Fakeout

Mubtadi
Update shuda Oct 13, 2026

Fakeout Kia Hai?

Fakeout technical analysis (TA) ki ek istilah hai jo aesi qeemat ki tabdeeli ke liye istemal hoti hai jo pehlay trade ka signal deti nazar aati hai, phir foran dusri simt mein tabdeel ho jati hai.
Fakeout ko ghalat breakout bhi kaha jata hai. Yeh us waqt hota hai jab asset ki qeemat chart pattern ya qeemat ke level se barh jaye, aur kuch hi dair baad wapis ho jaye aur un traders ko phansa de jinhon ne is ke ibtidai signal par amal kiya ho.

Fakeout ke Kaam karne ka Tareeqa

Bohat si trading ki hikmat amliyan qeemat ke makhsoos level se barhnay par markooz hoti hain, jaise keh support aur resistance. Ek trader is umeed par trade kar sakta hai keh qeemat usi simt mein agay barhna jaari rakhe gi.

Fakeout mein, qeemat ki tabdeeli ka yeh tasalsul qayim nahi rehta. Qeemat mukhtasir waqt ke liye aagay barhti hai, phr wapis purani hadood mein aa jati hai aur aksar bohat taizi ke sath kam hoti hai.

Is breakout ke doran shamil honay walay traders aksar khasary ki position mein phans jate hain, kabhi kabhi kuch minutes ke andar. Ibtidai tabdeeli ke baad kamzor ya kam hota huwa trading volume is bat ka ishara ho sakta hai keh yeh tabdeeli baqarrar nahi rahe gi.

Traders Fakeout Ke Khatray Ka Bandubast Kaise Karte Hain

Chunkeh tabdeeliyan achanak nuqsanat ka sabab ban sakti hain, bohat se traders shamil hone se pehle is se nikalne ka mansuba tayar karte hain. Pehlay se stop loss order ko tarteeb dena bunyadi khatray ka bandubast karne ka ek amoomi hissa hai.
Traders aam tor par ek wahid trade mein lgaye jane walay sarmaye ko bhi mehdood karne ki koshish karte hain, jis mein se aksar apne mojmui funds ki ek mamooli percentage khatray mein dalne ka intikhab karte hain. 1% trading ka usool is ki ek achi misal hai: is mein tajweez di jati hai keh har trade soch samajh kar ki jaye taa keh agar aap ka stop loss amal mein aa jata hai, to aap ko apne puray account ki value ka 1% se ziada nuqsan nahi ho ga. Is se mutaliq mazeed tafseel ke liye, aap position sizing se mutalliq Academy guide dekh sakte hain.
Ek aur aam tareeqa yeh hai keh trade karne shuru karne se pehlay mutadid technical isharon ki janib se tasdeeq ka intizar kiya jaye, ya level se aagay barhne wali qeemat ko dobara test kiya jaye. Ek wahid signal kafi nahi ho sakta, lekin kai isharon ka ek hi simt mein ishara karna is baat ki mazboot daleel ka sabab ban sakta hai. Is ke bawajood, fakeout ki peshgoi karne ke liye koi mustanad tareeqa nahi hai.

Crypto Markets mein Fakeouts

Fakeouts kisi bhi market mein zahir ho sakte hain, lekin crypto mein in ke dekhe janay ka imkaan ziada hota hai. Ziada volatility, kuch trading ke joron mein kam tareen liquidity, aur rujhan mein fori tabdeeliyan bhi asset ki qeemat ke resistance levels par wapis kam honay se pehlay mukhtasir waqt ke liye aagay barhne ka sabab ban sakti hain. Achanak milne wali khabrein ya barre orders bhi aesi mukhtasir waqt ki hamil tabdeeliyon ka sabab bante hain jo barqarrar nahi rahtein, jis ki waja se aksar traders ek tabdeeli honay par ehtiyat se kaam lete hain.

Mazeed jaanein: Techinal Analysis Kia Hai?
Posts share karein
Mutaliqa Glossaries
Exchange

Cryptocurrencies ke liye ek marketplace jahan users coins ki khareed o farokht kar sakte hain.

Taker

'Taker' ek fard hota hai jo aisa order place karne ka faisla karta hai jo order book par kisi mojooda order...

Bollinger Bands

Ek technical analysis ka indicator jo market ki volatility ko measure karta hai. Ye do sidelong bands aur e...

Binance Academy Editorial

Editorial Team
Editorial Policy
Account register karein
Aaj hi Binance ka account khol kar apnay ilm ka amli tor par istemal karein