Негизги жыйынтыктар
Enso бул борборсуздаштырылган негизги блокчейн катмарынын тармагы, ал иштеп чыгуучулардын акылдуу келишим менен бир нече блокчейндер жана бириктирүүчү катмарлар боюнча өз ара аракеттенүүсүн жөнөкөйлөтүү үчүн иштелип чыккан.
Протокол Tendermint консенсусун колдонот жана ар кандай чынжырлардагы акылдуу келишимдер үчүн аткарылуучу байткодду түзүп, координациялоочу катмар катары иштейт.
Тармакта төрт катышуучу роль бар: керектөөчүлөр, аракет провайдерлери, граферлер жана валидаторлор.
Enso жалпы тармак абалын киргизет, анда аракеттер деп аталган акылдуу келишимдердин абстракциялары иштеп чыгуучулар тарабынан кошулат жана граферлер тарабынан аткарылуучу чечимдерди түзүү үчүн айкалыштырылат.
Enso деген эмне?
Enso бул борборсуздаштырылган негизги блокчейн катмарынын тармагы, ал иштеп чыгуучулардын акылдуу келишим менен бир нече блокчейндер, бириктирүүү катмарлар жана аппчейндер боюнча өз ара аракеттенүүсүн жөнөкөйлөтүү үчүн иштелип чыккан. Протокол координация катмары катары иштеп, көптөгөн блокчейндердеги акылдуу келишимдерди туташтырат, бул иштеп чыгуучуларга татаал техникалык маселелерге кирбестен, ар кандай экосистемаларда колдонмолорду түзүүгө жардам берет.
Enso эки негизги концепцияны тааныштырат: ниеттер жана аракеттер. Ниеттер иштеп чыгуучуларга же колдонуучуларга эмне кылгысы келээрин сүрөттөп берүү мүмкүнчүлүгүн берет, мисалы, токендерди алмаштыруу же активдерди чынжырлар арасында которуу, бардык техникалык кадамдарды так аныктоонун зарылдыгы жок.
Аракеттер болсо чакан операцияларды билдирет, мисалы, токендерди жөнөтүү же активдерди стейкинг кылуу. Тармак ниеттерди аткаруу үчүн керектүү аракеттерди бириктирип, натыйжалуу иштетет. Enso татаал блокчейн операцияларын ниеттерге негизделген суроолорго айландырып, борборсуз колдонмолорду колдонууга жеңил жана колдонуучу үчүн ыңгайлуу кылууну көздөйт.
Enso кантип иштейт
Жалпы тармак абалы
Enso'нун жалпы тармак абалы ар кандай блокчейндердеги акылдуу келишимдерди жана бириктирүүчү катмарларды камтыган глобалдык маалымат базасы катары иштейт. Бул иштеп чыгуучуларга ар бир блокчейн үчүн өзүнчө интеграцияны башкаруунун ордуна, бирдиктүү, ырааттуу маалымат булагынан иштөөгө мүмкүндүк берет.
Ар бир акылдуу келишим аткарылуучу байткодду түзүү үчүн зарыл болгон бардык реквизиттери камтылган бирдик катары жазылат, бул блокчейндер акылдуу келишимдердин көрсөтмөлөрүн иштетүү жана аткаруу үчүн колдонгон төмөнкү деңгээлдеги код. Ар бир жеке бирдик ошондой эле ылайыктуу чынжыр ID менен байланыштуу, ошондо тармак анын кайсы чынжырга жайгаштырылганын билет.
Мисалы, Aave'нин Ethereum'дагы насыя берүү протоколу жеке бирдик катары сакталат, жана ага «насыя берүү» аракет түрү берилет. Эгерде иштеп чыгуучу бир нече чынжырдагы насыя берүү протоколу менен иштегиси келсе, Enso жалпы тармак абалы ичинен керектүү компоненттерди автоматтык түрдө топтоп, аны аткаруу үчүн байткодду түзө алат. Бул ыкма татаал акылдуу келишимдердеги өз ара аракеттерди стандартташтырылган жана кайра колдонулчу компоненттерге айландыруу аркылуу көп блокчейндүү платформа иштеп чыгуу процесстерин жөнөкөйлөтүүгө жардам берет.
Тармак катышуучулары
Enso'нун дизайны төрт негизги катышуучуга негизделген, ар бири талаптарды иштетүү жана тармакты туруктуу иштетүүдө өзүнчө роль ойнойт:
Керектөөчүлөр
Enso тармагына ниеттерин тапшырган акыркы колдонуучулар же иштеп чыгуучулар. Алар кандай натыйжага жетүүнү каалай турганын сүрөттөшөт, мисалы, токендерди своп кылуу же DeFi операциясын аткаруу жана тармакка аны кантип аткараарын чечишине жол беришет.
