Bitcoin: ფულის ახალი ერა

Bitcoin პირველი და ყველაზე პოპულარული კრიპტოვალუტაა. ზოგისთვის ის გადახდის მეთოდია, სხვებისთვის კი ის „ციფრულ ოქროს“ წარმოადგენს.

ის არის დეცენტრალიზებული ციფრული ვალუტა: ის არ არის გამოშვებული და მართული რომელიმე სამთავრობო ან ცენტრალიზებული ორგანიზაციის მიერ.

Bitcoin საშუალებას გაძლევთ გაგზავნოთ და მიიღოთ ციფრული ფული გლობალური peer-to-peer ქსელის მეშვეობით.

ის არის ინტერნეტის ეპოქის ფული: საზღვრებს გარეშე, უსაფრთხო და გამჭვირვალე.

2008 წლის ფინანსური კრიზისის დროს ბანკების და მთავრობების მიმართ ნდობა მინიმუმამდე დაეცა.

ხალხი პანიკამ მოიცვა, რადგან მათი აქტივები უფასურდებოდა, ხოლო ფინანსური ინსტიტუტები კოტრდებოდა.

შემდეგ გამოჩნდა ანონიმური ფიგურა - სატოში ნაკამოტო, რომელმაც წარმოადგინა Bitcoin—ფულის ახალი ფორმა, რომელმაც სამუდამოდ შეცვალა მსოფლიო.

2009 წლის 3 იანვარს განხორციელდა Bitcoin-ის გენეზის ბლოკის მაინინგი. მის კოდში სატოშიმ დაამატა მარტივი, თუმცა ძლიერი მესიჯი:

Bitcoin-ის მუშაობა დაფუძნებულია ბლოკჩეინ-ტექნოლოგიაზე—საჯარო ლეჯერზე, რომელიც ინახება კომპიუტერების განაწილებულ ქსელში.

ბლოკჩეინი შეგვიძლია წარმოვიდგინოთ, როგორც საბუღალტრო წიგნი, სადაც თითოეულ გვერდი (ბლოკი) შეიცავს ტრანზაქციების ჩამონათვალს. თითოეული ბლოკი დაკავშირებულია წინა ბლოკთან, რის შედეგადაც იქმნება უწყვეტი ჯაჭვი.

ტრანზაქციის დამატების შემდეგ მისი მონაცემების შეცვლა შეუძლებელია, რისი წყალობითაც ბლოკჩეინი უსაფრთხო და გაყალბებისგან დაცულია.

ამ ლეჯერის ასლი ინახება ქსელში ჩართულ თითოეულ კომპიუტერში. თუ ელისი ბობს გაუგზავნის 1 BTC-ს, ამ ტრანზაქციის მონაცემები ჩაიწერება ბლოკჩეინზე, რომლის ნახვაც ნებისმიერს შეეძლება, რადგან მოხდება მისი ყველა ასლის განახლება.

მაინერები მძლავრი კომპიუტერების გამოყენებით ხსნიან რთულ მათემატიკურ თავსატეხებს. ვერიფიკაციის ამ სისტემას ეწოდება Proof of Work (PoW).

პირველი მაინერი, რომელიც ამოხსნის თავსატეხს, იღებს ბლოკჩეინზე ახალი ბლოკის დამატების უფლებას და სანაცვლოდ იღებს ჯილდოს ახლად დამზადებული Bitcoin-ის სახით.

მაინინგი უზრუნველყოფს ქსელის უსაფრთხოებას და ბლოკჩეინზე მხოლოდ კანონიერი ტრანზაქციების დამატებას.

ყოველ 4 წელიწადში მაინინგის ჯილდოები ნახევრდება, რის გამოც Bitcoin-ის დამზადების ტემპი ნელდება. ახალი მონეტების გამოშვებაა სრულად შეწყდება, როდესაც მათი რაოდენობა 21 მილიონს მიაღწევს.