ლიკვიდურობა ასახავს, თუ რამდენად მარტივადაა შესაძლებელი აქტივის ყიდვა ან გაყიდვა, მისი საბაზრო ფასის მნიშვნელოვანი ცვლილების გარეშე.
ლიკვიდურობის მნიშვნელობა მისი ვაჭრობასთან დაკავშირებულ ხარჯებსა და ფასების სტაბილურობაზე უშუალო ზეგავლენით განისაზღვრება. ლიკვიდურ ბაზარზე, ტრეიდერს შეუძლია აქტივის ფასზე მინიმალური ზეგავლენით განახორციელოს დიდი მოცულობის ვაჭრობები. არალიკვიდურ ბაზრებზე კი, შესაძლოა ადგილი ქონდეს ფასის ცურვას, რაც გულისხმობს იმას, რომ შესაძლოა მოსალოდნელზე ბევრად დაბალ ფასზე დათანხმება გახდეს საჭირო ან შეკვეთის შევსებას განსაზღვრულზე მეტი დრო დასჭირდეს.
არალიკვიდური ბაზრები კი პირიქით, შედარებით ფართო სპრედითა და ვაჭრობის დაბალი მოცულობით გამოირჩევა. ასეთ დროს მცირე მოცულობის შეკვეთებსაც კი შეუძლია ფასების მკვეთრი ცვლილება გამოიწვიოს, რაც დამატებით რისკებს ქმნის იმ ტრეიდერებისთვის, რომელთაც სასწრაფოდ ესაჭიროებათ აქტივის ყიდვა ან გაყიდვა.
კიდევ ერთი პრაქტიკული ინდიკატორია შემოთავაზება-მოთხოვნის სპრედი. ვიწრო სპრედი, როგორც წესი, მაღალი ლიკვიდურ ბაზარსა და აქტიურ ვაჭრობაზე მიუთითებს, ხოლო ფართო სპრედი დაბალ ლიკვიდურობასთან და შედარებით მაღალ სავაჭრო ხარჯებთანაა ასოცირებული.
საბუღალტრო სფეროში ტერმინი „საბუღალტრო ლიკვიდურობა“ განსხვავებული მნიშვნელობით გამოიყენება და ასახავს ფიზიკური პირის ან კომპანიის უნარს, დაფაროს მოკლევადიანი ფინანსური ვალდებულებები იმ აქტივებით, რომელთა ნაღდ ფულზე კონვერტაციაც მარტივადაა შესაძლებელი. აღნიშნული ცნება მკვეთრად განსხვავდება საბაზრო ლიკვიდურობისგან, რომელიც ფინანსურ ბაზრებზე აქტივების ყიდვა-გაყიდვის სიმარტივესა და სიჩქარეზეა ორიენტირებული.
კრიპტოვალუტებით სავაჭრო ბირჟა, სადაც მომხმარებლებს შეუძლიათ მონეტების ყიდვა და გაყიდვა.
აქტივების ყიდვა და გაყიდვა სხვადასხვა ბაზარზე, აქტივის ფასებს შორის სხვაობით სარგებლის მიღების მიზნით.
აქტივის შეფასება მისი საბაზისო მახასიათებლების საფუძველზე, მისი რეალური ღირებულების დასადგენად.