Bitcoin-ის ჰალვინგის თარიღი: რა ხდება Bitcoin-ის ჰალვინგის შემდეგ?

TL;DR
Bitcoin-ის ჰალვინგით ხდება მაინერების ჯილდოების შემცირება, რაც ზეგავლენას ახდენს მიწოდებისა და მოთხოვნის მაჩვენებლებზე. Bitcoin-ის შემდეგი ჰალვინგი დაგეგმილია დაახლოებით 2024 წლის აპრილში.
ძირითად შემთხვევაში, ეს მოვლენა იწვევს ბაზრის მერყეობის და კრიპტოვალუტის სფეროში განხორციელებული სპეკულაციის შემთხვევების ზრდას.
მაინერებს სჭირდებათ ადაპტირება მოგების შემცირებულ მაჩვენებლებთან, რაც დიდი ალბათობით ზეგავლენას მოახდენს მაინინგის სივრცეზეც.
ამ მოვლენით ხდება ტექნოლოგიური ინოვაციების დანერგვისა და საზოგადოების განვითარების ხელშეწყობა ბლოკჩეინის ეკოსისტემის ფარგლებში.
ჰალვინგი Bitcoin-ს აქცევს გრძელვადიან საინვესტიციო აქტივად, რომელსაც გააჩნია ინფლაციისაგან დაცვის პოტენციალი.
კრიპტოვალუტის სამყაროში სულ რამდენიმე ღონისძიებას თუ აქვს მინიჭებული ისეთივე მნიშვნელობა და პოტენციალი, როგორც Bitcoin-ის ჰალვინგს. ეს ღონისძიება, რომელიც, როგორც წესი ყოველ ოთხ წელიწადში ერთხელ ხორციელდება, მნიშვნელოვან ზეგავლენას ახდენს კრიპტოვალუტის მთელ სივრცეზე, რაც ხშირად სადაო საკითხი ხდება ბლოკჩეინის საზოგადოებისთვის. Bitcoin-ის ჰალვინგის მნიშვნელობის უკეთ აღსაქმელად, უმნიშვნელოვანესია გავიგოთ, თუ რას მოიცავს ის და რატომ არის მიმართული ამ ღონისძიებისკენ ასეთი დიდი ყურადღება და სპეკულაციები.
რა არის Bitcoin-ის ჰალვინგი?Bitcoin-ის ჰალვინგი, რომელიც ასევე ცნობილია, როგორც „Halvening“, არის წინასწარ კოდირებული ღონისძიება, რომელიც ხორციელდება Bitcoin-ის პროტოკოლის ფარგლებში, ყოველ 210,000 ბლოკზე (დაახლოებით ყოველ ოთხ წელიწადში ერთხელ). ამ ღონისძიებით ხდება იმ ჯილდოების შემცირება, რომელსაც იღებენ მაინერები ბლოკჩეინის ტრანზაქციების ვალიდაციის სანაცვლოდ. ეს პროცესი შექმნილია იმისთვის, რომ მოხდეს ახალი Bitcoin-ების გამოშვების პროცესის კონტროლი, მისი იშვიათობის დონის შესანარჩუნებლად, რაც თავის მხრივ უზრუნველყოფს Bitcoin-ის შეზღუდული რაოდენობით მიწოდებას. არსებითად, ჰალვინგის პროცესით ხდება მაინერების მიერ მიღებული BTC ჯილდოების რაოდენობის განახევრება.
2008 წელს, სატოში ნაკამოტოს ფსევდონიმით ცნობილი პირის მიერ გამოქვეყნებულ Bitcoin-ის whitepaper-ში ვხვდებით ინფორმაციას, რომ Bitcoin-ის მარაგი უნდა ყოფილიყო 21 მილიონი მონეტა. ამ ფიქსირებული მარაგის მექანიზმის შემუშავება მოხდა ინფლაციის თავიდან არიდების მიზნით და ისეთი ძვირფასი მეტალების იშვიათობის მოდელის ანალოგიური ფენომენის შესაქმნელად, როგორიცაა მაგალითად ოქრო. ახალი Bitcoin-ების გენერირების სიხშირის რეგულირებით, პროტოკოლში იქმნება დეფლაციური ვალუტა, რომელსაც გააჩნია საკუთარი ღირებულებისა და ფასეულობის დიდი ხნის განმავლობაში შენარჩუნების პოტენციალი.
