მთავარი
ლექსიკონი
EIP-4844

EIP-4844

რა არის EIP-4844?

EIP-4844, რომელიც არის „ეთერეუმის გაუმჯობესების შემოთავაზება 4844-ის“ აბრევიატურა, წარმოადგენს Ethereum Cancun-ის განახლების მნიშვნელოვან ნაწილს. EIP-4844 მიზანია ტრანზაქციების სიჩქარის გაზრდა და ღირებულების შემცირება. მოდით დეტალურად განვიხილოთ EIP-4844 და რა სარგებელს მოაქვს მას მომხმარებლებისთვის.

EIP-4844, რომელიც ასევე ცნობილია პროტო-დანკშარდინგის სახელით, წარმოადგენს Ethereum-ის დეველოპერების „ინსტრუმენტების კომპლექტს“, რომელსაც ისინი იყენებენ Ethereum-ის ქსელის გასაუმჯობესებლად. ეს არის შემოთავაზებული განახლება, რომლის მიზანია Ethereum-ის საკომისიოების შემცირება და წამში დამუშავებული ტრანზაქციების რაოდენობის გაზრდა. ამ მიზნის მისაღწევად, EIP-4844 გვთავაზობს ახალი ტიპის ტრანზაქციას, რომლის მიზანია ეგრეთწოდებულ მონაცემების Blob-ებთან ურთიერთქმედება.

როგორ მუშაობს EIP-4844?

თუ Ethereum არის კომპიუტერი, მაშინ IP-4844 წარმოადგენს განახლების ინსტალაციას კომპიუტერის ეფექტურობის გასაუმჯობესებლად. ის წარმოგვიდგენს „Blob-ის შემცველ“ ტრანზაქციებს, ანუ ტრანზაქციებს, რომლებიც შეიცავს მონაცემთა დამატებით Blob-ებს. ამ ტრანზაქციების დამუშავება ხდება Ethereum-ის კომპიუტერის ზედმეტად დატვირთვის გარეშე, რაც უზრუნველყოფს ოპტიმალურ ფუნქციონირებას.

რა არის Blob-ები და რატომ არის ისინი მნიშვნელოვანი?

Blob-ები შეგიძლიათ წარმოიდგინოთ, როგორც Ethereum-ის ტრანზაქციებზე მიმაგრებული ინფორმაციის სპეციალური პაკეტები. ისინი შეგვიძლია წარმოვიდგონოთ, როგორც ტრანაზაქციებზე მიბმული დამატებითი ტვირთი. Blob-ების უნიკალური თვისებაა, რომ ისინი საჭიროა მხოლოდ მცირე ხნით და ისინი არ ჩანს Ethereum-ის ვირტუალურ კომპიუტერზე (EVM). ეს წარმოადგენს მეტი მონაცემების გადატანის ხარჯთეფექტურ საშუალებას ტრანზაქციების გაძვირებისა ან ქსელის შენელების გარეშე.

EIP-4844-ის დანიშნულება: Blob-ების დამაგრება ბლოკებზე

მარტივად რომ ვთქვათ, EIP-4844-ის დანიშნულება მდგომარეობს Ethereum-ის ბლოკებზე Blob-ების მიბმაში. Ethereum-ის კონტრიბუტორის, ბენ ეჯინგტონის თანახმად, „EIP-4844 ამაგრებს Blob-ებს ბლოკებზე“. ამით, EIP-4844 ზრდის ბლოკის მიერ დამუშავებული მონაცემების რაოდენობას, რაც ტრანზაქციებს უფრო სწრაფ და ეფექტურს ხდის.

რატომ არის EIP-4844 მნიშვნელოვანი Ethereum-ის მომხმარებლებისთვის

ბევრი სხვა ბლოკჩეინის პლატფორმის მსგავსად, Ethereum-იც აწყდება მასშტაბირებადობის გამოწვევებს მაღალი საკომისიოებისა და ტრანზაქციების დაბალი სიჩქარის გამო – განსაკუთრებით მაშინ, როდესაც ქსელის ტრაფიკი მაღალია. EIP-4844 მასშტაბირებადობის პრობლემის გადაჭრის ერთ-ერთი გზაა. მისი გააქტიურების შემდეგ, მომხმარებლები შეამჩნევენ გაუმჯობესებას ორ ძირითად სფეროში:

1. უფრო სწრაფი ტრანზაქციები: EIP-4844-ის დახმარებით გაიზრდება Ethereum-ზე განხორციელებული ტრანზაქციების სიჩქარე. ეს შეიძლება შევადაროთ ნელი მატარებლიდან მაღალსიჩქარიან მატარებელზე გადაჯდომას.
2. უფრო დაბალი საკომისიოები: EIP-4844-ის მიერ შემოთავაზებულუი ახალი Blob-ები დამატებითი მონაცემების გადატანის ხარჯთეფექტური საშუალებაა. ეს ნიშნავს, რომ Ethereum-ზე ტრანზაქციების განხორციელება უფრო იაფი დაჯდება, რაც მას უფრო ხელმისაწვდომს გახდის.

EIP-4844: პროტო-დანკშარდინგი დანკშარდინგამდე

EIP-4844 არ არის საბოლოო დანიშნულების ადგილი; ეს უფრო ჰგავს შუალედურ საფეხურს, რომელსაც მივყავართ უფრო მძლავრი სისტემის შექმნისკენ, რომელსაც დანკშარდინგი ეწოდება. ეს არის მომავალი განახლების მოდური სახელი, რისი წყალობითაც Ethereum შეძლებს გაუმკლავდეს უამრავ ტრანზაქციას უსაფრთხოების დონის შემცირების გარეშე. მიუხედავად იმისა, რომ EIP-4844-ის წყალობით შესაძლებელია ტრანზაქციების უფრო სწრაფად და იაფად განხორციელება, ის ასევე მოამზადებს Ethereum-ს კიდევ უფრო საინტერესო მომავლისთვის.
გაიგეთ მეტი: რა არის Ethereum Cancun განახლება?










პოსტების გაზიარება
შესაბამისი ტერმინები
ხელოვნური ინტელექტი (AI)

ხელოვნური ინტელექტი (AI) არის მანქანების ან კომპიუტერული სისტემების ინტელექტი, რომელიც ახდენს ადამიანის მსგ...

opBNB

opBNB მუშაობს, როგორც მე-2 დონის მასშტაბირებადობის მექანიზმი, რომლის მეშვეობითაც ხდება ტრანზაქციების დამუშა...

SRC-20 ტოკენები

SRC-20 ტოკენები იყენებენ Bitcoin მარკების ტექნოლოგიას Bitcoin-ის ბლოკჩეინის გამოყენების გზების რაოდენობის გ...

დაარეგისტრირეთ ანგარიში
თქვენი ცოდნის პრაქტიკაში გამოსაყენებლად გახსენით Binance-ის ანგარიში დღესვე.