ცენტრალიზებული ბირჟა
ცენტრალიზებული ბირჟა (CEX) არის კრიპტოვალუტის სავაჭრო ბირჟის ტრადიციული მოდელი, რომელიც მუშაობს ჩვეულებრივი საბროკერო ან საფონდო ბირჟის მსგავსად. ის არის მესამე მხარის პლატფორმა, სადაც ტრეიდერებს შეუძლიათ ციფრული ვალუტის ყიდვა, გაყიდვა და ამ აქტივებით ვაჭრობა.
CEX-ების არქიტექტურა დამოკიდებულია შუამავლებზე, რომლებიც მართავენ ტრანზაქციის პროცესის ყველა ასპექტს. ეს ცენტრალიზებული სტრუქტურა ინახავს მომხმარებლების კრიპტო აქტივებს და მათ პირად გასაღებებს, რისი საშუალებითაც მათ შეუძლიათ შეინახონ ყველა ტრანზაქციის ჩანაწერი, მართონ მომხმარებლის ანგარიშები და გააკონტროლონ პლატფორმის მუშაობის პროცესი.
CEX-ის ძირითადი მახასიათებლები და უპირატესობები მოიცავს გამოყენების სიმარტივეს, მაღალ
ლიკვიდურობას და დიდი მოცულობის ტრანზაქციების დამუშავების შესაძლებლობას, რაც უზრუნველყოფილია ცენტრალიზებული მართვის მეშვეობით. CEX-ების საშუალებით შესაძლებელია
ფიატის კრიპტოზე გადაცვლა და ისინი ხშირად გვთავაზობს მაღალი დონის სავაჭრო ინსტრუმენტებს, როგორიცაა ფიუჩერსები და
მარჟით ვაჭრობა. გარდა ამისა, მომხმარებლებს, რომელთაც ესაჭიროებათ დახმარება, CEX-ები ხშირად სთავაზობს კლიენტთა მხარდაჭერის სერვისს.
თუმცა, ამ პლატფორმების ცენტრალიზებულ ბუნებას ასევე გააჩნია უარყოფითი მხარეები. მაგალითად, აქტივებისა და გასაღებების ცენტრალიზებულ სისტემაში შენახვის გამო, ისინი წარმოადგენს კიბერშეტევების სამიზნეებს და დაუცველია სისტემური ხარვეზების მიმართ. ასევე, ისინი მოითხოვენ ვინაობის ვერიფიკაციის კომპლექსური პროცედურების გავლას ადგილობრივ რეგულაციებთან შესაბამისობის მიზნით.