Pagpapaliwanag sa Mga Tipo ng Crypto Wallet

Ano ang crypto wallet?

Sa madaling sabi, ang crypto wallet ay isang tool na pwedeng gamitin para makipag-ugnay sa isang blockchain na network. Maraming uri ng crypto wallet at mahahati sila sa tatlong grupo: ang software hardware, at mga paper na wallet. Depende sa kanilang mekanismo, pwede din silang ituring na hot o cold na wallet.

Ang karamihan sa mga provider ng mga crypto wallet ay base sa software kaya mas madali silang gamitin kesa sa mga hardware na wallet. Ngunit mas ligtas gamitin pag-alternatibo ang mga hardware wallet. Ang mga paper wallet naman ay may "wallet" na naka-print sa kapirasong papel ngunit ang paggamit sa kanila ay tinuturing na lipas na at hindi maaasahan.

Paano gumagana ang my cryptocurrency na wallet?

Salungat sa alam ng nakararami, hindi naman talaga nagtatago ng cryptocurrency ang mga crypto wallet. Ngunit nagbibigay sila ng mga tools na kailangan para makipag-ugnay sa blockchain. Sa ibang salita, ang mga wallet na ito ay kayang mag-generate ng kinakailangang impormasyon para makapagpadala at makatanggap ng cryptocurrency gamit ang blockchain na transaksyon. Bukod sa maraming bagay, ang impormasyong ito ay binubuo ng isa o higit pang mga pares ng pampubliko at pribadong ma key.

Naglalaman din ang wallet ng address o serye ng mga alpabeto at numero na pwedeng i-generate base sa pampubliko at pribadong keys. Ang address na ito, sumakatuwid, at isang ispesipikong "lokasyon" sa blockchain kung saan pwedeng ipadala ang mga coins.Ibig sabihin, pwede mong ibahagi ang address na ito sa iba para makatanggap ng pondo ngunit hinding-hindi mo dapat ibahagi ang iyong pribadong key sa kahit kanino.

Ang pribadong key ay nagbibigay sa'yo ng access sa mga cryptocurrency mo, kahit na anong wallet pa ang iyong gamitin. Kaya kahit na makompromiso ang computer or smartphone mo, pwede mo pa ring ma-access ang iyong pondo sa ibang device kung alam mo ang iyong pribadong key (o seed phrase). Tandaan na hindi naman talaga naaalis ang mga coins mula sa blockchain, inililipat lang sila papunta sa ibang address.

Hot vs cold na mga wallet

Tulad ng sinabi kanina, pwede ring tukuyin ang mga cryptocurrency wallet bilang "hot" o "cold", depende sa kung paano sila pinapatakbo.

Ang hot wallet ay kahit anong wallet na nakakabit sa internet. Halimbawa, kapag gumawa ka ng account sa Binance at magpadala ng pondo sa mga wallet mo, nagdedeposito ka sa hot wallet ng Binance. Ang mga wallet na ito ay madaling i-set up at mabilis na magamit ang mga pondo kaya kaginhawaan ang dala nito sa mga trader at iba pang mga madalas gumamit nito.

Ang mga cold wallet naman ay walang koneksyon sa internet. Sa halip, gumagamit sila ng pisikal na paraan para mag-store ng keys offline kaya hindi sila naaapektuhan ng mga tangkang pag-hack. Dahil dito, mas ligtas gamitin ang mga cold wallets para sa "pag-store" ng iyong mga coin. Ang paraang ito ay kilala bilang cold storage at mainam itong gamitin para sa mga pangmatagalang mga mamumuhunan o mga"HODLers."

Para maprotektahan ang pondo ng mga user, humahawak lang ang Binance ng maliit na porsyento ng mga coins sa mga hot wallet nito. Ang natitira ay itinatago sa cold storage at nakadiskonekta mula sa internet. Mahalagang malaman na ang Binance DEX ay nagbibigay ng alternatibo para sa mga user na ayaw itago ang kanilang pondo sa isang centralized na exchange. Ito ay isang decentralized na plataporma sa pakikipag-trade kung saan meron kang kontrol sa kanilang pribadong keys habang nakikipag-trade nang direkta mula sa kanilang mga cold storage devices (mga hardware na wallet).

Mga software na wallet

Ang mga software na wallet ay maraming uri at ang bawat isa ay may natatanging mga katangian. Halos lahat ay konektado sa internet kahit papaano (hot wallets). Ang mga sumusunod ay mga paglalarawan sa mga pangkaraniwan at importanteng uri: web, desktop at mga mobile na wallet.

