TL;DR
Ang Multichain ay isang platform sa pag-bridge para sa mga cryptocurrency at NFT sa iba't ibang blockchain. Ang Multichain, na dating kilala bilang Anyswap, ay nagbibigay-daan sa mga user na mag-bridge sa pamamagitan ng mga naka-peg na token o liquidity pool. Tutukuyin ng Router ng Multichain ang pinakamagandang paraan para sa coin na gusto mong i-bridge.
Para sa mga coin na may mga native token sa maraming chain, magsa-swap ang Multichain ng mga cryptocurrency sa iba't ibang chain gamit ang mga liquidity pool. Kung walang native coin, ila-lock ng Multichain ang token sa isang smart contract at magmi-mint ito ng naka-peg na token sa target na chain.
May sariling token ang Multichain, ang MULTI, na gagana bilang governance token sa nalalapit na hinaharap. Ang mga may hawak ng ANY, ang dati nitong governance token bilang Anyswap, ay puwedeng magpa-convert nito sa MULTI nang 1:1.
Panimula
Kung naghahabol ka ng mga pamumuhunan o yield sa iba't ibang blockchain, malamang na pamilyar sa iyo ang Multichain. Isa ito sa mga pinakasikat na proyekto para sa pag-bridge ng mga token na available. Kung wala ito, wala ang simpleng karanasan sa kasalukuyan kapag tumatawid ng chain. Hangga't hindi nagsisimulang mag-alok ng mga sariling multi-chain na kakayahan ang mga proyekto, patuloy na magiging mahalaga ang mga serbisyong tulad ng Multichain. Tingnan natin kung paano naiiba ang Multichain sa iba pang bridge at ang mechanics kung paano ito gumagana.
Ano ang Multichain?
Ang Multichain ay isang open-source na cross-chain router protocol (CRP) na nagbibigay-daan sa mga user na mag-bridge ng mga token sa iba't ibang blockchain. Itinatag ang proyekto noong Hulyo 2020 at, mula noon, naging Multichain na ang brand nito. Nagbigay rin ang Binance ng $350,000 sa Multichain bilang bahagi ng accelerator program nito, at pinamunuan ng Binance Labs ang isang round ng pamumuhunan na nagkakahalaga ng $60,000,000. Kasama sa round na ito ang Tron Foundation, Sequoia Capital, at IDG Capital.
Paano gumagana ang Multichain?
Para mapadali ang lahat ng gawaing ito, ang Multichain ay may network ng mga Secure Multi Party Computation (SMPC) node na pinapatakbo ng iba't ibang party. Tingnan natin nang mas mabuti ang lahat ng ito.
Pag-bridge
Kapag naglilipat ito sa iba't ibang chain, gumagamit ang Multichain ng karaniwang mekanismo sa pag-peg ng crypto para sa ilang coin at token. Isipin na gusto mong mag-bridge ng BNB mula sa BNB Smart Chain papunta sa Ethereum. Ila-lock ng Multichain ang iyong BNB sa isang smart contract sa BNB Smart Chain at pagkatapos ay magmi-mint ito ng naka-peg na BNB token sa Ethereum. Gagawin ito sa ratio na 1:1. Ang opsyong ito ang orihinal na serbisyong iniaalok ng Multichain noong tumatakbo ito bilang Anyswap.
Mga Liquidity Pool
Hindi lahat ng token ay puwedeng i-bridge gamit ang paraang MPC sa itaas. Ang ilang token, halimbawa ay ang USDC, ay nasa native na anyo na ng mga ito sa maraming blockchain. Para i-bridge dito ang mga asset mo, kakailanganin mong i-swap ang iyong mga coin.
Mga Cross-Chain Router
Kinukuha ng Multichain Router ang kahilingan ng isang user at ginagamit nito ang naaangkop na paraan mula sa dalawang nakabalangkas sa itaas. Sini-streamline ng feature na ito ang karanasan sa pag-bridge ng user. Maililipat ang anumang sinusuportahang asset sa pagitan ng maraming chain, ito man ay mga native token o bini-bridge ng Multichain. Ang ilang proyektong may mga native token sa ilang chain, pero hindi sa iba, ay puwedeng mag-bridge gamit ang Multichain nang may hybrid na diskarte.
Mga SMPC Node
Sine-secure ang Multichain ng isang network ng mga node na kilala bilang Secure Multi Party Computation (SMPC). Ang mga node na ito ay mga hiwalay na entity na puwedeng mag-sign ng mga transaksyon nang sama-sama. Gamit ang Distributed Key Generation algorithm, hiwalay na pagmamay-ari ng bawat node ang isang bahagi ng pribadong key. Hinding-hindi lalabas ang kumpletong set ng mga pribadong key, at lalo nang hindi ito mailalabas. Iniiwasan nito ang mga isahang punto ng pagpalya, na tumitiyak sa desentralisasyon at seguridad. Binubuo ang Multichain MPC network 2.0 ng mga bukas na node na pinapatakbo ng komunidad at mga partner. Tinitiyak nito na mas mahusay ang performance at madaragdagan ang desentralisasyon.
Bakit natatangi ang Multichain?
Marami na ngayong mapagpipiliang bridge. Kaya bakit mo dapat piliin ang Multichain? Kapag tiningnan mo ang proyekto, may ilan itong aspekto na dahilan kung bakit ito natatangi at nakakahikayat:
Ano ang MULTI token?
Ang MULTI ay ang governance token ng Multichain. Dati, sa ilalim ng pangalang Anyswap, ni-release ng Multichain ang governance token na ANY. Puwede na ngayong i-convert ng mga user ang ANY sa MULTI nang 1:1 sa pamamagitan ng website ng Multichain. Ang ibig sabihin ng mekanismong ito, magkakaroon ang MULTI ng kabuuang supply na 100 milyon kung iko-convert ng lahat ng may hawak ng ANY ang kanilang mga token. Nasa Multichain din ang veMULTI, na nagbibigay-daan sa mga may hawak ng token na mag-stake ng MULTI para sa mga reward sa bayarin sa pag-bridge ng Multichain. Puwede ring bumoto ang mga may hawak sa mga panukala sa pamamahala sa pamamagitan ng framework ng veMULTI.
Saan ako makakabili ng MULTI?

Paano ko gagamitin ang Multichain?
2. Ikonekta ang iyong wallet sa pamamagitan ng pag-click sa button na [Magkonekta ng Wallet] sa kanang sulok sa itaas. Siguraduhing nakakonekta ka gamit ang BNB Smart Chain.




6. Ilagay ang halagang gusto mong i-bridge bago i-click ang button na [I-swap]. Kakailanganin mo na ngayong kumpirmahin ang mga transaksyon sa iyong wallet.

Mga pangwakas na pananaw
Iniaalok ng Multichain ang isa sa pinakamaraming mapagpipiliang token na puwedeng i-bridge sa mithiin nitong maging "pinakamagandang router sa Web3." Kung interesado ka sa DeFi at kailangan mong magpalipat-lipat sa mga network gaya ng Solana (SOL), Avalanche (AVAX), at Ethereum network (ETH), madali mo iyong magagawa sa Multichain.