Аракет провайдерлери
Аракет провайдерлери кайра колдонулуучу акылдуу келишим модулдарын камсыз кылган иштеп чыгуучулар. Бул аракеттер конкреттүү блокчейн операцияларынын кантип иштээрин сүрөттөйт жана ар кандай колдонуучунун ниеттерин аткаруу үчүн бириктирилиши мүмкүн.
Граферлер
Enso'нун жалпы тармак абалы аркылуу тиешелүү аракеттерди бириктирүү үчүн издеген атайын катышуучулар. Алар колдонуучунун ниети үчүн мүмкүн болгон эң жакшы натыйжаны берүүчү оптималдаштырылган, аткарылуучу байткодду түзүшөт.
Валидаторлор
Тармактагы сунушталган чечимдерди ырастоо үчүн жооптуу блокчейн түйүндөрү. Алар блокчейндер боюнча түзүлгөн байткодду симуляциялап, сынап, анын туура иштешин камсыздап, эң натыйжалуу жана коопсуз аткаруу чечимин тандашат.
Enso иш процесси адатта төмөнкү кадамдардан турат:
Ниет түзүү: колдонуучу тармакка каалаган натыйжасын көрсөтүүчү ниет жиберет, мисалы токен своп же насыя берүү операциясы, бирок анын кантип аткарылаарын так көрсөтпөйт.
Аракетти кошуу: аракет провайдерлери кайра колдонууга боло турган акылдуу келишим абстракцияларын жарыялайт, алар айрым операциялардын, мисалы своптор же депозиттердин кантип аткарылаарын аныктайт.
Жол табуу: граферлер жалпы тармак абалын анализдеп, тиешелүү аракеттерди бириктирип, ниетти эң натыйжалуу жол менен аткарган байткодду түзүшөт.
Валидация: валидаторлор сунушталган байткодду блокчейн айрымы абалында симуляциялап, анын туура жана коопсуз аткарылаарын камсыз кылышат жана негиздүү абал өзгөрүүлөрүн тастыкташат.
Чечимди тандоо: тармак бардык негиздүү чечимдерди салыштырып, эң жакшы натыйжа жана эң төмөнкү чыгым көрсөткөн чечимди тандайт жана калгандарын четке чыгарат.
Аткаруу: жеңүүчү чечим түздөн-түз аткаруу үчүн колдонуучуга кайтарылат. Байткоддогу аткаруу акысы аукцион системасы аркылуу бөлүштүрүлөт, бул граферлерди, валидаторлорду жана аракет провайдерлерди ENSO токендери менен сыйлайт.
Колдонуу учурлары
Walrus борборсуздаштырылган жана өлчөнүүчү маалымат сактоочуларын талап кылган колдонмолорду колдоо үчүн башка блокчейндер менен интеграциялоого болот, анын ичинде:
DEX'тер жана агрегаторлор: Enso жөнөкөй бириктирилген операцияларды колдонуу менен ликвиддүүлүктү камсыздоодогу тоскоолдуктарды азайта алат, бул колдонуучуларга позицияларын оңой жылдырууга жана ликвиддүүлүктү оптималдаштырууга мүмкүндүк берет.
Капчыктар: капчык платформалары Enso аркылуу токен своп, кроссчейн которуулар жана DeFi мүмкүнчүлүктөрүнө түз жетүүнү сунуштап, колдонуучулардын активдерин натыйжалуу колдонууга мүмкүндүк берет.
Стейблкоиндер: долбоорлор токендерди бирден чыккан булактан минтинг кылып, чынжырлар арасында коопсуз көпүрө болуп өткөрө алышат. Бул бир нече тармакта пайда алып келүүчү стейблкоиндерди кошумча жеке келишимдерди жайгаштырбай эле ишке киргизүүгө мүмкүндүк берет.
Vault депозиттери: платформалар депозит үчүн каалаган токенди кабыл алып, vault'тарды көчүрүүнү жөнөкөйлөтө алышат, бул капиталды өз экосистемасында сактап, колдонуучулардын катышуусун жогорулатат.
Маркет мейкерлер: Enso аркылуу DEX базар кылууну, арбитраж операцияларын жана ликвиддүүлүк пулдарын кайра тең салмактоону автоматтык түрдө жүргүзүүгө болот. Анын базар шарттарына автоматташтырылган жооптору капиталдын натыйжалуулугун жакшыртууга жардам берет.