ამრიგად, ჰალვინგი უმნიშვნელოვანეს როლს თამაშობს ახალი Bitcoin-ების ცირკულაციაში ჩაშვების სიხშირის მაჩვენებლის კონტროლის საკითხში და ამცირებს დროთა განმავლობაში ახალი მონეტების გამოშვების სისწრაფეს. 2009 წელს, როდესაც Bitcoin პირველად ჩაეშვა გამოყენებაში, მაინერები იღებდნენ 50 BTC-ს ბლოკჩეინზე წარმატებით დამატებულ თითო ბლოკზე. 
ჰალვინგის პირველი ღონისძიება განხორციელდა 2012 წელს. შედეგად, მოხდა ბლოკების ჯილდოების შემცირება 25 BTC-მდე. 2016 და 2020 წელს განხორციელებული ჰალვინგის შემდგომი ღონისძიებებით მოხდა ჯილდოების ჯერ 12.5, შემდეგ კი 6.25 Bitcoin-ამდე შემცირება, შესაბამისი თანმიმდევრობით. Bitcoin-ის შემდეგი ჰალვინგის ფარგლებში მოხდება ბლოკების ჯილდოების შემცირება 3.125 BTC-მდე. ამ ღონისძიების სავარაუდო თარიღია 2024 წლის აპრილი (როდესაც ბლოკების სიმაღლე მიაღწევს 840,000-ს).

ბლოკის სიმაღლე
BTC-ის ჰალვინგის თარიღები
ბლოკის ჯილდო (BTC)
BTC-ის ფასი (USD)
BTC-ის გაშვება
გენეზისის ბლოკი
2009 წლის 3 იანვარი
50
N/A
1-ელი ჰალვინგი
210,000
2012 წლის 28 ნოემბერი
25
$12.35
მე-2 ჰალვინგი
420,000
2016 წლის 9 ივლისი
12.5
$650.53
მე-3 ჰალვინგი
630,000
2020 წლის 11 მაისი
6.25
$8,821.42
მე-4 ჰალვინგი
840,000
~2024
3.125
?
მე-5 ჰალვინგი
1,050,000
~2030
1.5625
?
მე-6 ჰალვინგი
1,260,000
~2034
0.78125
?
მე-7 ჰალვინგი
1,470,000
~2038
0.390625
?
მე-8 ჰალვინგი
1,680,000
~2042
0.1953125
?
რა ხდება Bitcoin-ის ჰალვინგის შემდეგ?Bitcoin-ის ჰალვინგის შემდეგ, თქვენი არსებული Bitcoin-ის ჰოლდინგები უცვლელი რჩება. ჰალვინგის პროცესი არ ახდენს პირდაპირ ზეგავლენას თქვენს მფლობელობაში არსებული Bitcoin-ების რაოდენობაზე. თუმცა, ამან შესაძლოა არაპირდაპირი ზეგავლენა მოახდინოს Bitcoin-ის ფასზე და კრიპტოვალუტების ეკოსისტემის სხვადასხვა ასპექტზე. სწორედ ამიტომ იპყრობს ეს მოვლენა ინვესტორების, ტრეიდერების და კრიპტოვალუტის ენთუზიასტების უდიდეს ყურადღებას. ქვემოთ მოცემულია რამდენიმე მიზეზი, თუ რატომ არის Bitcoin-ის ჰალვინგი მნიშვნელოვანი ზოგადად და რატომ უნდა მიაქციოთ ამას ყურადღება:
1. მიწოდებისა და მოთხოვნის მაჩვენებლებიჰალვინგით მცირდება ახალი Bitcoin მონეტების შექმნის სიჩქარე, რაც განაპირობებს მიწოდების მოცულობის შემცირებასაც. ეს, თავის მხრივ, ზეგავლენას ახდენს მიწოდების და მოთხოვნის მაჩვენებლებს შორის არსებულ ბალანსზე, რაც იწვევს Bitcoin-ის საბაზრო ღირებულების ცვლილებას. ძირითადი ეკონომიკური პრინციპების მიხედვით, როდესაც მიწოდების მაჩვენებელი მცირდება, ხოლო მოთხოვნის მაჩვენებელი იზრდება, ან რჩება უცვლელი, დიდია აქტივის ღირებულების გაზრდის ალბათობა. იშვიათობის ზრდასთან დაკავშირებული ეს მოლოდინები, ხშირ შემთხვევაში, იწვევს ინვესტორების ინტერესისა და Bitcoin-ის გარშემო მიმდინარე სპეკულაციების მომატებას.
