TradFi
TradFi – „ტრადიციული ფინანსების“ აბრევიატურა – ფინანსური სისტემის ტრადიციული ფორმა, რომლითაც მოსახლეობის უმეტესობა ყოველდღიურად სარგებლობს. მაგალითად, შემნახველი ანგარიში, რომელსაც ხსნით ლიცენზირებულ და რეგულირებულ ბანკში, წარმოადგენს TradFi-ს პროდუქტს. იპოთეკები, საბანკო სესხები და ვალუტის გადაცვლის სერვისები TradFi სივრცეს მიეკუთვნება, მას იყენებენ ინდივიდუალური პირები, საინვესტიციო ფონდები და კომერციული ბანკები.
TradFi ხშირად გამოიყენება
ბლოკჩეინის და
კრიპტოს ეკოსისტემაში და როგორც წესი, მას მოიხსენიებენ
DeFi (დეცენტრალიზებული ფინანსების) სივრცესთან შედარების მიზნით, რაც აღნიშნავს
სმარტ კონტრაქტების და ბლოკჩეინების გამოყენებით მოწოდებულ პროდუქტებს და სერვისებს.
თუ TradFi-ს და DeFi-ს ერთმანეთს შევადარებთ აღმოვაჩენთ, რომ მათ შორის დიდი განსხვავებაა. როგორც წესი, TradFi
ცენტრალიზებულია და მასთან წვდომის ბარიერები გაცილებით მაღალია, ხოლო DeFi გვთავაზობს დეცენტრალიზებულ სერვისებს, რომელთა მუშაობა სმარტ კონტრაქტებზეა დაფუძნებული და მასზე წვდომა
კრიპტო საფულის და საკმარისი ოდენობის კრიპტო აქტივის მქონე ნებისმიერ პირს შეუძლია.
ასევე შეგვიძლია ერთმანეთს შევადაროთ TradFi და CeFi (ცენტრალიზებული ფინანსები). CeFi გვთავაზობს ბევრ სერვისს, რომლებიც ხელმისაწვდომია DeFi-ზე, თუმცა მათზე წვდომისთვის მომხმარებლებს ცენტრალიზებული ბირჟების გამოყენება ესაჭიროებათ. მომხმარებლის მიერ საკუთარ პროდუქტებზე წვდომის მეთოდების მხრივ, CeFi ბევრი რამით ჰგავს TradFi-ს. CeFi-ს მომხმარებლებს ესაჭიროებათ ანგარიშის შექმნა და საკუთარი აქტივების
კასტოდიალური სერვისის პროვაიდერებისთვის გადაცემა – ზუსტად ისე, როგორც ეს ხდება TradFi სივრცეში მოქმედ ბანკებში ან ინსტიტუტებში.