Bear დროშის შაბლონი

რა არის Bear დროშა?

როგორ მუშაობს Bear დროშის შაბლონი

Bear დროშის ანატომია

სრული ზომის გამოსახულების სანახავად დააწკაპუნეთ ან შეეხეთ მას:

• დროშის ტარი: აღნიშნავს ფასის სწრაფ და მკვეთრ ვარდნას, რაც ჩვეულებრივ ვაჭრობის მაღალი მოცულობის დროს ფიქსირდება და მიანიშნებს ძლიერ გაყიდვის წნეხზე.
• დროშა: ფასის კონსოლიდაციის ან ოდნავ აღმავალი მიმართულებით მოძრაობის მოკლე პერიოდი, რომლის დროსაც ფასი მოკლე დიაპაზონში მოძრაობს. ჩვეულებრივ, ამ პერიოდში ვაჭრობის მოცულობა მცირდება.

როგორც წესი, დროშის ნაწილში ფასი ოდნავ აღმავალი ან ჰორიზონტალური მიმართულებით მოძრაობს, რაც ასახავს დაღმავალი ტენდენციის დროს დაფიქსირებულ დროებით პაუზას, რადგან ამ დროს აქტიურდება ზოგიერთი მყიდველი ან გამყიდველები შესვენებას იღებენ, თუმცა ეს არ ნიშნავს საერთო ტენდენციის შემობრუნებას.

მოცულობის ტენდენციები

Bear დროშის შაბლონის დადასტურებისთვის მნიშვნელოვანია მოცულობის შაბლონებზე დაკვირვება:

• მოცულობა იზრდება ფასის მკვეთრი ვარდნის დროს (დროშის ტარის ფაზა).

• მოცულობა მცირდება ფასის კონსოლიდაციის დროს (დროშის ფაზა).

• ხშირად მოცულობა კვლავ იზრდება, როდესაც ფასი გასცდება კონსოლიდაციის დიაპაზონს, რითაც დასტურდება დაღმავალი ტენდენციის გაგრძელება.

ფასის მოძრაობის პროგნოზირება

როდესაც ფასი ჩამოსცდება დროშის მხარდაჭერის დონეს, მოძრაობის სავარაუდო მიმართულების პროგნოზირებისთვის გამოიყენება დროშის ტარის სიმაღლე, რომელსაც ემატება მანძილი გარღვევის წერტილამდე.

რამდენ ხანს გრძელდება?

Bear დროშის შაბლონი დროის მოკლე პერიოდში, ჩვეულებრივ რამდენიმე დღიდან რამდენიმე კვირამდე პერიოდში ყალიბდება. თუ პაუზა ძალიან დიდხანს გრძელება, შაბლონმა შეიძლება სხვა, მაგალითად მართკუთხედის ან სამკუთხედის ფორმა მიიღოს.

Bear დროშის შაბლონის იდენტიფიცირება

Bear დროშის შაბლონის იდენტიფიცირებისთვის, ფასის დიაგრამაზე დააკვირდით შემდეგ ნიშნებს:

1. კონსოლიდაციამდე ფასის მკვეთრი და სწრაფი ვარდნა.

2. ფასის ჰორიზონტალური ან ოდნავ აღმავალი მიმართულებით ვიწრო დიაპაზონში მოძრაობის პერიოდი.

3. კონსოლიდაციის დროს ვაჭრობის მოცულობის შემცირება დროშის ტარის პერიოდთან შედარებით.

4. კონსოლიდაციის დიაპაზონის ქვედა ზღვარის გარღვევა.

5. გარღვევის შემდეგ ფასის ვარდნის გაგრძელება, რაც შაბლონის დადასტურებად მიიჩნევა.

მაგალითი და რჩევები

სრული ზომის გამოსახულების სანახავად დააწკაპუნეთ ან შეეხეთ მას:

• Bear დროშას შესაძლოა ყოველთვის არ ჰქონდეს იდეალური მართკუთხედის ფორმა; მისი ძირითადი ელემენტებია ფასის მკვეთრი ვარდნა, რასაც მოსდევს პაუზა.

• შაბლონის ვალიდურობის დასადასტურებლად უმნიშვნელოვანეს როლს ასრულებს ვაჭრობის მოცულობის ანალიზი.

• რაც უფრო ვიწროა კონსოლიდაციის მონაკვეთი, მით უფრო მკაფიოდ აღნიშნავს ის stop-loss შეკვეთების განთავსების დონეებს.

Bear დროშა და Bull დროშა

Bear დროშა დაღმავალი ტენდენციის გაგრძელებაზე მიანიშნებს, ხოლო Bull დროშა აღმავალი ტენდენციის გაგრძელების აღმნიშვნელია. ვაჭრობის მოცულობის შაბლონები შეიძლება განსხვავებული იყოს, რადგან დაღმავალი მოძრაობა ხშირად განპირობებულია შიშით და შფოთვით, რამაც შეიძლება გაზარდოს ვაჭრობის მოცულობა Bear დროშის კონსოლიდაციის მონაკვეთში.

დასკვნა

Bear დროშის შაბლონი ტექნიკური ანალიზის საიმედო ინსტრუმენტია, რომლითაც ხდება ძლიერი დაღმავალი ტენდენციის დროს მოკლე პაუზების იდენტიფიცირება, რაც ტრეიდერებს ეხმარება ფასის ვარდნის გაგრძელების პროგნოზირებაში. ამ შაბლონის ამოცნობის წყალობით, ტრეიდერებს შეუძლიათ უკეთ განსაზღვრონ ვაჭრობის დროები და ფასების მოძრაობის გაგრძელების წერტილები. ფასების დიაგრამების ნებისმიერი სხვა შაბლონის მსგავსად, არც Bear დროშა არ არის იდეალური, ამიტომ ის გამოყენებულ უნდა იქნეს სხვა ინდიკატორებთან და რისკის მართვის სტრატეგიებთან ერთად.