Hash Rate
Update shuda Aug 28, 2026 Hash rate us raftar ko kehte hain jis par ek computer
hashing ka hisab lgata hai hai. Bitcoin aur deegar cryptocurrencies ke tanazur mein, Bitcoin ka hash rate kisi mining machine ya puray network ki efficiency aur karkardagi ko zahir karta hai. Yeh batata hai ke hardware valid block hash ka hisab lgane ki koshish mein kitni tezi se kaam kar raha hai.
Mining ka process data ko hash function ke zariye bar bar chalane par mabni hota hai. Miners aese hash ki talash mein hote hain jo makhsus tadaad mein leading zeros ke sath shuru hote hon, yeh hadaf network ke dushwari ke level ki buniyad par tay hota hai. Miner har second jitni zyada computations perform kar sakta hai, utna hi zyada us ke paas sab se pehle valid hash tlash karne aur block reward hasil karne ka imkaan hota hai.
Hash rateki paimayish hashes per second (h/s) mein ki jati hai aur isay SI prefixes ke zariye scale kia jata hai. Sab se aam units yeh hain:
Kilohash (Kh/s): ek second mein hzaron hashes
Megahash (MH/s): millions
Gigahash (GH/s): billions
Terahash (TH/s): trillions
Petahash (PH/s): quadrillions
Exahash (EH/s): quintillions
Zettahash (ZH/s): sextillions
Misal ke tor par, agar koi network har second mein ek trillion hashes calculate kar raha ho, toh us ka hash rate 1 TH/s ho ga. April 2026 tak, Bitcoin network ka hash rate 30-din ki moving average ki buniyad par taqreeban 1 billion TH/s ya 1,000 EH/s hai.
Hash rate ka
mining difficulty ke sath gehra taluq hota hai. Jab mazeed miners network mein shamil hote hain aur Bitcoin ka majmooi hash rate barhta hai, toh Bitcoin ka protocol khudkar tor par dushwari ko upar ki taraf adjust karta hai taa keh block production taqreeban har das minutes mein ek block par barqrar rahe. Yeh khudkar durustagi ka mechanism network ki security ko mazboot banata hai, lekin is ka yeh bhi matlab hai ke kisi miner ka reward hasil karne ka imkaan sirf asli raftar par nahi, balke puray network ke hash rate mein us ke hissay par munhasir hota hai.
Bitcoin ke ibtidayi dino mein, sarifeen personal computers aur GPUs ke zariye mining kar sakte thay.
ASIC miners ( jo khas tor par Bitcoin ke SHA-256 algorithm ke liye tayar kiye gaye hardware thay) ke taaruf se hash rate mein tezi se izafa hua aur aksar participants ke liye GPU mining maashi tor par ghair munasib ho gyi.
1 TH/s: 2011
1 PH/s (1,000 TH/s): 2013
1 EH/s (1,000,000 TH/s): 2016
10 EH/s: 2017
~67 EH/s: July 2019
~970 EH/s: 2026 ke ibtadayi mahine (30-din ki average)
1,441.84 EH/s: September 20, 2025 (all-time high)
Note: Infiradi
mining pools ke hash rates puray network ke hash rate ka sirf ek hissa hote hain. Hash rate energy costs, miners ki munafa bakhsh surat e haal, aur mosami awamil ki bunyad par numayan tor par utar charhao ka shikar ho sakta hai.
Crypto mein hash rate ka kia matlab hai?
Hash rate yeh paimayish karta hai ke ek miner ya network har second mein kitni cryptographic calculations perform karta hai.
Cryptocurrency mining mein, zyada hash rate ka matlab hai ke har second valid block hash tlash karne ki zyada koshishein ki ja rahi hain, jis se block reward hasil karne ka imkaan barh jata hai.
Bitcoin ke hash rate ki paimayish kin units mein hoti hai?
Bitcoin network ka hash rate ki is waqt paimayish exahashes per second (EH/s) mein ki jati hai. Bitcoin ki shuru ki history mein is ki paimayish megahashes (MH/s), gigahashes (GH/s), aur terahashes (TH/s) mein ki jati thi. 2026 ke ibtidayi mahino tak, 30-din ki average taqreeban 970 EH/s par mojood hai.
Hash rate mining difficulty ko kis tarah mutasir karta hai?
Bitcoin har 2,016 blocks ke baad (taqreeban har do hafton mein)
mining ki dushwari ko khudkar tor par adjust karta hai taake 10 minute ka average block time barqrar rakha ja sake. Jab network ke majmooi hash rate mein izafa hota hai, toh dushwari bhi is ke mutabiq barh jati hai, yani network ko fraham ki jane wali computing power se bala tar rehte huwe block schedule ko mustehkam rakha jata hai.
Ab regular computer ke sath Bitcoin ki mining kyun nahi ki ja sakti?
ASIC miners ke taaruf ne (jo khas tor par Bitcoin mining ke liye design kiye gaye application-specific integrated circuits hain) network ke hash rate ko numayan tor par barha diya. Mamooli CPUs aur GPUs, ASICs ki efficiency aur raftar ka muqabla nahi kar sakte, jis ki wajah se aaj ke dour mein Bitcoin ki mining ke liye un ka istemal maashi tor par munasib nahi raha.
Disclaimer: Ye content aap ke liye "jesa hai" ki bunyaad par sirf amoomi maloomat aur taleemi maqaasid ki gharz se pesh kiya giya hai, aur is mein kisi qisam ki numaindagi ya zamanat shamil nahin. Isse mali, qanooni ya deegar qisam ki professional advice nahi samjha jana chahiye, na he is ka maqsad kisi makhsoos product ya service ki khareedari ki tajweez dena hai. Aap ko chahiye keh zati mashware ke liye muta'alqa professional advisors se mashwara lein. Jahan ye content kisi third party contributor ki janib se pesh kia jaye, barahe karam note karein wo khayalat us third party contributor ke hain, aur zaroori nahin ke wo Binance Academy ke mu'aqif ki akasi krte hon. Digital asason ki qeematein gher mustehkum ho sakti hain. Aap ki sarmayakari ki value kam ya ziada ho sakti hai aur ho sakta hai ke aap ko apni lagai gai raqam wapis na mile. Aap ke saramayakari ke faislon ki mukammal zamadari aap par hai aur Binance Academy aap ko hone wale kisi bhi qisam ke nuqsanat ke liye zimadar nahi hai. Mazeed maloomat ke liye, hamari Istemal ki Sharaait, Khatre ki Intibah,
aur Binance Academy ki Sharaait mulahiza karein
.