მიუხედავად იმისა, რომ EIP-7702 ჯერ არ არის გაშვებული, მან უკვე მოიპოვა მნიშვნელოვანი პოპულარობა საზოგადოებაში და ბევრი მიიჩნევს, რომ ის შეძლებს EIP-3074 შეთავაზების ჩანაცვლებას. ამ შემთხვევაში, შესაძლოა მოხდეს EIP-7702-ის ინტეგრირება Ethereum Pectra განახლების ფარგლებში, 2024 წლის ბოლოს.
წარმოიდგინეთ, რომ ბობი არის მიწოდების სერვისის მძღოლი, რომელიც ფლობს სტანდარტულ ავტომობილს და შეუძლია მხოლოდ მცირე ზომის ამანათების გადაზიდვა. ერთ დღესაც, ბობი იღებს დიდი ზომის ამანათის მიწოდების მოთხოვნას. შეკვეთაზე უარის თქმის ნაცვლად, ბობი გადაწყვეტს იქირავოს ავტომობილზე მისაბმელი დამატებითი სატვირთო სათავსო. ამანათის მიწოდების შემდეგ, ის დააბრუნებს მისაბმელ სათავსოს გაქირავების ცენტრში და კვლავ განაგრძობს საკუთარი ავტომობილის სტანდარტულად გამოყენებას.
ამ მაგალითში:
სტანდარტული ავტომობილი არის EOA.
ამანათის მისატანად გასავლელი მარშრუტი კი არის ტრანზაქცია.
ტრანზაქციის დასრულების შემდეგ EIP-7702 ავტომატურად შლის დროებითი კონტრაქტის კოდს და ამით ამცირებს არაავტორიზებული ქმედებების განხორციელების რისკს. ეს უზრუნველყოფს, რომ დამატებითი ფუნქციები ხელმისაწვდომი იყოს მხოლოდ ტრანზაქციის მიმდინარეობისას, რაც ამცირებს შესაძლო ხარვეზებს.
EIP-7702-ის გამოყენება შესაძლებელია მრავალი სხვადასხვა გზით, მაგალითად როცა საჭიროა ტრანზაქციების დაჯგუფება, როდესაც ხორციელდება რამდენიმე მოქმედების გაერთიანება ერთ ტრანზაქციაში. გარდა ამისა, მას გააჩნია გაზის საკომისიოს დასპონსორების მხარდაჭერა, რა დროსაც შესაძლებელია ერთი ანგარიშის მეშვეობით მეორე ანგარიშის ტრანზაქციის საკომისიოს გადახდა.
EOA-ებისთვის სმარტ კონტრაქტების ფუნქციების დროებით მინიჭებით, EIP-7702 შეთავაზებას შეუძლია ხელი შეუწყოს სმარტ კონტრაქტის ფუნქციების უფრო ფართოდ გამოყენებას, EOA-ების შეუქცევად ცვლილებებთან დაკავშირებული უსაფრთხოების რისკების გარეშე.
EIP-7702 შეთავაზებას შეუძლია EOA-ების შეზღუდვების აღმოფხვრა, მათთვის სმარტ კონტრაქტების შესაძლებლობების დროებით უზრუნველყოფის გზით. ამ გზით ხდება უსაფრთხოების დონის გაუჯობესება, რა მიზნითაც იზღუდება სმარტ კონტრაქტის ფუნქციებით სარგებლობის დრო და ისინი ხელმისაწვდომია მხოლოდ ერთი ტრანზაქციის ფარგლებში. გარდა ამისა, შესაძლებელია მეტი მოქნილობის უზრუნველყოფა ტრანზაქციების დაჯგუფების, გაზის საკომისიოს დასპონსორების და სხვა ფუნქციების მეშვეობით.
არ არსებობს საფუძვლიანი მოსაზრება ამ შეთავაზების მომავალთან დაკავშირებით, თუმცა საზოგადოების მხრიდან EIP-7702-ის მნიშვნელოვანი მხარდაჭერა ზრდის მისი 2024 წლის ბოლოს დაგეგმილი Ethereum Pectra განახლების ფარგლებში ინტეგრირების ალბათობას.
Ethereum-ის ბლოკჩეინზე გამოყენებული ფასების განსაზღვრის მექანიზმი, რაც საჭიროა სმარტ კონტრაქტების ოპერაციებ...
EIP-4844, რომელიც ასევე ცნობილია პროტო-დანკშარდინგის სახელით, წარმოადგენს შემოთავაზებულ განახლებას, რომლის ...
Ethereum-ის გაუმჯობესების შემოთავაზება, რომლის მიზანია ტრანზაქციების ავტორიზაციის პროცესების გაუმჯობესება.