Security ტოკენის შეთავაზება (STO)
Security ტოკენის შეთავაზება (STO) არის სახსრების მოზიდვის მეთოდი
security ტოკენების გაცემის გზით. ეს ტოკენები განასახიერებს ისეთი საბაზისო აქტივის ფლობის უფლებას, როგორიცაა კაპიტალი, დავალიანება ან უძრავი ქონება. STO ღონისძიებების ფარგლებში ხდება რეალური აქტივებით უზრუნველყოფილი ტოკენების შეთავაზება, რაც ინვესტორებს სთავაზობს საკუთრების უფლებებსა და პოტენციურ დივიდენდებს.
STO-ები იწყება იმით, რომ კომპანია გადაწყვეტს კაპიტალის მოზიდვას security ტოკენების გაცემის გზით. პირველ რიგში საჭიროა, რომ კომპანიამ დააკმაყოფილოს მარეგულირებელი მოთხოვნები. ეს უზრუნველყოფს STO-ს შესაბამისობას ფასიანი ქაღალდების შესახებ კანონმდებლობასთან.
შემდეგ კომპანია ირჩევს
ბლოკჩეინს, რომელზეც უნდა მოხდეს security ტოკენების გაშვება. როგორც წესი, Security ტოკენები იქმნება
სმარტ-კონტრაქტების მეშვეობით, რომლებშიც კოდირებულია უსაფრთხოების წესები და პირობები, საკუთრების უფლებების და დივიდენდების განაწილების მექანიზმების ჩათვლით.
ინვესტორებს შეუძლიათ security ტოკენების შეძენა
ფიატ-ვალუტის ან კრიპტოვალუტის გამოყენებით. ემიტენტ კომპანიას შეუძლია მოზიდული თანხების გამოყენება ბიზნესის განვითარებისთვის, პროექტების დაფინანსებისთვის ან სხვა აქტივობებისთვის, რომლებიც საჭიროებს საწყის კაპიტალს. სანაცვლოდ, ინვესტორები იღებენ ტოკენებს, რომლებიც წარმოადგენს ზოგიერთი საბაზისო აქტივის წილის ფლობის მტკიცებულებას.
STO-ები იძლევა აქტივების წილობრივი მფლობელობის საშუალებას, რაც ინვესტორებს აძლევს მაღალი ღირებულების მქონე აქტივების, მაგალითად უძრავი ქონების მცირე ნაწილების შეძენის საშუალებას, რაც ამ ინვესტიციებს უფრო ხელმისაწვდომს გახდის. ისინი ასევე გვთავაზობს გაზრდილ
ლიკვიდურობას, ვინაიდან შესაძლებელია ტოკენებით ვაჭრობა მეორად ბაზრებზე, რაც ინვესტორებს აძლევს თავიანთი აქტივების მარტივად ყიდვის და გაყიდვის საშუალებას. კიდევ ერთი მთავარი უპირატესობაა გამჭვირვალობა, ვინაიდან ყველა ტრანზაქცია იწერება საჯარო
ლეჯერში, რომელზე წვდომაც შესაძლებელია ინტერნეტის საშუალებით.
Security ტოკენის შეთავაზება (STO) არის კაპიტალის მოზიდვის მეთოდი security ტოკენების გაცემის გზით, რომლებიც წარმოადგენს მატერიალური აქტივების ფლობის უფლებას. STO-ების უპირატესობები ასევე მოიცავს გაზრდილ ლიკვიდურობას, გამჭვირვალობისა და წილობრივ მფლობელობის შესაძლებლობას.