სტეიკინგის სტანდარტული პროცესი მოიცავს მომხმარებელთა მიერ საკუთარი კრიპტოვალუტების დაბლოკვას, რაც ხშირ შემთხვევაში გახლავთ Ethereum ან რაიმე სხვა PoS-ზე დაფუძნებული ტოკენები, ტრანზაქციების ვალიდაციის და ბლოკჩეინის ერთიანობის შენარჩუნების მიზნით. თუმცა ამ პროცესს გააჩნია საკუთარი უარყოფითი მხარეებიც, რადგან სტეიკინგში გამოყენებულ აქტივებს, როგორც წესი, არ გააჩნიათ ლიკვიდურობა სტეიკინგის პერიოდის განმავლობაში.
ლიკვიდურობის სტეიკინგის მეშვეობით ხდება ტრადიციულ სტეიკინგთან დაკავშირებული ლიკვიდურობის პრობლემის აღმოფხვრა. ის გვთავაზობს მექანიზმს, სადაც მომხმარებლები იღებენ ლიკვიდურობის სტეიკინგის ტოკენებს (LST-ებს) მათ მიერ სტეიკინგში გამოყენებული აქტივების სანაცვლოდ. ეს LST-ები წარმოადგენს როგორც სტეიკინგში გამოყენებულ თანხას, ისე სტეიკინგის შესაბამის ჯილდოებს. ტრადიციული სტეიკინგისგან განსხვავებით, ამ შემთხვევაში მომხმარებლებს თავისუფლად შეუძლიათ საკუთარი LST-ების მეშვეობით ვაჭრობა, მათი გამოყენება დეცენტრალიზებული ფინანსების (DeFi) აპლიკაციების ფარგლებში, ან უზრუნველყოფის სახით, სტეიკინგის პერიოდის დასრულებისთვის ლოდინის საჭიროების გარეშე.
ლიკვიდურობის სტეიკინგის ინოვაციის წინა პლანზე დგას EigenLayer, დეცენტრალიზებული განმეორებითი სტეიკინგის პროტოკოლი, რომელიც შექმნილია Ethereum-ის ქსელზე. EigenLayer მოქმედებს, როგორც Ethereum-ისა და ბლოკჩეინის სხვა ქსელების დამაკავშირებელი ხიდი, რომელიც მომხმარებლებს აძლევს საკუთარი აქტივების სტეიკინგში და განმეორებით სტეიკინგში გამოყენების საშუალებას. ეს პროტოკოლი უზრუნველყოფს ინოვაციური მიდგომის დანერგვას სტეიკინგის სივრცეში და მომხმარებლებს სთავაზობს გაუმჯობესებულ მოქნილობასა და ხელმისაწვდომობას.
მიუხედავად იმისა, რომ ლიკვიდურობის სტეიკინგსა და ლიკვიდურობის განმეორებით სტეიკინგს შორის მსგავსება საკმაოდ დიდია, ასევე დიდია მათ შორის განსხვავებაც. ლიკვიდურობის სტეიკინგი ძირითადად მოიცავს სტეიკინგში გამოყენებული აქტივების ტოკენიზაციის პროცესს, რაც უზრუნველყოფს ლიკვიდურობასა და მოქნილობას სტეიკინგის პერიოდის დასრულების ლოდინის საჭიროების გარეშე. მეორეს მხრივ, ლიკვიდურობის განმეორებითი სტეიკინგის მეშვეობით ხდება ამ კონცეფციის ახალ დონეზე აყვანა, რისთვისაც ხდება ჯილდოების მიღება როგორც Ethereum-ის სტეიკინგის, ასევე EigenLayer-ზე მიმდინარე ოპერაციების ფარგლებში, რაც მომხმარებლებს აძლევს დამატებითი სარგებლის მიღების შესაძლებლობას.
ლიკვიდურობის სტეიკინგის მეშვეობით იცვლება მომხმარებლების ბლოკჩეინის ქსელებთან ურთიერთქმედების პრინციპები. EigenLayer-ის და ლიკვიდურობის განმეორებითი სტეიკინგის კონცეფციების დანერგვა ამ ინოვაციურ მიდგომას უფრო მეტ სიღრმეს და ფუნქციონირების შესაძლებლობებს ანიჭებს. ეს მიდგომა მომხმარებლებს სტეიკინგის ეკოსისტემის ფარგლებში მიმდინარე პროცესებში აქტიური მონაწილეობის საშუალებას აძლევს, ლიკვიდურობის დონის გაუმჯობესებასთან დაკავშირებული უპირატესობებით სარგებლობის პარალელურად.
Proof of Staked Authority, რომელიც წარმოადგენს Proof of Stake და Proof of Authority მექანიზმების გაერთიანებ...
შემოსავლის ფარმინგი გახლავთ მაღალი რისკის შემცველი პრაქტიკა DeFi სივრცეში, რომლის ფარგლებშიც ინვესტორები ბლ...