کرپٹو Faucet کسے کہا جاتا ہے؟
امواد کا جدول
تعارف
کرپٹو Faucets کیسے کام کرتے ہیں؟ 
کرپٹو Faucets کی کتنی اقسام موجود ہیں؟ 
کرپٹو Faucets میں کس قسم کے خطرات لاحق ہوتے ہیں؟  
اختتامی خیالات
کرپٹو Faucet کسے کہا جاتا ہے؟
ہومآرٹیکلز
کرپٹو Faucet کسے کہا جاتا ہے؟

کرپٹو Faucet کسے کہا جاتا ہے؟

نو آموز
شائع کردہ Jun 14, 2022اپڈیٹ کردہ Sep 29, 2022
4m

TL؛DR

کرپٹو کا Faucet صارفین کو سادہ سے ٹاسکس مکمل کرتے ہوئے کرپٹو کے معمولی انعامات حاصل کرنے کا موقع دیتا ہے۔ اس کا بنیادی تصور اس بات پر مبنی ہے کہ کیسے ایک رستے ہوئے Faucet سے پانی کا ایک قطرہ بھی بالآخر ایک پیالی کو بھر سکتا ہے۔ کرپٹو Faucets کی کئی اقسام پائی جاتی ہیں، جن میں Bitcoin (BTC)، Ethereum (ETH)، اور BNB Faucets شامل ہیں۔


تعارف

ممکن ہے کہ قدیم ترین کرپٹو Faucet ایک Bitcoin Faucet ہے جسے 2010 میں Bitcoin نیٹ ورک کے اس وقت کے نمایاں ڈویلپر Gavin Andresen نے تخلیق کیا تھا۔ اس سے ہر ایسے صارف کو 5 BTC مفت میں ملے جس نے ایک سادہ سے کیپچا کو مکمل کیا۔ اس Bitcoin Faucet نے بالآخر کل 19,715 BTC مفت میں دیے، جوکہ BTC کی ابتدائی ملکیت کو وسیع پیمانے پر تقسیم کرنے میں مددگار ثابت ہوا۔ اس نے Bitcoin کے صارفین کے ابتدائی نیٹ ورک کو تعلیم دینے میں اہم کردار ادا کیا، بعد ازاں جس کے نتیجے میں کرپٹو کرنسی نے بڑے پیمانے پر ترقی حاصل کی۔ 

فطری اعتبار سے، آج کل کسی بھی قسم کے کرپٹو Faucets اتنی بڑی ادائیگیاں نہیں کریں گے کیونکہ Bitcoin اور دیگر کرپٹو کرنسیز کی قیمتوں میں نمایاں طور پر اضافہ ہوا ہے۔ لیکن ابھرتے ہوئے کرپٹو پراجیکٹس کو اب بھی نئے صارفین کو راغب کرنے کی ضرورت ہے، اور ایسے بہت سے لوگ موجود ہیں جو کرپٹو کے بارے میں جاننا چاہتے ہیں۔ کرپٹو Faucets سپلائی اور ڈیمانڈ کو باہم مربوط کرنے میں اہم کردار ادا کرتے ہیں۔

آپ Faucets کو ایسے کوپنز تصور کر سکتے ہیں جو آپ کو کبھی کبھار اپنے فون پر ایک نئی ایپ ڈاؤن لوڈ کرنے یا کسی نئی آن لائن سروس میں داخلہ لینے کے عوض ملتے ہیں۔ لیکن کرپٹو Faucets کے ساتھ، آپ کو چھوٹے چھوٹے ٹکڑوں میں انعام حاصل کرنے کے لیے ٹاسکس مکمل کرنے کی ضرورت پیش آتی ہے۔ اس طرح، نوآموز افراد کے لیے Faucets کا استعمال اپنے کرپٹو کے سفر کے آغاز کا ایک اچھا طریقہ ہے۔