2. ბაზრის მერყეობაBitcoin-ის ჰალვინგი ოდითგანვე ასოცირდებოდა კრიპტოვალუტის ბაზრის მერყეობის ზრდასთან. ბირჟაზე მოვაჭრეები და ინვესტორები ყურადღებით აკვირდებიან ღონისძიებამდე არსებულ და მის შემდგომ დინამიკას და ცდილობენ იწინასწარმეტყველონ მისი ზეგავლენა Bitcoin-ის ფასზე. ეს მოლოდინი ხშირად უწყობს ხელს ფასის ცვალებადობის და სავაჭრო აქტივობის სიხშირის ზრდას.
3. ზეგავლენა მაინერებზეახალი ბლოკების სანაცვლოდ მიღებული ჯილდოების განახევრება, პირდაპირ ზეგავლენას ახდენს Bitcoin-ის მაინინგის მომგებიანობაზე. ჯილდოების შემცირებამ შესაძლოა მაინერები გარკვეული გამოწვევების წინაშე დააყენოს, ეს განსაკუთრებით ეხება იმ მაინერებს, რომლებიც მუშაობენ ისეთ პირობებში, სადაც ელექტროენერგიის ღირებულება მაღალია, აპარატურა კი - ნაკლებ ეფექტური. მაინერებმა უნდა შეაფასონ საკუთარი ოპერაციების ეფექტურობა ჰალვინგის შემდეგ და შესაბამისად შეცვალონ სტრატეგიები. ეს ხშირ შემთხვევაში იწვევს ცვლილებებს მაინინგის სივრცეში, რადგან შედარებით მცირე მასშტაბზე, ან ნაკლები ეფექტურობით მოქმედ მაინერებს უწევთ ბაზრის დატოვება, ხოლო შედარებით ფართო მასშტაბზე და ფართო რესურსებით მოქმედი მაინერები განაგრძობენ წარმატებით მოღვაწეობას.
4. ტექნოლოგიებისა და საზოგადოების განვითარებაBitcoin-ის ჰალვინგი გახლავთ მნიშვნელოვანი მოვლენა, რომელიც ხშირად იწვევს სხვადასხვა დისკუსიასა და დებატებს ბლოკჩეინის საზოგადოებაში. ამ მოვლენით ხდება დეველოპერებისა და ბაზრის მონაწილეების წახალისება, შეისწავლონ Bitcoin-ის ეკოსისტემის ცვალებადი დინამიკის შედეგად წარმოქმნილი სირთულეების დაძლევის ინოვაციური მეთოდები. ტექნოლოგიური განვითარების ეს სურვილი ხშირ შემთხვევაში ხდება ახალი ინსტრუმენტების, პროტოკოლების და Bitcoin-ის ქსელის მასშტაბირებადობასთან, ეფექტურობასთან, უსაფრთხოებასთან დაკავშირებული ინიციატივების შემუშავების საფუძველი, რაც საბოლოოდ ხელს უწყობს მდგრადობისა და განვითარების ტემპის ხანგრძლივი დროით შენარჩუნებას.
5. ზეგავლენა გრძელვადიან ინვესტიციებზეგრძელვადიანი ინვესტორების შემთხვევაში, Bitcoin-ის ჰალვინგი გახლავთ უმნიშვნელოვანესი მოვლენა, რომელიც ხაზს უსვამს აქტივის როგორც დანაზოგის საშუალების ღირებულებას და დეფლაციურ ბუნებას. ჰალვინგის მექანიზმით წარმოდგენილი პროგნოზირებადი იშვიათობა Bitcoin-ს აქცევს ბარიერად ინფლაციის და ეკონომიკური არასტაბილურობის წინააღმდეგ და შესაბამისად მოიზიდავს იმ ინდივიდებსა და დაწესებულებებს, რომელთაც სურთ საკუთარი საინვესტიციო პორტფოლიოების დივერსიფიკაცია. ჰალვინგი Bitcoin-ს აქცევს ე.წ. ციფრულ ოქროდ და ზრდის მოთხოვნას მასზე, როგორც გრძელვადიან საინვესტიციო აქტივზე, რომელიც ინარჩუნებს ღირებულებას და მოთხოვნას გარკვეული პერიოდის განმავლობაში.
