ჩამოვარდნილი სოლის შაბლონი

მთავარი დეტალები

• ჩამოვარდნილი სოლი არის დიაგრამის bullish შაბლონი, რომელზეც წარმოდგენილია დაღმავალი მიმართულებით მოძრავ ზედა და ქვედა ტენდენციის ხაზები, რომელთა შორის მანძილი მცირდება და საბოლოოდ ისინი ერთმანეთს უკავშირდება.

• ჩვეულებრივ, ამ შაბლონის ფორმირების დროს ვაჭრობის მოცულობა მცირდება და ზრდას იწყებს მას შემდეგ, რაც ფასი ასცდება ზედა ტენდენციის ხაზს.

• თუ ეს შაბლონი დაღმავალი ტენდენციის პერიოდში გამოისახა, ის ფასის შებრუნების სიგნალს წარმოადგენს, ხოლო აღმავალი ტენდენციის დროს გამოსახვის შემთხვევაში, ის მიიჩნევა ტენდენციის გაგრძელების სიგნალად.

როგორ ხდება ჩამოვარდნილი სოლის შაბლონის ფორმირება

ჩამოვარდნილი სოლის შაბლონზე ზედა და ქვედა ტენდენციის ხაზები მოძრაობს დაღმავალი მიმართულებით, თუმცა სხვადასხვა კუთხით: ზედა ხაზი უფრო ციცაბოა, ვიდრე ქვედა, ამიტომ ისინი ერთმანეთს უახლოვდება. ფასის დიაპაზონის შემცირების პარალელურად, კლების თითოეული ეტაპი წინაზე მოკლეა, რაც გაყიდვის მხარის იმპულსის კლებაზე მიანიშნებს.

იმისათვის რომ შაბლონი ვალიდურად ჩაითვალოს, ფასი თითოეულ ტენდენციის ხაზს სულ მცირე ორჯერ უნდა შეეხოს.

შებრუნება ან გაგრძელება

ჩამოვარდნილი სოლი ორ განსხვავებულ სიგნალს გვთავაზობს, რაც დამოკიდებულია იმაზე თუ ტენდენციის რომელ ეტაპზე გამოისახება ის:

• შებრუნების შაბლონი: როდესაც მისი ფორმირება ხდება სტაბილური დაღმავალი ტენდენციის ბოლოს, ეს შეიძლება იმის სიგნალს წარმოადგენდეს, რომ გაყიდვის მხარის წნეხი მცირდება და შეიძლება ფასი აღმავალი მიმართულებით შებრუნდეს. ეს ვარიანტი უფრო ხშირად ფიქსირდება.

• გაგრძელების შაბლონი: როდესაც ჩამოვარდნილი სოლის ფორმირება ხდება აღმავალი ტენდენციის დროს დროებითი კონსოლიდაციის სახით, ის შეიძლება იმაზე მიანიშნებდეს, რომ გარღვევის შემდეგ მოსალოდნელია უფრო ხანგრძლივი აღმავალი ტენდენცია.

როგორ ვივაჭროთ ჩამოვარდნილი სოლის შაბლონის გამოყენებით

ტექნიკური ანალიზის დროს ტრეიდერები ჩამოვარდნილი სოლის შაბლონს შემდეგი მიზნით იყენებენ:

• შესვლის წერტილი: პოზიციის გახსნის პოტენციურ წერტილად მიიჩნევა დრო, როდესაც ფასი ასცდება ზედა ტენდენციის ხაზს, რასაც იდეალურ შემთხვევაში თან ახლავს ვაჭრობის მოცულობის ზრდა.
• Stop-loss: როგორც წესი, Stop-loss შეკვეთის განთავსება ხდება უშუალოდ ბოლო შებრუნების წერტილის ქვემოთ, სოლის შიგნით ან ქვედა ტენდენციის ხაზის ქვემოთ, რაც გვეხმარება ზარალის შემცირებაში იმ შემთხვევაში, თუ გარღვევა არ მოხდა.
• სამიზნე ფასი: პოტენციური სამიზნე ფასის განსაზღვრისთვის, ტრეიდერები ზომავენ შაბლონის დასაწყისში ორ ტენდენციის ხაზს შორის ყველაზე ფართო ვერტიკალურ მანძილს, შემდეგ ამატებენ მანძილს გარღვევის წერტილამდე.

გაითვალისწინეთ, რომ შესაძლოა დაფიქსირდეს ცრუ გარღვევა, რა დროსაც შებრუნებამდე ფასი მოკლე ხნით სცდება ზედა ტენდენციის ხაზს. ხაზებს შორის მოძრაობის პერიოდში მოქმედების დაწყების ნაცვლად დაელოდეთ ფასის ხაზს ზემოთ ასვლას, რაც დაგეხმარებათ ამ რისკის შემცირებაში.

ჩამოვარდნილი სოლი და აღმავალი სოლი

დადებითი და უარყოფითი მხარეები

ჩამოვარდნილი სოლი გთავაზობთ შედარებით კარგად განსაზღვრულ პარამეტრებს: ტენდენციის ხაზები ქმნის ადვილად იდენტიფიცირებად დონეებს, რომლებიც შეიძლება გამოყენებულ იქნეს პოზიციაზე შესვლის, stop-loss შეკვეთების განთავსების და სამიზნე ფასების განსაზღვრის წერტილების ასარჩევად. დაკავშირებული ხაზების სტრუქტურა ქმნის ადვილად იდენტიფიცირებად შაბლონს.

შეჯამება

ჩამოვარდნილი სოლი პოპულარული შაბლონია, რომელიც დაღმავალი ტენდენციის დასრულების ან აღმავალი ტენდენციის დაპაუზების სიგნალს წარმოადგენს. ერთმანეთთან დაახლოებული ტენდენციის ხაზების იდენტიფიცირება, ამ შაბლონის ფორმირების დროს ვაჭრობის მოცულობაზე თვალის დევნება და ფასის ზედა ხაზის ზემოთ გარღვევისთვის დალოდება წარმოადგენს ამ შაბლონის დაფიქსირების დროს შესასრულებელ ძირითად საფეხურებს. როგორც ტექნიკური ანალიზის ნებისმიერი ინსტრუმენტის შემთხვევაში, ანალიზის სხვადასხვა მეთოდების და სათანადო რისკის მართვის კომბინაცია ტრეიდერებს დაეხმარება შაბლონის სწორად შეფასებაში.