Forex (FX)

Mubtadi
Update shuda Sep 14, 2026

Forex (FX) Kia Hai?

Forex (FX), foreign exchange ka mukhaffaf hai, jis se muraad qaumi currencies khareedne aur farokht karne ke liye global market hai.

Duniya ki sab se barri aur sab se ziada liquid maliyati market ke tor par, forex mein rozana trading volume trillions dollars mein hota hai. Is mein hissa lene walay arfad mein infradi retail traders se le kar barre commercial banks sab shamil hotay hain, aur yeh sab mil kar currencies ke darmiyan global exchange rates teh karne mein madad karte hain.

Forex Market ke Kaam Karne ka Tareeqa

Forex market mein, currencies ko joron ki shakal mein quote aur trade kiya jata hai, jaise keh EUR/USD, GBP/JPY, ya AUD/NZD. Jab aap ek jora trade karte hain, to aap moassar tor par ek currency farokht karte huwe dusri currency khareed rahe hote hain. Market sirf fiat money mein mamlaat karti hai, jaise keh British pound, Cnadian dollar, ya Japanese yen.

Forex decentralized hai, yaani is mein trades sirf ek wahid markazi exchange jaise keh New York Stock Exchange (NYSE) ya NASDAQ ke zariye ni ki jatein. Is ke bajaye, kisi ek qanooni idare ki janib se nigrani kiye beghair, duniya bhar mein transactions banks aur electronic brokers ke zariye ki jati hain. Market kaam ke hafte mein din ke 24 ghante khuli rehti hai aur weekend par band hoti hai.

Aaj jis forex ko ham jante hain, wo nisbatan haaliya nizaam hai, jo keh ziada tar 1971 mein Bretton Woods ka nizaam khatam hone par tashkeel dia gaya hai. Is nizaam ne US dollar ko gold se alag kiya gaya aur supply aur demand par mabni floating exchange rates ka nizaam mutarif karwaya gaya.
Forex ki ziada tar sargarmi spot market mein hoti hai, jahan currencies haqeeqi waqt mein exchange ki jati hain. Traders aksar technical analysis, leverage, aur qaleel muddati hikmat amliyan mila kar market ke aam tor par kam margins ke sath kaam karte hain. Derivatives jaise keh futures and forward contracts kafi maqbool mutbadil hain, aur future currency ke rates mein tabdeeliyon ke muqable mein hedging ke liye khaas tor par mufeed hain.

Forex vs. Crypto Markets

Forex market ke sath cryptocurrency ki kafi khasusiyaat mushtarik hain. Dono markets mein liquidity ziada hai, dono markets is zamman mein decentralized hain keh yeh kisi wahid venue tak medood nahi hain, aur dono mein assets ko joron ki shakal mein trade kiya jata hai.

Kuch numaiyan farq bhi mojood hain. Forex sirf government ki janib se jaari karda fiat currencies mein trade karti hai aur hafte ke karoobari auqat ke doran din ke 24 ghante trade karti hai, jab keh cryptocurrency markets mein digital assets shamil hain aur aam tor par musalsal kaam karti hai, jis mein weekends par kaam krna bhi shamil hai. Forex ke kaam karne ke tareeqay ko samajhna crypto ke trade karne ke tareeqay ko samajhne ko aasan bana sakta hai, kiun keh in dono ke darmiyan bohat se bunyadi tasawurat ek dusre se milte hain.

Mazeed jaanein: Cryptocurrency ki Trading mein naye aany walon ke liye Guide
Posts share karein
Mutaliqa Glossaries
Investment par Munafa (ROI)

Ek aisa paimana jo sarmayakari ki karkardagi ka jaeza lene ke liye istemal hota hai. Yeh net munafe aur net...

Mauqa zaya kar dene ka Khauf (FOMO)

Khouf aur bechaini wala aesa ehsas keh shayad aap kisi mumkina profitable mauqe ko miss kar dein ge.

Golden Cross

Aik aesa bullish chart pattern jis mein aik kam muddat wali moving average aik ziyada muddat wali moving av...

Binance Academy Editorial

Editorial Team
Editorial Policy
Account register karein
Aaj hi Binance ka account khol kar apnay ilm ka amli tor par istemal karein