Bitcoin-ის ჰალვინგის უკუთვლის წამმზომიროგორც ზემოთ აღვნიშნეთ, Bitcoin-ის შემდეგი ჰალვინგი სავარაუდოდ განხორციელდება 2024 წლის აპრილში (როდესაც ბლოკების სიმაღლე მიაღწევს 840,000). პროცესისთვის თვალის სადევნებლად, შეგიძლიათ შეამოწმოთ ჰალვინგის უკუთვლის წამმზომი Binance-ის Bitcoin-ის ჰალვინგის გვერდზე.
შეჯამებაBitcoin-ის ჰალვინგი არ გახლავთ მხოლოდ გარკვეული ტექნიკური ცვლილებების განხორციელების პროცესი. ეს გახლავთ კრიპტოვალუტის ეკოსისტემის ფუნდამენტური საყრდენი, რომლითაც იქმნება Bitcoin-ის მომავალი და განვითარების გზა. ჰალვინგის თითოეული ღონისძიების მიმდინარეობისას, მიმდინარეობს აქტიური დისკუსია Bitcoin-ის ღირებულების, შედარებით ფართო მასშტაბზე მისი როლის და მისი, როგორც ციფრული ფინანსების სამყაროს გარდაქმნის საშუალების პოტენციალის შესახებ.
დამატებითი საკითხავირატომ აქვს Bitcoin-ს ღირებულება?
არის Bitcoin-ი დანაზოგის საშუალება?
რა არის და როგორ მუშაობს კრიპტოვალუტის მაინინგი?
პასუხისმგებლობაზე უარის განაცხადი: ეს კონტენტი თქვენთვის წარმოდგენილია „არსებული სახით“ და განკუთვნილია მხოლოდ საინფორმაციო და საგანმანათლებლო მიზნებისთვის, რაიმე სახის რეპრეზენტაციისა თუ გარანტიის გარეშე. იგი არ უნდა იქნას აღქმული, როგორც ფინანსური, იურიდიული ან პროფესიული რჩევა და არ არის განკუთვნილი იმისთვის, რომ რეკომენდაცია გაუწიოს რაიმე სახის კონკრეტული პროდუქტის, ან სერვისის შეძენას. რჩევის მისაღებად უნდა მიმართოთ შესაბამის პროფესიონალ მრჩეველს. რადგან წინამდებარე სტატია მოწოდებულია მესამე მხარის მიერ, გაითვალისწინეთ, რომ მასში წარმოდგენელი შეხედულებები ეკუთვნის მესამე მხარეს და არ წარმოადგენს Binance Academy-ს შეხედულებებს. დამატებითი ინფორმაციის მისაღებად, სრულად გაეცანით აქ წარმოდგენილ პასუხისმგებლობაზე უარის განაცხადს. ციფრული აქტივების ფასები შეიძლება იყოს არასტაბილური. თქვენი ინვესტიციის ღირებულებამ შეიძლება დაიკლოს ან მოიმატოს და შესაძლოა ვერ შეძლოთ ინვესტირებული თანხის დაბრუნება. თქვენ ერთპიროვნულად ხართ პასუხისმგებელი თქვენს საინვესტიციო გადაწყვეტილებებზე და Binance Academy არ არის პასუხისმგებელი თქვენ მიერ განცდილ არანაირ ზარალზე. აქ მოცემული ინფორმაცია არ უნდა იქნას აღქმული, როგორც რაიმე სახის ფინანსური, იურიდიული, ან პროფესიული რჩევა. დამატებითი ინფორმაციის მისაღებად, გაეცანით ჩვენს გამოყენების პირობებსა და რისკის შესახებ გაფრთხილებას.