Utility ტოკენი
Utility ტოკენები, ასევე ცნობილი როგორც მომხმარებლის ტოკენები ან აპლიკაციის მონეტები, არის ბლოკჩეინის ქსელის ციფრული ტოკენები, რომლის გამოშვება უმეტესად ხდება მონეტის პირველადი შეთავაზების (
ICO), პირველადი საბირჟო შეთავაზების (
IEO) ან ტოკენის გენერირების სხვა ტიპის ღონისძიების (TGE) მეშვეობით. ტრადიციული ვალუტებისაგან განსხვავებით, როგორიცაა დოლარი ან ევრო, utility ტოკენები ემსახურება დეცენტრალიზებულ პლატფორმის კონკრეტულ მიზნებს. ისინი უზრუნველყოფს მომხმარებლების წვდომას უამრავ სერვისზე ან ფუნქციაზე და მოქმედებს, როგორც კონკრეტული ბლოკჩეინის პროექტის ფუნქციების განბლოკვისთვის საჭირო ციფრული გასაღები.
1. სერვისებზე წვდომა
Utility ტოკენების ძირითადი მიზანია წვდომის უზრუნველყოფა ბლოკჩეინის პლატფორმაზე არსებულ საქონელზე თუ მომსახურებაზე. ეს შეიძლება მოიცავდეს ყველაფერს, დაწყებული დეცენტრალიზებული აპლიკაციის (
DApp) გამოყენებით და დამთავრებული
ბლოკჩეინის ეკოსისტემის სპეციფიკურ ფუნქციებზე წვდომით.
2. ეს არ არის ინვესტიცია
Security ტოკენებისგან განსხვავებით, utility ტოკენები არ განიხილება როგორც ინვესტიციის საშუალება ტრადიციული გაგებით. ისინი წარმოადგენს ტრანზაქციის განხორციელების საშუალებას კონკრეტული ბლოკჩეინის ეკოსისტემაში.
3. რეალური ღირებულება
Utility ტოკენების ღირებულება მდგომარეობს კონკრეტულ ეკოსისტემაში მათი გამოყენების შესაძლებლობაზე. utility ტოკენთან ასოცირებულ სერვისებზე ან ფუნქციებზე მოთხოვნის ზრდასთან ერთად, სავარაუდოდ გაიზრდება ამ ტოკენის ღირებულებაც.
მნიშვნელოვანია გვესმოდეს, თუ რა არსებითი განსხვავება არსებობს utility ტოკენებსა და security ტოკენებს შორის, რადგან ბლოკჩეინისა და
კრიპტოვალუტების სამყაროში მათ განსხვავებული დანიშნულებები აქვს.
1. დანიშნულება
Utility ტოკენები: ძირითადად შექმნილია ბლოკჩეინის ეკოსისტემაში კონკრეტული ფუნქციების და სერვისების განბლოკვისთვის ან გააქტიურებისთვის.
Security ტოკენები: წარმოადგენს აქტივის, წილის ან სტეიკინგის მფლობელობას კომპანიაში, შედეგად არსებობს მოგების მიღების მოლოდინი დივიდენდების ან კაპიტალის გაზრდის გზით.
2. რეგულაცია
Utility ტოკენები: ზოგადად ექვემდებარება ნაკლებ მარეგულირებელ შეზღუდვებს, რადგან ისინი არ წარმოადგენს ტრადიციულ ფასიან ქაღალდებს.
Security ტოკენები: ექვემდებარება ფასიანი ქაღალდების უფრო მკაცრ რეგულაციებს მათი საინვესტიციო ინსტრუმენტების ანალოგიური ბუნების გამო.
3. ინვესტიცია და გამოყენება
Utility ტოკენები: მომხმარებლები ყიდულობენ ამ ტოკენებს პლატფორმის ფუნქციებზე წვდომის მისაღებად, რომელთა სუბიექტური ღირებულება გამომდინარეობს უფრო მათი გამოყენების ტიპიდან და არა საბაზრო სპეკულაციებიდან.
Security ტოკენები: ზოგადად მათი შეძენა ხდება მომავალი ფინანსური სარგებლის მოლოდინით, როგორიცაა დივიდენდები ან კაპიტალის მოგება.
4. რისკი და მოგება
Utility ტოკენები: მომხმარებლები დგანან Utility ტოკენის ღირებულების რყევის რისკის წინაშე, რაც გამომდინარეობს მასთან ასოცირებულ სერვისებზე მოთხოვნაზე, მაგრამ მათ არ უნდა ჰქონდეთ იგივე ფინანსური მოგების მოლოდინი, როგორიც აქვთ security ტოკენის მფლობელებს.
Security ტოკენები: ინვესტორებს აქვთ ფინანსური მოგების მოლოდინი და მათვე ეხებათ ყველა ასოცირებული რისკი, მათ შორის ბაზრის არასტაბილურობა, რეგულაციებთან დაკავშირებული საკითხები, კომპანიის მომგებიანობა და პროექტის ეფექტურობა.
Utility ტოკენები არის ბლოკჩეინ ქსელების განუყოფელი ნაწილი, რაც მომხმარებლებს აძლევს დეცენტრალიზებული პლატფორმების გამოყენების რეალურ საშუალებას. Utility დ security ტოკენებს შორის განსხვავების გაგება ძალიან მნიშვნელოვანია კრიპტოვალუტის ინვესტიციებისა და ბლოკჩეინის აპლიკაციების განვითარებად გარემოში ნავიგაციისთვის.