Mga web wallet

Pwede mong gamitin ang mga web wallet para ma-access ang blockchain sa mga browser nang hindi nangangailangan magdownload o mag-install ng kahit ano. Kasama dito ang parehong mga exchange na wallet at iba pang wallet provider na base sa browser.

Sa maraming kaso, pwedeng gumawa ng bagong wallet at ng personal n password para mabuksan ito. Ngunit may mga service provider na humahawak at nangangasiwa ng private keys para sa'yo. Bagaman makapagbibigay ito ng kaginwahaan para sa mga hindi sanay na mga user, matutukoy itong mapanganib. Kung hindi mo hawak ang sarili mong private keys, ipinagkakatiwala mo ito sa ibang tao. Para matugunan ang problemang ito, maraming mga web wallet ang nagbibigay kapangyarihan sa mga user na pangasiwaan ang kanilang keys ng buo o sa pamamagitan ng tinatawag na shared control (gamit ang multi-signatures). Importante na tingnan ang teknikal na pangangasiwa ng bawat wallet para mahanap ang pinaka-angkop sa'yo.

Pag gumagamit ng mga cryptocurrency na exchange, dapat mong isaalang-alang ang paggamit ng proteksyon. Nagbibigay ang Binance Exchange ng maraming security features tulad ng pangangasiwa ng device, multi-factor authentication, anti-phishing code at pangangasiwa ng withdrawal address.

Mga dektop wallet

Ang desktop wallet ay isang software na pwedeng i-download at i-execute locally sa iyong computer. Hindi tulad ng ibang web-based na mga bersyon, ang mga desktop wallets ay nagbibigay say'yo ng buong kontrol sa iyong keys at pondo. Kapag nag-generate ka ng bagong desktop wallet, magkakaroon ng file na tinatawag na "wallet.dat" sa iyong computer. Ang file na ito ay naglalaman ng impormasyon sa iyong private key na gagamitin para ma-access ang cryptocurrency address kaya dapat itong lagyan ng personal na password.

Kung ma-encrypt mo ang iyong desktop wallet, kakailanganin mong magbigay ng password sa bawat pagkakataong gagamitin mo ang software para mabasa nito ang wallet.dat na file. Kung mawala mo ang file na ito o malimutan mo ang iyong password, pwede mawalan ka ng access sa iyong pondo.

Kung kaya, napakahalagang i-backup mo ang iyong wallet.dat na file at ilagay ito sa ligtas na lugar. Bilang alternatibo, pwede mong i-export ang private key o seed phrase. Sa paraang ito, pwede mong i-access ang iyong pondo sa ibang device kung sakaling tumigil ang iyong computer o biglang hindi ito ma-access.

Sa pangkalahatan, mas ligtas kung ituring ang mga desktop wallets kaysa sa mga web na bersyon ngunit napakahalaga na ang iyong computer ay ligtas mula sa mga virus at malware bego mo ito i-set up at gamitin ang cryptocurrency wallet.

Mga mobile wallet

Ang mga mobile wallet ay tulad din ng katapat nila sa desktop ngunit dinisenyo para sa mga spartphone na applications. Madali silang gamitin dahil pwede kang tumanggap o magpadala ng crypto sa pamamagitan ng QR code.

Dahil dito, mas mainam gamitin ang mga mobile wallet sa pang-araw-araw na mga transaksyon at mga bayarin kaya pwede silang gamitin sa paggamit ng Bitcoin, BNB, at iba pang uri ng cryptocurrencies. Ang Trust Wallet ay isa sa mga tanyag na halimbawa ng mobile crypto wallet.

Tulad ng mga computer, mahina ang mga mobile device sa mga malisyosong mga app at mga malware infection. Inirerekomenda na i-encrypt ang iyong mobile wallet gamit ang password at mag-backup ka ng iyong mga private keys (o seed phrase) kung sakaling mawala o masira ang iyong smartphone.

Hardware wallets

Ang mga hardware wallet ay pisikal na electronic device na gumagamit ng randome number generation (RNG) para gumawa ng public at private key. Maitatago ang keys na ito sa mismong device na hindi konektado sa internet. Dahil dito, ang hardware storage ay tinuturing na uri ng cold wallet at isa sa mga pinakaligtas na alternatibo.

