კრიპტოგრაფიაში, Nonce ჩვეულებრივ წარმოადგენს შემთხვევით ან ფსევდოშემთხვევით რიცხვს, რომელიც მონაცემებს ემატება მათ შიფრაციამდე ან ჰეშირებამდე, რისი წყალობითაც იდენტური საწყისი მონაცემების დამუშავებით მიიღება განსხვავებული შედეგები.
Proof-of-work მაინინგის დროს მაინერები Nonce-ის კორექტირების მეშვეობით ცდილობენ ვალიდური ჰეშის მოძებნას, რომელიც აკმაყოფილებს ქსელის სირთულის კრიტერიუმებს.
Ethereum-ზე და EVM-თან თავსებად სხვა ბლოკჩეინებზე ტრანზაქციის Nonce არის თანმიმდევრობითი რიცხვი, რომელიც უზრუნველყოფს ტრანზაქციების დანომვრას და დუბლიკატების შექმნის პრევენციას.
Nonce (აბრევიატურა, რაც ნიშნავს „ერთხელ გამოყენებულ რიცხვს“) წარმოადგენს კრიპტოგრაფიულ პროცესებში გამოყენებულ მნიშვნელობას, რომლის დანიშნულებაა მონაცემების ან ოპერაციების უნიკალურობის უზრუნველყოფა და მათი განმეორებით გამოყენების პრევენცია. ბლოკჩეინის ქსელებში Nonce-ები უმნიშვნელოვანეს როლს ასრულებს როგორც მაინინგში, ასევე ტრანზაქციების მართვის პროცესში, თუმცა მათი მუშაობის პრინციპი განსხვავებულია.
მისი მიზანია ჰეშის გენერირება, რომელიც შეესაბამება ქსელის მიმდინარე სირთულის სამიზნე მაჩვენებელს. ჩვეულებრივ ეს ნიშნავს იმას, რომ მისი მნიშვნელობა უნდა იწყებოდეს კონკრეტული რაოდენობის ნულით (ანუ უნდა იყო სამიზნე მაჩვენებელზე დაბალი). რადგან ჰეშირების შედეგის პროგნოზირება შეუძლებელია, მაინერმა წინასწარ არ იცის, თუ რომელი Nonce გვთავაზობს ვალიდურ შედეგს, ამიტომ ისინი განმეორებით ახორციელებენ გამოთვლებს ყველა შესაძლო მნიშვნელობის გამოყენებით, სანამ არ მიიღებენ საჭირო შედეგს.
ვალიდურ Nonce-ს ზოგჯერ „ოქროს Nonce-ს უწოდებენ. მისი მოძებნის შემდეგ ბლოკი იგზავნება ქსელში, სადაც მოწმდება ნოდების მიერ და ემატება ბლოკჩეინზე. ვალიდური Nonce-ის მოძებნის სირთულე უზრუნველყოფს Proof-of-work ქსელების უსაფრთხოებას: ნებისმიერი ბლოკის რომელიმე ჩანაწერის ცვლილების შემთხვევაში საჭირო გახდება ამ და ყველა მომდევნო ბლოკის გამოთვლების ხელახლა ჩატარება.
აღსანიშნავია, რომ Bitcoin-ის ბლოკის სათაურში Nonce-ის ველისთვის გამოყოფილია მხოლოდ 32 ბიტი, რაც იძლევა დაახლოებით ოთხი მილიარდი სხვადასხვა მნიშვნელობის გენერირების შესაძლებლობას. თუ მაინერი ვერ მოახერხებს ვალიდური ჰეშის მოძებნას ამ დიაპაზონში, ის აკორექტირებს სხვა ცვლადებს, მაგალითად დროის ნიშნულს ან დამატებით ველს, სახელწოდებით extraNonce, და თავიდან იწყებს გამოთვლების ციკლს.
Nonce ბლოკჩეინის უსაფრთხოების ფუნდამენტურ ელემენტს წარმოადგენს. Proof-of-work მაინინგის დროს, მისი მეშვეობით ხდება გამოთვლების გართულება, რაც უზრუნველყოფს ისტორიული მონაცემების მოდიფიცირების პრევენციას. ტრანზაქციის მართვის პროცესში, მისი მეშვეობით ხდება თითოეული ტრანზაქციისთვის უნიკალური ნომრის მინიჭება.
მიუხედავად იმისა, რომ ორივე ვარიანტი საერთო წარმომავლობისაა, მათი ფუნქციები განსხვავებულია, რაც დამოკიდებულია ბლოკჩეინზე და კონტექსტზე.
დეცენტრალიზებული ციფრული ლეჯერი, რომელშიც ქრონოლოგიური თანმიმდევრობითაა ჩაწერილი კრიპტოვალუტის ტრანზაქციები...
კრიპტოგრაფიის მეშვეობით დაცული ციფრული ვალუტა, რომელიც გამოიყენება როგორც გაცვლის საშუალება peer-to-peer (P...
კრიპტოვალუტა, რომელიც წარმოადგენს Bitcoin-ის ალტერნატივას. ტერმინი გამოიყენება Bitcoin-ის გარდა სხვა კრიპტო...