TradFi -„ტრადიციული ფინანსების“ (Traditional Finance) აბრევიატურა - წარმოადგენს ფინანსური სისტემის ტრადიციულ ფორმას, რომლითაც მოსახლეობის უმეტესობა ყოველდღიურად სარგებლობს. ის მოიცავს ლიცენზირებული და რეგულირებული ორგანიზაციების ქსელს - მათ შორის საცალო, საინვესტიციო და კომერციულ ბანკებს, სადაზღვევო კომპანიებსა და საბროკერო ფირმებს, რომლებიც ფინანსურ სერვისებს სახელმწიფო ზედამხედველობის ქვეშ უზრუნველყოფენ.
TradFi-ს გავრცელებულ პროდუქტებსა და სერვისებს მიეკუთვნება შემნახველი ანგარიშები, იპოთეკები, სამომხმარებლო სესხები, ვალუტის გაცვლის სერვისები, საბროკერო ანგარიშები და საპენსიო ფონდები. აღნიშნულ სერვისებს ადგილობრივი მარეგულირებელი ორგანოები და ცენტრალური ბანკები მართავენ, ხოლო მომხმარებლებს მათზე წვდომის მისაღებად, როგორც წესი, იდენტიფიკაციის პროცესის გავლის ვალდებულება ეკისრებათ.
მთავარი განსხვავება წვდომისა და კონტროლის მოდელებშია. TradFi, როგორც წესი, ცენტრალიზებულია: ორგანიზაციები მოქმედებენ როგორც შუამავლები, წარმოადგენენ კლიენტთა აქტივების მეურვეებს და ადგენენ კრიტერიუმებს, როგორიცაა საკრედიტო ისტორიის შემოწმება ან ანგარიშზე მინიმალური ბალანსის მოთხოვნა. ამის საპირისპიროდ, DeFi პროტოკოლები, როგორც წესი, ფუნქციონირებს ნებართვის გარეშე. რაც იმას ნიშნავს, რომ თავსებადი კრიპტო საფულისა და საკმარისი ფინანსების მქონე ნებისმიერ პირს შეუძლია მათზე წვდომა და სარგებლობა, პროვაიდერთან რეგისტრაციისა თუ ვინაობის ვერიფიკაციის პროცესის გავლის საჭიროების გარეშე.
TradFi-ს ასევე ადარებენ CeFi-ს, ანუ ცენტრალიზებულ ფინანსებს. ეს ტერმინი აღნიშნავს კრიპტოვალუტის სავაჭრო ბირჟებსა და პლატფორმებს, რომლებიც მომხმარებლებს DeFi-ს მსგავს სერვისებს (როგორიცაა გასესხება, ვაჭრობა და სტეიკინგი) სთავაზობს, თუმცა ფუნქციონირებს ცენტრალიზებული კომპანიების მეშვეობით. TradFi-ს მსგავსად, CeFi პლატფორმების შემთხვევაშიც, მომხმარებელთა მხრიდან საჭიროა ანგარიშის შექმნა და პროვაიდერისთვის მათი აქტივების მეურვეობასთან დაკავშირებული უფლებების მინიჭება. ძირითადი განსხვავებაიმაში მდგომარეობს, რომ CeFi კრიპტო ეკოსისტემის ფარგლებში მოქმედებს, ხოლო TradFi ფიატ ვალუტებსა და ტრადიციულ, რეგულირებად ინსტრუმენტებს იყენებს.
სამომხმარებლო ფასების ინდექსი (სფი) გახლავთ ინდიკატორი, რომლის მეშვეობითაც ხდება ინფლაციის ზეგავლენის განსა...
კრიპტო პროტოკოლი წარმოადგენს წესების და პროცედურების ნაკრებს, რომლითაც ხდება ქმედებების რეგულირება დეცენტრა...
Binance Academy-ს სარედაქციო განყოფილება