მარტივი მოძრავი საშუალო (SMA)

რა არის SMA?

როგორ მუშაობს SMA-ები?

SMA-ები ეფუძნება აქტივის საშუალო ფასის დაანგარიშებას დროის კონკრეტული პერიოდისთვის, მაგალითად 10, 20 ან 50 დღიანი პერიოდებისთვის. SMA-ს გამოთვლის ფორმულა მარტივია: შეკრიბეთ თქვენ მიერ არჩეული პერიოდების დახურვის ფასები და გაყავით პერიოდების რაოდენობაზე.

მაგალითისთვის გამოვთვალოთ 5-დღიანი SMA. თუ ბოლო ხუთ დღეში დახურვის ფასები იყო $10, $11, $12, $13 და $14, SMA უნდა გამოვთვალოთ შემდეგნაირად: SMA = (10 + 11 + 12 + 13 + 14) / 5 = 60 / 5 = 12. ეს ნიშნავს, რომ 5-დღიანი SMA არის $12. ახალი დახურვის ფასების დამატებისას ხდება ძველი ფასების წაშლა და გამოთვლებიდან ამოღება, შედეგად იქმნება მოძრავი საშუალო რომელიც ასახავს ფასის მოძრაობის უახლეს მონაცემებს.

SMA-ებში არ ჩანს ფასის მოკლევადიანი რყევები და წარმოადგენს გრძელვადიან ტენდენციებს. შედარებით მოკლე პერიოდის SMA, მაგალითად 10-დღიანი SMA, უკეთ გამოკვეთს ფასის უახლეს ცვლილებებს, ხოლო გრძელი პერიოდის SMA, მაგალითად 200-დღიანი SMA, ასახავს გრძელვადიან ტენდენციას.

SMA-ები კრიპტოთი ვაჭრობაში

კრიპტოთი ვაჭრობის დროს SMA-ები შეიძლება გამოყენებულ იქნეს ტენდენციების და ყიდვის და გაყიდვის პოტენციური სიგნალების იდენტიფიკაციისთვის. მაგალითად, თუ Bitcoin-ის ფასი ასცდება 50-დღიან SMA-ს, ეს შეიძლება წარმოადგენდეს აღმავალი ტენდენციის დაწყების ან გაგრძელების ინდიკატორს და შეგვიძლია მივიჩნიოთ ყიდვის სიგნალად. ხოლო თუ ფასი ჩამოსცდება 50-დღიან SMA-ს, ეს შეიძლება იყოს დაღმავალი ტენდენციის დაწყების ან გაგრძელების ინდიკატორი და შეგვიძლია მივიჩნიოთ გაყიდვის შესაძლებლობად.

დასკვნა

მარტივი მოძრავი საშუალო (SMA) წარმოადგენს ტექნიკური ანალიზის ინსტრუმენტს, რომელიც ამარტივებს დროის კონკრეტულ პერიოდში ფასის მოძრაობის მონაცემების წაკითხვას და ეხმარება ტრეიდერებს ტენდენციების იდენტიფიკაციაში. კრიპტოთი ვაჭრობის დროს SMA-ები ხშირად გამოიყენება ტენდენციების და ყიდვის და გაყიდვის პოტენციური სიგნალების იდენტიფიკაციისთვის. ისინი ასევე შეიძლება გამოვიყენოთ სხვადასხვა სავაჭრო სტრატეგიებში.