TrueUSD (TUSD)

რა არის TrueUSD (TUSD)?

TUSD დაფუძნებულია ფართოდ გავრცელებულ ERC-20 ტოკენის სტანდარტზე, რის გამოც ის თავსებადია მრავალ ბლოკჩეინის ქსელთან და დეცენტრალიზებულ აპლიკაციასთან (DApp). სხვა სტეიბლკოინების მსგავსად, TUSD-ის მიზანია მომხმარებელს საშუალება მისცეს შევიდეს და დატოვოს კრიპტოვალუტის ბაზარი ტრადიციული საბანკო სისტემებისთვის დამახასიათებელი დროში გაწელილი პროცედურების გარეშე. ინვესტორებს შეუძლიათ პირდაპირ გადაცვალონ TUSD სხვა კრიპტოვალუტაზე. ის ასევე წარმოადგენს კრიპტო და ფიატ-ვალუტების დამაკავშირებელ ხიდს, ამასთანავე მას არ ახასიათებს კრიპტოვალუტების არასტაბილურობა.

როგორ მუშაობს TrueUSD (TUSD)?

TUSD მუშაობს Ethereum ბლოკჩეინზე გაშვებული სმარტ კონტრაქტების გამოყენებით, რაც იძლევა აშშ დოლარის ტოკენიზებული ვერსიის გამოშვების და გატანის საშუალებას.

როდესაც მომხმარებელი ყიდულობს TUSD-ს, მისი საბაზისო სმარტ-კონტრაქტი ავტომატურად ქმნის და უშვებს TUSD-ის ეკვივალენტურ რაოდენობას, რომელიც შემდეგ ემატება ტოკენების ცირკულირებად რაოდენობას.

მეორეს მხრივ, როდესაც მომხმარებელი გადაცვლის საკუთარ TUSD-ს USD-ზე, სმარტ კონტრაქტი მომენტალურად „დაწვავს“ ამ ტოკენებს, შესაბამისად შემცირდება TUSD-ის ცირკულირებადი მარაგი. ამავდროულად, პლატფორმა ამ მომხმარებელს გადაურიცხავს გატანილი TUSD-ის ოდენობის ეკვივალენტურ თანხას აშშ დოლარში.

TUSD-ის გამოყენების ერთ-ერთი უპირატესობა ისაა, რომ შეძენის ან გატანის ტრანზაქციებისთვის საკომისიოები არ გეკისრებათ. კომპანია მოგებას იღებს მის ანგარიშზე განთავსებულ აშშ დოლარებზე დარიცხული საპროცენტო სარგებლის სახით.

რამდენად უსაფრთხოა TrueUSD (TUSD)?

2023 წლის თებერვალში, TUSD გახდა USD-ზე მიბმული პირველი სტეიბლკოინი, რომელმაც დანერგა Chainlink-ის რეზერვების მტკიცებულებაზე (PoR) დაფუძნებული მონეტების ავტომატური დამზადების კონტროლის სისტემა. PoR იძლევა USD-ის რეზერვების ავტომატური გადამოწმების საშუალებას, სათანადო უზრუნველყოფის არსებობის დასადასტურებლად. PoR-ის ინტეგრაციით, TUSD მიზნად ისახავს გააუმჯობესოს მისი სტეიბლკოინების დამზადების პროცესი გამჭვირვალობის, რისკის მართვის და უსაფრთხოების გაუმჯობესების მეშვეობით.

TrueUSD-ის ინტეგრაცია ბლოკჩეინის ქსელებთან

TUSD თავსებადია მრავალ ბლოკჩეინის ქსელთან, რომელთა შორისაა Ethereum, BNB Chain, Aurora, Optimism, და TRON. ეს კროს-ჩეინ თავსებადობა მომხმარებელს აძლევს TUSD-ის სხვადასხვა პლატფორმაზე უპრობლემოდ გადარიცხვის და გამოყენების შესაძლებლობას, რაც აუმჯობესებს მათი გამოყენების პოტენციალს და მათზე წვდომას.


ასევე გაეცანით სტატიას: რა არის სტეიბლკოინი?
პოსტების გაზიარება
დაარეგისტრირეთ ანგარიში
თქვენი ცოდნის პრაქტიკაში გამოსაყენებლად გახსენით Binance-ის ანგარიში დღესვე.