ, კერძო წესით განხორციელებული ვაჭრობა კი ამცირებს აღნიშნული ინფორმაციის გამჟღავნების რისკებს.
აღნიშნული ცნებები ერთმანეთთან მჭიდროდ არის დაკავშირებული, თუმცა იდენტური არ არის. OTC ვაჭრობა მოიცავს ნებისმიერ გარიგებას, რომელიც ღია შეკვეთების წიგნის გვერდის ავლით ხორციელდება. ბლოკ-ვაჭრობას კი, უპირველეს ყოვლისა, მისი მასშტაბი და აღსრულების პროცესის ოფიციალურობა გამოარჩევს. აღნიშნული პროცესები, როგორც წესი, სწორედ OTC მექანიზმს ეფუძნება, თუმცა ცალკეულ სავაჭრო ბირჟებს ბლოკ-ვაჭრობისთვის სპეციალური ფუნქციებიც გააჩნიათ. ამრიგად, ბლოკ-ვაჭრობა ყოველთვის მოიცავს დიდ მოცულობებს და მკაცრად განსაზღვრულ სტრუქტურას, თუმცა, ყველა OTC ტრანზაქცია არ არის იმხელა მოცულობის, რომ მას ბლოკ-ვაჭრობა ეწოდოს.
როცა ვაჭრობის ანგარიშსწორება ხდება საწყის ეტაპზე მოთხოვნილი ან განსაზღვრული ფასისგან განსხვავებული ფასით, რ...
ორ მხარეს შორის აქტივებით პირდაპირ, შეკვეთების წიგნის გარეშე ვაჭრობა.
Binance Academy-ს სარედაქციო განყოფილება