ქსელის მხარდაჭერას უზრუნველყოფს FluxNode-ების გლობალური ქსელი. ეს ნოდები დაყოფილია ოთხ დონედ: Cumulus, Nimbus, Stratus და Typhoon, თითოეული მათგანი იყენებს განსხვავებულ აპარატურას. მათი გაშვებისთვის საჭიროა პროტოკოლში გარკვეული რაოდენობის FLUX-ის განთავსება უზრუნველყოფის სახით.
FluxOS არის FluxNode-ების ოპერაციული სისტემა, რომელიც დეველოპერებს აძლევს დეცენტრალიზებული აპლიკაციების ქსელში გაშვების და მასშტაბირების შესაძლებლობას.
FLUX ტოკენი გამოიყენება ნოდის უზრუნველყოფის სახით, სერვისის საფასურის გადახდისთვის, მმართველობაში მონაწილეობისთვის პროტოკოლის დეცენტრალიზებული ავტონომიური ორგანიზაციის მეშვეობით, რომელსაც ეწოდება XDAO.
ცენტრალიზებული პროვაიდერების სერვისებით სარგებლობის ნაცვლად, როგორიცაა AWS ან Google Cloud, გამოთვლებისთვის, მონაცემების შენახვისთვის და ჰოსტინგისთვის Flux იყენებს საზოგადოების მიერ მართულ აპარატურას. ეს მოდელი Flux-ს მიაკუთვნებს DePIN-ის (ფიზიკური ინფრასტრუქტურის დეცენტრალიზებული ქსელების) კატეგორიას, რომელთა რაოდენობა 2023 წლიდან საგრძნობლად გაიზარდა. ეკოსისტემა მოიცავს FluxOS-ს - DApp-ებიისთვის შექმნილ სპეციალიზებულ ოპერაციულ სისტემას, ასევე FluxNode-ებს, რომლებიც ქსელს აწვდიან გამომთვლელ რესურსებს და FLUX ტოკენს, რომელიც წარმოადგენს წახალისებისა და მმართველობის სისტემის ძირითად კომპონენტს.
Cumulus: საბაზისო დონე, აპარატურასთან დაკავშირებული მოთხოვნები ყველაზე დაბალია
Nimbus: საშუალო დონე, საჭიროებს უფრო მაღალი სიმძლავრის მქონე აპარატურას
Stratus: მაღალი დონე, საჭიროა უფრო ინტენსიური სამუშაოებისთვის
Typhoon: უმაღლესი დონე, რომელიც მხარს უჭერს რესურსების ყველაზე მაღალი მოთხოვნების მქონე სამუშაოებს, მათ შორის GPU გამოთვლებსა და ხელოვნური ინტელექტის პროცესებს.
2025 წლიდან Flux-ის ნოდების ქსელი მხარს უჭერს ხელოვნური ინტელექტისა და მანქანური სწავლების პროცესებს, რისი წყალობითაც მისი გამოყენება შესაძლებელი გახდა DApp-ების ჰოსტინგისთვის. უფრო მაღალია ნოდის დონე, მით მეტ ჯილდოს იღებს მისი ოპერატორი.
CLOUD (FluxCloud) არის მომხმარებელზე ორიენტირებული ინტერფეისი Flux Cloud-ისთვის. მისი ინსტრუმენტების პანელის მეშვეობით მომხმარებლებს შეუძლიათ მიიღონ წვდომა ისეთ სერვისებზე, როგორიცაა WordPress ჰოსტინგი და FluxDrive - მონაცემების დეცენტრალიზებული შენახვის სერვისი. ინტერფეისს აქვს მისაწვდომობის ფუნქციები და მისი განახლება რეგულარულად, ახალი სერვისების დამატების პარალელურად ხორციელდება.
HOME (FluxCloud) არის დეველოპერებზე ორიენტირებული ინსტრუმენტების პანელი Flux Cloud-ისთვის. ის უზრუნველყოფს წვდომას გაფართოებულ ინსტრუმენტებსა და ინფრასტრუქტურის ფუნქციებზე, ამიტომ განკუთვნილია ტექნიკური მომხმარებლებისთვის და ნოდების ოპერატორებისთვის, რომლებსაც ესაჭიროებათ საკუთარი სისტემების დეტალური კონტროლი.