کرپٹو Faucets کیسے کام کرتے ہیں؟ 

کرپٹو Faucets عام طور پر سادہ اور صارف دوست بنائے جاتے ہیں۔ عام طور پر صارفین کو پہلے ڈیجیٹل اثاثہ جاتی سروس کے ساتھ اکاؤنٹ رجسٹر کرنے کی ضرورت ہوتی ہے۔ کرپٹو Faucet کی ایسی مختص کردہ سائٹس اور ایپس بھی موجود ہیں جو سادہ سے ٹاسکس مکمل کرنے والے صارفین کو مفت کرپٹو کی پیشکش کرنے میں خاص مہارت کی حامل ہیں۔ دونوں صورتوں میں، صارفین کے پاس انعامات وصول کرنے کے لیے اپنے کرپٹو والیٹس موجود ہونے چاہئیں اور انہیں بعض اوقات اپنی شناخت کی توثیق مکمل کرنے کے لیے بھی کہا جا سکتا ہے۔

صارفین کو ایسے ٹاسکس مکمل کرنے کی پیشکش کی جاتی ہے جن میں ویڈیوز دیکھنا، آرٹیکلز کا مطالعہ، اشتہارات دیکھنا، گیمز کھیلنا اور کوئزز یا سرویز مکمل کرنا شامل ہو سکتا ہے۔ یہ سروس صارفین کو اپنی جانب دوستوں کو ریفر کرنے کا بھی کہہ سکتی ہے۔ یہ ٹاسکس نسبتاً سیدھے سادے ہوتے ہیں، اور زیادہ تر لوگوں کو انہیں مکمل کرنے میں کسی قسم کی دشواری کا سامنا نہیں ہو گا۔ لیکن، بعض صورتوں میں، ان ٹاسکس زیادہ وقت بھی لگ سکتا ہے۔

مطلوبہ ٹاسکس مکمل کرنے پر، صارفین کو کرپٹو کی مد میں معمولی سی رقم کے انعام سے نوازا جاتا ہے۔ تاہم، اگر آپ مستقل کسی Faucet کا استعمال کرتے ہیں، تو وقت کے ساتھ ساتھ یہ انعامات جمع ہو سکتے ہیں اور مزید بڑی رقم تک پہنچ سکتے ہیں۔ یاد رہے کہ بعض ویب سائٹس اور ایپس صارفین سے اس بات کا تقاضا کر سکتی ہیں کہ وہ انعامات کو نقدی کی صورت میں نکلوانے سے پہلے اپنے انعامات کو کم از کم ایک مخصوص رقم (مثلاً، کرپٹو کی مد میں کم از کم $5) تک جمع ہونے دیں۔


کرپٹو Faucets کی کتنی اقسام موجود ہیں؟ 

کرپٹو Faucets کی درجہ بندی کرنے کا ایک طریقہ انعام کے طور پر ادا کیا جانے والا ٹوکن ہو سکتا ہے۔ ان میں Bitcoin، Ethereum، BNB Faucets، اور مزید بہت کچھ شامل ہیں۔

مثال کے طور پر، Bitcoin Faucets کا استعمال کرتے وقت، صارفین BTC کی سب سے چھوٹی اکائی، یعنی satoshis میں نامزد کردہ انعامات حاصل کر سکتے ہیں۔ کرپٹو Faucet جمع کرنے والی ایسی ویب سائٹس بھی موجود ہیں جو صارف کو اس بابت متعدد آپشنز کی پیشکش کرتی ہیں کہ وہ کس ٹوکن کی صورت میں اپنے انعامات کا دعویٰ کرنا پسند کریں گے۔

کرپٹو Faucets اس لحاظ سے ایئر ڈراپس سے مختلف ہوتے ہیں کہ ایئر ڈراپس انعامی تقسیم کے پہلے سے طے شدہ معمول پر عمل پیرا ہوتے ہیں۔ عام طور پر ایئر ڈراپس کسی خاص پراجیکٹ کے بارے میں آگاہی پیدا کرنے کے لیے ایسے لوگوں کو دیے جاتے ہیں جن کے پاس کوئی مخصوص ٹوکن موجود ہوتا ہے یا جو کرپٹو والیٹ کو استعمال کرتے ہیں۔ 