ENSO токени
ENSO – бул Enso протоколунун негизги токени, анын максимум запасы 127 339 703 токен. Ал убакыттын өтүшү менен акырындык менен төмөндөп, он жылдан кийин толугу менен токтоп турган көзөмөлдөнгөн инфляциянын графигин карманат. Ал экосистеманын ичинде көптөгөн максаттар үчүн колдонулат, анын ичинде:
Башкаруу: ENSO токен актив ээлери протоколду жаңыртуу жана акылдуу келишимдерди жакшыртуу боюнча добуш берүү үчүн токендерин стейкинг кыла алышат. Добуш берүү стейкинг сыйлыктарын бербейт жана сунуштар минималдуу катышууга жеткенден кийин гана ишке ашырылат.
Коопсуздук: ENSO тармактын текшерүүсүн колдоо жана системанын бүтүндүгүн сактоо үчүн стейкинг кылынышы мүмкүн. Валидаторлор стейкинг далили (PoS) механизмин жана симуляциялык куралдарды колдонуп, маалыматтын тууралыгын ырасташат.
Өткөрүп берүү: ENSO актив ээлери стейкинг кылынган токендерин валидаторлорго өткөрүп, текшерүү кирешесинен үлүш алышат. Бул колдонуучуларга тармактын операцияларын колдоого жана валидациялык программаны өздөрү иштетпестен анын сыйлыктарын бөлүшүүгө мүмкүндүк берет.
Enso (ENSO) Binance HODLer эйрдропсунда
2025-жылдын 14-октябрында Binance ENSO'ну Binance HODLer эйрдропс программасындагы 52-долбоор катары жарыялады. 7-октябрдан 9-октябрга чейин өзүлөрүнүн BNB'лерин Simple Earn жана/же блокчейнден алынган пайда өнүмдөрүнө жаздырган колдонуучулар ENSO эйрдропторун алууга укуктуу болушкан. Программа үчүн жалпы 1,75 миллион ENSO токендери бөлүнгөн, бул жалпы баштапкы токен запасынын 1,75% түзөт.
ENSO Seed теги менен тизмеленген, бул анын USDT, USDC, BNB, FDUSD жана TRY активдердин жуптарында соода кылышын камсыздайт.
Жыйынтыктоочу ойлор
Enso иштеп чыгуучуларга ар кандай блокчейндеги колдонмолорду түзүүнү жана туташтырууну жеңилдетүү үчүн иштелип чыккан. Ниет негизиндеги суроо-талаптарды жана жалпы тармак абалын бириктирүү менен, протокол колдонуучуларга эмне натыйжага жеткиси келгенин сүрөттөөгө мүмкүндүк берет, ал эми тармак кантип жетишүүнү өз алдынча башкарат. Протокол аракет провайдерлерди, граферлерди жана валидаторлорду бириктирип, байткодду чынжырда түзүп жана ырастоого мүмкүндүк берет, бул кол менен интеграциялоону азайтып, акылдуу келишимдердин тармактар аралык өз ара аракеттешүүсүн жакшыртат.
Андан ары окуу
Жоопкерчилик тууралуу эскертүү: Бул материал жалпы маалымат жана билим берүү максатында «кандай болсо, ошондой» шартта берилип, эч кандай өкүлдүктү же кепилдикти билдирбейт. Ал каржылык, укуктук же башка кесипкөй кеңеш катары кабыл алынбашы керек жана кандайдыр бир конкреттүү өнүмдү же кызматты сатып алууну сунуштоого арналган эмес. Сиз тиешелүү кесипкөй кеңешчилерден өз алдынча кеңеш алууңуз керек. Бул макалада аталган айрым өнүмдөр сиздин аймагыңызда жеткиликтүү болбошу мүмкүн. Эгер макалага үчүнчү тараптагы автор салым кошкон болсо, анда ал пикирлер ошол авторго таандык экенин жана Binance Academy'нин позициясын чагылдырбай турганын эске алыңыз. Толугураак маалымат үчүн биздин толук жоопкерчилик тууралуу эскертмебизди окуп чыгыңыз. Санарип активдердин баалары туруксуз болушу мүмкүн. Инвестицияңыздын наркы түшүп же өсүшү ыктымал, ошондой эле салган каражатыңызды толук кайтарып албооңуз да мүмкүн. Инвестициялык чечимдер үчүн толук жоопкерчилик өзүңүздө, ал эми Binance Academy сиз учураган ар кандай чыгымдар үчүн жооп бербейт. Бул материал каржылык, укуктук же башка кесиптик кеңеш катары чечмеленбеши керек. Көбүрөөк маалымат үчүн Колдонуу шарттарыбызды жана Тобокелдик тууралуу эскертүүбүздү караңыз.