რესურსების მიწოდების და ქსელის უსაფრთხოების უზრუნველყოფის სანაცვლოდ, ნოდის ოპერატორებს და მაინერებს შეუძლიათ გამოიმუშაონ ჯილდოები FLUX ტოკენების სახით. ტოკენის მფლობელებს შეუძლიათ მონაწილეობა მიიღონ მმართველობის პროცესში პროტოკოლის დეცენტრალიზებული ავტონომიური ორგანიზაციის მეშვეობით, რომელსაც ეწოდება XDAO, რისთვისაც უნდა წარადგინონ და ხმა მისცენ პროტოკოლის განახლებებთან, საკომისიოების სტრუქტურის ცვლილებებთან და ეკოსისტემის განვითარებასთან დაკავშირებულ შემოთავაზებებს.
FLUX გამოიყენება ნოდის ოპერატორების მიერ უზრუნველყოფის სახით განთავსებისთვის ქსელის ოპერაციებში მონაწილეობის უფლების მისაღებად, FluxCloud-ზე სერვისების საფასურის გადასახდელად და მმართველობაში მონაწილეობის უფლების მისაღებად XDAO დეცენტრალიზებული ავტონომიური ორგანიზაციის მეშვეობით. ნოდის ოპერატორებს და მაინერებს შეუძლიათ გამოიმუშაონ FLUX ტოკენი ქსელის მხარდაჭერის სანაცვლოდ მიღებული ჯილდოების სახით.
FluxNode-ები წარმოადგენს საზოგადოების მიერ მართულ სერვერებს, რომლებიც Flux ქსელს უზრუნველყოფენ გამომთვლელი სიმძლავრით, მონაცემების საცავით და ჰოსტინგ-სერვისით. ოპერატორებმა უზრუნველყოფის სახით ქსელში უნდა დაბლოკონ გარკვეული ოდენობის FLUX. უზრუნველყოფის მოთხოვნები დამოკიდებულია ნოდის დონეზე (Cumulus, Nimbus, Stratus ან Typhoon). სანაცვლოდ ისინი იღებენ FLUX ჯილდოებს, რომლებიც მათი მუშაობის დროის და შეტანილი წვლილის პროპორციულია.
დიახ. Flux მიეკუთვნება DePIN-ის (ფიზიკური ინფრასტრუქტურის დეცენტრალიზებული ქსელების) კატეგორიას, რადგან ის გვთავაზობს აპარატურის ოპერატორების წახალისებას, რომლებიც ქსელს უზრუნველყოფენ გამომთვლელი რესურსებით და მონაცემების საცავით, სანაცვლოდ კი იღებენ ჯილდოებს ტოკენის სახით. ეს მოდელი სხვა DePIN პროტოკოლების მსგავსია, რომლებიც გვთავაზობს უსადენო ქსელების, მონაცემთა საცავის ან გამომთვლელი სიმძლავრის დეცენტრალიზაციას.
FLUX წარმოადგენს Flux ბლოკჩეინის ადგილობრივ ტოკენს, თუმცა ის შეიძლება გადატანილ იქნეს სხვა ბლოკჩეინებზე Fusion კროს-ჩეინ ხიდის მეშვეობით. ეს მფლობელებს აძლებს FLUX-ის სხვადასხვა ბლოკჩეინ-ეკოსისტემებში გამოყენების შესაძლებლობას.
Flux არის ქლაუდ-ინფრასტრუქტურის დეცენტრალიზებული პროტოკოლი, რომელიც გამოთვლების, მონაცემთა შენახვის და ჰოსტინგის პროცესებს ანაწილებს FluxNode-ების გლობალურ ქსელში. FluxOS-ის, ნოდების მრავალდონიანი სტრუქტურის, FLUX ტოკენისა და კროს-ჩეინ ფუნქციონალის მეშვეობით, პლატფორმა მიზნად ისახავს შექმნას საზოგადოების მიერ მართული სისტემა, რომელიც გახდება ცენტრალიზებული ქლაუდ-სერვისების ალტერნატივა. DePIN-ის განვითარების პარალელურად, Flux იკავებს მნიშვნელოვან პოზიციას Web3 ინფრასტრუქტურის სექტორში, თუმცა როგორც ნებისმიერი კრიპტო პროექტის შემთხვევაში, მონაწილეების მიერ მიღებული სარგებელი დამოკიდებულია ქსელის პოპულარობის ზრდასა და ზოგად საბაზრო პირობებზე.
ტრანზაქციების ვერიფიკაცია ბლოკჩეინის ქსელში, რომლის დროსაც ხდება ტრანზაქციების მონაცემების დამატება ბლოკჩეი...
Proof of Work არის კრიპტო კონსენსუსის მექანიზმი, სადაც კრიპტოგრაფიული თავსატეხების ამოსახსნელად მაინერები ი...
Binance Academy-ს სარედაქციო განყოფილება