کرپٹو Faucets ان انعامات سے بھی مختلف ہوتے ہیں، جو کہ بلاک چین پراجیکٹ کے ذریعے شائع کردہ انعامات کے حصول پر مبنی ٹاسکس کی فہرست کے حوالے سے دیے جاتے ہیں۔ انعامات ایک ایسا طریقہ ہیں کہ جن کے ذریعے کوئی بلاک چین پراجیکٹ عوام سے کمیونٹی کی مدد طلب کر سکتا ہے اور تمام ایسے افراد کے لیے کرپٹو کے ایک وقتی انعامات کی پیشکش کرتا ہے جو مخصوص ٹاسکس کو مکمل کر سکتے ہیں۔


کرپٹو Faucets میں کس قسم کے خطرات لاحق ہوتے ہیں؟  

آپ کو کرپٹو Faucets کا استعمال کرتے وقت انتہائی محتاط رہنا چاہیئے کیونکہ اس طرح کی پیشکشوں میں اسکیمز اور دھوکہ دہی عام ہیں۔ کچھ ایسی ویب سائٹس یا ایپس جو کرپٹو Faucets کا روپ دھارے ہوتی ہیں، آپ کے کمپیوٹر کو ایسے مالویئر سے متاثر کر سکتی ہیں جو آپ کی مشین اور اس میں محفوظ ڈیٹا کو نقصان پہنچا سکتا ہے۔ بہتر ہے کہ ہمیشہ DYOR کر لیا جائے اور صرف انہیں معروف برانڈز پر اعتماد کیا جائے جن پر آپ کو بھروسہ ہو۔

ممکنہ طور پر ایک اور نقصان یہ ہو سکتا ہے کہ آپ کو حاصل ہونے والے انعامات اس قدر معمولی ہوتے ہیں یا ٹاسکس مکمل کرنے میں اتنا زیادہ وقت لگتا ہے کہ ان کی کوئی وقعت نہیں رہتی۔ بعض صورتوں میں، صارفین نے اطلاع دی کہ انہیں کرپٹو Faucets میں ایک ہفتے کی فعال شرکت سے انعامات کی مد میں $1 سے بھی کم کرپٹو ملی ہے۔ مثالی طور پر، آپ کو ایسے کرپٹو Faucets تلاش کرنے چاہئیں جو اچھی ساکھ کے حامل ہوں اور جو ممکنہ طور پر کرپٹو کے اس قدر انعامات پیدا کر سکیں جو آپ کے وقت اور کوششوں کے ساتھ انصاف کر سکیں۔


اختتامی خیالات

ابتدائی دنوں کے مقابلے میں کہ جہاں سادہ سے کیپچاز کو حل کرنے کے عوض مفت Bitcoins دیے جاتے تھے، کرپٹو Faucets اب زیادہ پیچیدہ اور متنوع ہو چکے ہیں۔ کرپٹو Faucets کے ساتھ شروعات کرنے کے لیے، یاد رکھیں کہ جامع اور محتاط تحقیق پہلا قدم ہونا چاہیئے۔ 

مبالغہ آمیز وعدوں اور مشکوک نظر آنے والی ویب سائٹس سے ہوشیار رہیں۔ ایسے اچھی ساکھ کے حامل اور مستحکم برانڈز پر ہی بھروسہ کریں جن پر آپ کو اعتماد ہو۔ اگر آپ کرپٹو Faucets کو درست طریقے سے اور مستقل طور پر استعمال کرتے ہیں، تو کرپٹو کی یہ رقم تھوڑی تھوڑی کر کے بالآخر ایک بڑی رقم بن سکتی ہے، بالخصوص اس صورت میں کہ جب آپ کے پاس جمع ٹوکنز کی مالیت مارکیٹ میں بڑھ جاتی ہے۔