Solidity არის ღია კოდის მქონე საზოგადოებრივი პროექტი, რომლის უკანაც Ethereum Foundation-ის მიერ დაფინანსებული გუნდი დგას.
თუ ახლახან შემოაბიჯეთ ბლოკჩეინ და კრიპტოვალუტების სივრცეში, შესაძლოა გაგიჩნდეთ შეკითხვა - „რა არის სმარტ კონტრაქტი?“ სმარტ კონტრაქტი არის ბლოკჩეინის სახელით ცნობილ დეცენტრალიზებულ ქსელზე შენახული კოდის ნაწილი. მარტივად რომ ვთქვათ, სმარტ კონტრაქტის მეშვეობით ხდება სხვადასხვა დავალებისა და ტრანზაქციის ავტომატურად განხორციელება, წინასწარ განსაზღვრული პირობების დაკმაყოფილებისთანავე.
მაგალითად, შეგიძლიათ კონტრაქტში გაწეროთ პირობა, რომლის მიხედვითაც, განსაზღვრულ დროს, კრიპტოვალუტის კონკრეტული რაოდენობა A პიროვნებისგან B პიროვნებას გადაერიცხება. სმარტ კონტრაქტების მთავარი მახასიათებელი გახლავთ ის, რომ მათი მეშვეობით შესაძლებელია პროცესებში შუამავლების ჩარევის საჭიროების აღმოფხვრა, რაც უზრუნველყოფს ნდობას, გამჭვირვალობას და ტრანზაქციების მაქსიმალურ უსაფრთხოებას.
Solidity, როგორც სმარტ კონტრაქტების წამყვანი პროგრამირების ენა, მნიშვნელოვნად არ განსხვავდება ისეთი ენებისგან, როგორიცაა JavaScript და C++. თუ გაქვთ სკრიპტინგის ან პროგრამირების გამოცდილება, განსაკუთრებით JavaScript-ში, Solidity-ს მუშაობის პრინციპის აღქმა არ გაგიჭირდებათ.
თუმცა, აუცილებლად უნდა აღინიშნოს, რომ Solidity სტატიკური ენაა. Solidity-ის ოფიციალური ვებსაიტზე განთავსებული ინფორმაციის მიხედვით, Solidity არის „სტატიკურად დაწერილი, ნაკვთურა ფრჩხილებიანი პროგრამირების ენა, რომელიც Ethereum-ზე მომუშავე სმარტ კონტრაქტების შესაქმნელად გამოიყენება “.
ეს ნიშნავს, რომ თქვენ უნდა განსაზღვროთ ცვლადების ტიპები (რიცხვები, ბულის ცვლადები, სტრიქონები, თუ მომხმარებლის მიერ განსაზღვრული ტიპები), რადგან ამის მეშვეობით ხდება ტიპის შემოწმება კომპილირების დროს. სხვაგვარად რომ ვთქვათ, სტატიკური ენები ეწოდება ისეთ ენებს, სადაც ცვლადები ცნობილი ხდება კომპილირების დროს (მაგალითად, Java, C ან C++). ნაკვთურა ფრჩხილები არის პუნქტუაციის ნიშანი, რომლითაც აღინიშნება კოდის მონაკვეთები (სადაც შეიძლება განისაზღვროს ცვლადები).
თუ ბლოკჩეინის განვითარების პროცესში საკუთარი წვლილის შეტანა გსურთ ან DeFi სამყაროში ძალების მოსინჯვას აპირებთ, Solidity-ს შესწავლა მშვენიერი დასაწყისია. თუმცა, როგორც ყველა პროგრამირების ენას, Solidity-საც უნიკალური გამოწვევები ახლავს თან. Solidity-ს მეშვეობით სმარტ კონტრაქტების შექმნისას დეველოპერებს მოეთხოვებათ განსაკუთრებული სიფრთხილე ხარვეზების და შეფერხებების თავიდან ასაცილებლად, რადგან ეს შესაძლოა უზარმაზარი ფინანსური ზარალის გამომწვევ მიზეზად იქცეს. მიუხედავად ამისა, ბლოკჩეინ ტექნოლოგიისა და სმარტ კონტრაქტების უწყვეტი განვითარება, Solidity-ს გამოყენების უნარს ტექნოლოგიურ სამყაროში ძვირფას და მნიშვნელოვან ცოდნად აქცევს.
DApp-ები წარმოადგენს აპლიკაციებს, რომლებიც, ცენტრალური მონაცემთა ბაზის ნაცვლად, გაშვებულია კომპიუტერების P2...
სმარტ კონტრაქტები ზოგიერთ ბლოკჩეინის ქსელზე არსებული თვითაღსრულებადი კონტრაქტებია. მათი წესები და პირობები ...
Ethereum-ის ვირტუალური კომპიუტერი (EVM) წარმოადგენს ტურინგის სისრულის პროგრამირებად კომპიუტერს და გამოიყენე...