Bagaman nagbibigay ng matibay na klase ng seguridad laban sa mga online attacks, pwede pa din silang maging peligroso kung hindi mainam ang pagpapatupad ng firmware. Hindi din masyadong user-friendly ang mga hardware wallets at mas mahirap ma-access ang pondo sa mga ito kumpara sa mga hot wallets.

Para mapagtagumpayan ang kakulangan sa accessibility, pwede mong gamitin ang Binance DEX para ikonekta ang iyong device nang direkta sa iyong trading platform. Ligtas itong paraan ng pag-access ng iyong pondo dahil hindi kailangang ilabas ang private keys mula sa device. May ilan ding mga web wallet service na nagbibigay ng parehas na serbisyo at hinahayaan ang mga hardware wallet na maikonekta sa kanilang browser interface.

Isaalang-alang mo ang paggamit ng hardware wallet kung gusto mong mag-hold ng crypto nang matagal na panahon o kung gusto mong mag-hold ng malaking halaga ng cryptocurrency. Sa kasalukuyan, maraming hardware wallet ang may feature kung saan pwede kang gumawa ng sarili mong PIN code para protektahan ang iyong device at recovery phrase - na pwede mong gamitin kung sakalng mawala ang iyong wallet.

Mga paper wallet

Ang paper wallet ay kapirasong papel kung saan ang crypto address at ang private key nito ay naka-QR code at pisikal na naka-print. Ang mga code na ito ay pwede mai-scan para maipatupad ang mga cryptocurrency na mga transaksyon.

May ilang mga paper wallet na website kung saan pwede kang magdownload ng code para magg-generate ng mga bagong address at keys habang offline. Dahil dito, ang mga wallet na ito ay may mas mataas na resistensiya laban sa mga online hacking attacks at pwede silang ituring na alternatibo ng cold storage.

Dahil sa madami itong mga kapintasan, tinuturing din na mapanganib ang mga paper wallet at hindi na ito nirerekomenda. Kung gusto mo pang gamitin ito, dapat maintindihan ang mga peligro. Isang malaking peligro ng paggamit ng paper wallet ay hindi sila angkop sa pagpapadala ng pondo kung parte lamang ng balanse ang ipapadala at hindi ang buong pondo.

Halimbawa, isipin na nag-generate ka ng paper wallet at nagpadala ka ng maraming transaksyon para pondohan ito nang abot sa 10 BTC. Kung nais mong gamitin ang 2 BTC, kailangan mo munang ipadala ang 10 coins sa ibang tipo ng wallet (e.g. desktop wallet)t pagkatapos ay duoon mo lang pwedeng magamit ang parte ng pondo (2 BTC). Pwede mong ibalik mamaya ang natirang 8 BTC sa bagong paper wallet, gamit ang hardware o software na wallet.

Sa teknikal na salita, kung inimport mo ang paper wallet private key sa desktop wallet at ginamit mo ang parte ng pondo, ang natirang coins ay ipapadala sa "panibagong address" na awtomatikong nagegenerate ng Bitcoin na protocol. Kung hindi mo mano-manong i-set ang panibagong address sa kung saan pwede mong kontrolin ito, maaaring mawala ang pondo.

Karamihan sa mga software wallets ngayon ay aasikasuhin ang pagbabago para sa'yo at ipapadala nito ang natirang coins sa isang address na parte ng wallet mo. Ngunit ang mahalagang bagay na kailangang tandaan ay mawawalan ng laman ang iyong paper wallet pagkatapos ipadala ang unang transaksyon - kahit na ano ang halaga nito. Kaya huwag mong asahang magagamit pa itong muli mamaya.

Ang kahalagahan ng mga backup

Magastos ang mawalan ng access sa mga cryptocurrency wallets. Importante na regular ang ag-backup sa kanila. Sa maraming kaso, pwedeng ibackup lang ang wallet.dat na file o ang seed phrases. Mahalaga ang gampanin ng seed phrases tulad ng private keys ngunit mas madali silang pangasiwaan. Kung pinili mo ang password encryption, tandaang mag-backup din ng password.

Pangwakas na ideya

Mahalaga ang gampanin ng mga crypto wallets sa paggamit ng Bitcoin at iba pang mga cryptocurrencies. Sila ay isa sa pinaka-basic na parte ng imprastraktura na ginagawang posible ang pagpapadala at pagtanggap ng pondo sa blockchain networks. Ang bawat uri ng wallet ay may benepisyo at kakulangan kaya mahalagang maintindihan kung paano sila gumagana bago mo ilipat ang iyong pondo sa mga ito.